「那動人時光,不用常回看.....」耳邊依然響起麥浚龍啲歌,不過今次係「羅生門」。

「咦?浩雪,你首歌好似同之前唔同佐少少既?」雪彤問。

「轉佐首歌啫!」我答。

「唔係指呢樣,羅生門我都有聽過,我指把女聲唔同佐。」雪彤更正。

「呃.....呢個係祕密,唔話你知!」我説。



「哼!唔講咪唔講囉!我返學先啦,拜拜!」雪彤向我道別。

「拜拜。」説罷,雪彤就衝佐出去。

點解雪彤會覺得歌入面把聲有啲怪?

因為我首歌唔係謝安琪唱而係曉琳唱㗎!

點錄?上次音樂考試偷偷地用手機錄囉!



唔好問我點解上堂用手機,我就唔信你地未試過。

我食完早餐,就慢慢行返去學校。

比起以前,而家已經冇乜人對我指指點點。

但係我「死窮撚」同埋「死毒撚」既稱號仍然俾全校同學嗌緊。

「果個係咪林浩雪呀?我好似聽到話佢入佐3A班喎。」



「挑,咪又係咁撚窮!佢成績分分鐘仲差過我呀!」

成間學校都充斥住呢啲對話。

入到3A班房,基本上全部都係生面口,除佐張家樂佢地。

「喂!brother,俾返曉琳你先,特登幫你霸位㗎!」張家樂勁大聲咁同我講。

全班即刻望住我,唉,第一日返學就喺到吸仇恨。

我望佐一望曉琳,佢照舊成塊面紅哂咁伏佐喺張枱道。

有啲咁既朋友真係好啫!

「多謝哂喎!」我説。



講完,張家樂就拎埋書包行佐去王浩然隔離個位。

我亦都順理成章咁坐埋去曉琳隔離個位。

「係你叫張家樂幫你霸位㗎?」曉琳突然問。

「冇呀,可能佢知道我地有野呢!」我説。

「邊......邊個同你有野喎!」曉琳講完就冇再理我啦。

呢個時候,同緊佢男朋友仔傾計既雪彤望佐我一眼,佢男朋友好似見到,都望佐我一眼。

佢男朋友同雪彤講佐一句野之後,雪彤就扯住佢隻手,佢呆佐一呆,就「fing」甩佐雪彤隻手,行佐嚟我隔離。



唔係過嚟聊架打呀?我唔想再吸仇恨呀。

「放心啦,我唔係過嚟聊架打㗎,只係見到你望住彤彤既眼神有啲奇怪,所以行過嚟問一問啫。喺呢,你叫咩名呀?我叫岳希晨呀!」佢好似識讀心術咁解答佐我心入面既問題,細細聲咁講。

「我叫林浩雪。」我説。

「多多指教,話説你同彤彤是甚麽關係?」岳希晨細細聲咁問。

頂,中四先可以表明我係雪彤呀哥呀.....點答好呢?

「唔.....居然係咁,放心啦!中四先得丫嘛!我唔會講出去既。」岳希晨説。

然後佢就行返去雪彤隔離。

What the fuck?



佢真係識讀心術㗎?

呢個人,究竟會係朋友,定係敵人?

「好啦好啦,各位同學返埋位啦!」老師既聲出現。

咦?把聲咁熟既?

我枱頭一望,發現今年既班主任又係Miss.Wong。

嗯......按照慣例,跟住應該喺啲一年之內,我都會同曉琳一齊坐。

「咦?而家班房咁既坐法唔錯喎!咁離緊果一年都咁坐啦!」果然,Miss.Wong始終懶得調位。



班上面即刻有人歡呼,亦都有人哀號。

「嚟緊果一年又要一齊坐啦!」曉琳笑住咁同我講。

「咁好啦!十月UT我又要再同你比賽!」我説。

「又比?我地比佐四次啦喎!」曉琳説。

「四次又點啫?我有信心,今次一定贏到你㗎!比多一次啦~」我以哀求的語氣説。

「好啦好啦!見你咁可憐,就比多一次啦!今次係最後一次呀!」曉琳説。

今次係最後一次啦!我一定要把握好呢個機會呀!

