女神話我考試排名高過佢 就滿足我一個願望: 第三十八章

十二月嗰陣，方野吉無端端打咗個電話俾我。

「林浩雪，我鎖匙唔見咗呀，你可唔可以收留我幾個禮拜呀？我呀媽返到嚟嗰時我就會走㗎啦。」方野吉說。

唔係掛……鎖匙都可以唔見？

「好啦，你宜家喺邊呀？我嚟搵你。」我說。

「你嚟M記搵我啦。」方野吉說。



「等間見。」講完之後我就收咗線。

去到M記嗰陣，我見到方野吉攞住杯水成個傻仔咁坐咗喺到。

「對於你不幸嘅遭遇，本人感到同情。」我忍住笑說。

「屌你啦，快啲行啦，我好肚餓呀。」方野吉催促。

「跟住啦。」我說。



我同方野吉好靜咁行返到我屋企。

「嘩……你屋企咁大嘅？真係好有錢喎。」方野吉說。

「其實有錢……都未必係一件好事。」我苦笑。

「挑！一定係咁啦。」方野吉鄙視我。

「你入房開電腦先啦，我去個廁所先。」我說。



當我洗緊手嗰陣，突然聽到雪彤喺到大嗌。

「呀哥！救命呀！有變態佬呀！」雪彤尖叫。

我嚇到即刻衝上去雪彤間房。

上到去之後，變態佬我就見唔到，方野吉就有一個。

「嘩，你喺我呀妹間房做咩呀？」我說。

「咩呀……呢個唔係你間房嚟㗎咩？」方野吉問。

「你入錯咗我呀妹間房呀……我間房喺呢到呀……」我指住另一間房說。

「好囉我錯……」方野吉無奈地說。



「唉唔講呢樣先，晚餐食咩好呀，屋企冇乜餸。」我說。

「是但啦，簡簡單單M記一餐。」方野吉說。

「唔制呀！M記咁熱氣！」雪彤反對。

「俾幾個選擇你揀啦，M記，KFC，pizza hut。」我說。

「咁即係冇得揀啦……」雪彤說。

「唉仲有少少餸呀嘛，我煮俾你地啦。」方野吉說。

唉傻仔，本身我再講多幾句雪彤就會煮㗎啦……



「咁你快啲啦！」我同雪彤異口同聲地說。
-----------------------------
話說我十七號要去個七日六夜嘅廣州交流團
如果我想日更嘅話
我就要每日更三篇先得
你地殺咗我算啦(｡ﾟっ´Д｀ﾟ)｡っ