音樂堂之後,其他人望住我同曉琳既目光愈來嚟異樣。

睇嚟佢地已經完全誤會佐我同曉琳係拍緊拖......

其實班hihi既價值觀係咪有啲問題?

一對男女行埋一齊就叫拍拖,家陣唔俾男女之間有純友誼呀?

雖然某程度上我係追緊曉琳。



中文堂果陣,中文老師Mr.Kwok明顯已經聽到啲關於我同曉琳拍拖既傳言,一教完書就喺到講:「最近都聽到好多人講話我地班有人拍拖,個人都覺得幾可信,係咪呢?林同學?陳同學?」

成班都喺度恥笑我地。

仆你個街,你講乜撚野呀!

我望向曉琳,佢伏佐喺張枱度,枱上面仲有幾滴淚水。

OK,你地激嬲佐我。



點解我地學校會有啲咁既老師㗎?

「笑夠未呀!」我大嗌。

全班同學包括Mr.Kwok都望住我,冇人再笑。

我企起身,繼續講:「你地班人既價值觀係咪有啲問題?一對男女行埋一齊,你地就話係拍拖,而家係咪唔俾純友誼呀?而且,呢班都有其他人拍緊拖,你地又唔去笑佢?冇野呀?」

我指住Mr.Kwok:「仲有你!身為老師,唔去認真教書,反而喺度討論是非,而家你教哂書啦咩?你跟本就唔適合去做一個老師!」



全班冇人出聲,大概佢地都喺度反思。

Mr.Kwok尷尬咁dup低頭,就咁靜佐幾分鐘,等到鐘聲響佐之後,Mr.Kwok就即刻衝出門口,連敬禮都唔使。

我望住曉琳,曉琳都望住我,佢已經抹乾佐啲眼淚。

「多謝你呀!」曉琳説。

「唔使,呢啲咁既人,根本就唔配做一個老師。」我説。

曉琳笑佐一下,就行出班房。

鬧老師以博紅顏一笑,都值得啦!

雖然好似同Mr.Kwok結佐仇。



呢個時候,有幾個男同學走佐過嚟,同我講:「對唔住呀林浩雪,啱啱唔應該恥笑你㗎,你啱啱講既幾句話,令我對你徹底改觀,我地可以做個朋友嗎?」

「緊係得啦,陳浩南,王銘然,張家樂!」我説。

「你,你知我地既名?」王銘然驚訝地問。

「同班同學知道對方個名好正常啫......」我無奈地説。

「好似係喎!」佢傻笑。

「話説你同曉琳成績咁好,一定入到A班啦,我地做多半年朋友,下年就唔會見面咁多次㗎喇!」張家樂説。

「咁又唔係喎,我陪你地温書咪得囉!」我説。



「得咩?」張家樂問。

而陳浩南由始至終都冇講過野,佢應該係屬於唔擅長交際既人。

「點解唔得?你地夜晚得唔得閒?我地夜晚去M記温?」我問。

點解要喺夜晚?下就我要同曉琳温書丫嘛!

「我冇問題呀!」王銘然同埋張家樂説。

而陳浩南就淨係對我點一點頭。

「咁就由今晚開始啦!夜晚9點M記等。」我説。

「下?咁夜?我預佐會由6點鐘温到去10點鐘㗎!」王銘然説。



「超!你鬼温到咁耐咩!」張家樂説。

「喂喂喂,咁晚餐點算呀?」我問。

「咪喺M記食囉!唔係喎,唔記得佐你屋企窮添,呀sorry,唔係串緊你。」王銘然説。

「容易啦!我地三個夾份請佢食一個餐囉!唔係好貴啫!」張家樂説。

「下?邊好意思㗎!」我説。

「冇所謂啦!咪當係報酬囉(陳浩南點佐一下頭)!」張家樂説。

「叮噹叮噹......叮噹叮噹......」



「咁今晚6點喺M記等啦!」我説。
.
.
.
.
.
.
「喂浩雪,你出去邊呀?你未食飯喎。」雪彤說。

「呀sorry,唔記得佐同你講今晚唔使煮我飯添?」我説。

「下?點解呀?」雪彤問。

「我要去陪朋友温書呀!」我説。

「咦?浩雪你終於有朋友啦!」雪彤驚訝地説。

「咩啫,咁講野都得既?唉,唔傾住啦,遲到啦,拜拜。」我説。

「拜拜!」雪彤説。
-----------------------------------

鐘意呢篇故既人,可以留言支持㗎!