小息果陣,雪彤叫佐我上去天台。

「浩雪,啱啱希晨同你講佐啲咩呀?」雪彤一見到我就問。

仲以為有咩事添......

「冇呀,話説岳希晨係咪識得讀心術㗎?」我問。

「你點知㗎?你係咪俾佢知道佐啲咩秘密呀?」雪彤緊張地問。

「俾佢知道佐......我地係......兄妹既關係。」我支支吾吾地説。

「咩話?唉,呢層唔怪得你,佢真係識讀心術㗎,form.2佢已經知道佐我有個呀哥㗎喇。」雪彤説。

下?咁咪即係話佢身上掌握住好多秘密?

「但係如果我地有啲唔想俾佢知道既野咁點算呀?」我問。

「好易啫!只要你同佢講野果陣唔好唸果樣野就得啦!」雪彤説。

講就易啫......做起上嚟不知幾難呀!

「唉......儘量啦......」我説。

「叮噹叮噹......叮噹叮噹......」鐘聲響佐啦。

「嗯,我落返去先啦,你過多幾分鐘之後再落返去啦!拜拜!」雪彤説。

「拜拜......」我説。

過多兩分鐘之後,我就行返落班房。

一入到去,就聽到教世史既Miss.Yiu話:「林浩雪!做乜野咁遲先落嚟呀?」

「我肚痛丫嘛!」我説。

「肚痛你唔早啲去?」Miss.Yiu説。

「咁我喺小息就嚟完果陣先肚痛係咪唔得先?」我問。

Miss.Yiu啤住我,我都啤住佢。

邊個先低頭,邊個就輸!

正當我咁唸果陣,Miss.Yiu就妥協佐:「返位啦!仲望住我做乜?下次唔好咁啦!」

完勝!

班上面即刻有人喺度偷笑。

坐返埋位之後,我見到張家樂俾佐個「like」既手勢我。

佢叫我等間上天台?

唔係,佢唔知個暗號,佢應該真係贊我。

好耐未試過俾人贊,仆街有啲想喊。

「咦?浩雪你喊呀?驚老師報仇就唔好駁嘴啦!」曉琳最先發現,細細聲咁同我講。

「你都傻嫁,我不嬲都唔喊既,有野入眼啫。」我説。

我抹佐一抹對眼,就冇再同曉琳講野。

---午休---

「喂,我呢一個月唔同你地温書啦!」我對張家樂佢地説。

「下?點解呀?」王銘然問。

「冇,曉琳話今次係最後一次比賽,我要閉關温書呀!」我説。

「咁好啦,加油呀!一定要贏到曉琳呀!」張家樂説。

「多謝支持,多謝支持!」我説。

「咦?你地傾緊啲咩呀?」曉琳把聲喺我地耳邊出現。

「哇!你幾時行到過嚟㗎!」王銘然驚訝地説。

「咩喎......我存在感咁低㗎咩?」曉琳用就嚟喊既聲線説。

話頂,我未見過曉琳用咁既聲線講野㗎......

就連王銘然都軟哂咁講:「唔係......唔係......」

説好的女神只可遠觀呢?

呀~我個心好撚痛呀,好葡萄佢呀!

張家樂俾佐一個無奈既眼神我。

而曉琳就俾佐個得戚既眼神我。

「衰妹,玩我?」我笑罵。

「咩喎......我見你啱啱上堂果陣唔理我,悶呀嘛......」曉琳用返正常既聲線説。

嚇得我丫,幾驚佢鐘意佐王銘然呀......

雖然咁唸好衰,但係你都唔會想你鐘意既人鐘意佐你既兄弟㗎嘛......

王銘然好大聲咁歎佐啖氣,睇嚟佢同我有相同唸法。

「你做乜歎氣呀?家陣我好失禮你咩?」曉琳生氣地問。

「冇.....我驚你真係鐘意我,浩雪會唔開心啫。」王銘然説。

「咩......咩喎,又......又關佢咩事喎.......哼!唔同你地講野啦!你地夾份蝦我既!」曉琳成塊面紅哂,講完就跑佐出班房。

「哈哈哈哈~」我地喪笑。

----------------------
Shit,病到入廠
幾日冇文
唔知你地會唔會屌我
今章長啲當補償
原諒我~