女神話我考試排名高過佢 就滿足我一個願望: 第三十二章

「唉……終於放學啦……」方野吉嘆了一口氣。

「一齊返屋企？」我問。

「好呀。」方野吉說。

當我們執齊書包嘅時候，方野吉又再轉態。

「呃……都係唔使啦……」方野吉說。



「點解呀？」我問。

「你望下出面……」方野吉無奈地說。

我望咗一下，都知道點解方野吉唔同我一齊走。

雪彤同曉琳企咗喺出面。

「咁你走先啦……」我說。



「重色輕友會有報應㗎！」方野吉對我散發單身嘅怨念。

方野吉迅速執哂所有野之後走人。

使唔使走得咁快呀……

我行出班房。

「欸，你終於出嚟啦？」雪彤說。



「你唔使陪岳希晨咩？」我反問。

「佢唔得閒呀，咁我咪勉為其難陪你翻屋企囉。」雪彤說。

「哇……多謝哂喎……」我說。

「唔洗，請我食野得啦。」雪彤說。

我從未見過如此厚顏無恥之人……

「唉……我地走啦……」我無奈地說。

途中曉琳同雪彤一直喺到吹水 我完全插唔到嘴。

我覺得我嘅存在感係負呀……



我喺佢地兩個後面望住地下行。

「哈哈哈哈……」曉琳同雪彤突然喺到笑。

我好奇地望上去，佢地都喺到望緊我。

「你地……笑咩呀？」我惘然地問。

「你估下？」雪彤調皮地說。

「點估呀大佬……」我用一個求助嘅眼神望住曉琳。

「嘻嘻……」曉琳繼續喺到笑。



唔好無視我呀！

「你估到嘅～」雪彤說。

我繼續用一個求助嘅眼神望住曉琳。

點知佢直接轉身走人。

唔好無視我呀……

「你地唔會講緊我壞話掛……」我問……

「恭喜你呀！你答啱咗啦！」雪彤說。

「咁有冇獎品呀……」我無奈地說。



「有呀~你得到咗曉琳乙份呀！」雪彤激動地說。

然後佢拉咗曉琳過嚟。

「你嘅獎品到啦！」雪彤說。

「喂吔！」曉琳驚呼。

「喂咩吔呀~講到你唔想咁。」雪彤推咗曉琳過嚟。

我下意識抱住曉琳。

「好閃呀！我對眼就嚟盲啦！」雪彤說。



明明就係你推曉琳過嚟嘅……

「唉我走先啦，再咁落去我對眼唔使要。」雪彤一支箭咁跑走咗。

「咁而家點呀……」曉琳羞澀地說。

「仲有得點啫？拋低佢，我地慢慢行。」我笑說。

「嗯。」曉琳低頭說。

我地拖住手行過咗呢段路程。

「送我到呢到得啦。你返去啦~」曉琳說。

「好啦咁。」我不捨地說。

「拜拜~」曉琳說。

「拜拜~」我說。