女神話我考試排名高過佢 就滿足我一個願望: 第四十章

「嘩！你仲帶埋個蛋糕嚟呀？」雪彤說。

「係呀，行過見到個蛋糕好得意，咪埋返嚟囉。​」曉琳說。

「多謝​你呀曉琳！」雪彤說。

「係呢，生日禮物呢？」​雪彤望住我同方野吉問。

弊!唔記得咗買生日禮物添！



今次死得啦！

不過方野吉應該都瀨野嘅......

呢個時候，曉琳塞咗一份包裝精緻嘅禮物我。

「知你會唔記得咗買禮物啦。​」曉琳說。

「​知我者，曉琳也。抵錫！」我說。



「嘻嘻。​」曉琳甜笑。

方野吉一面鄙視咁望住我。

佢......應該乜都望唔到掛......

我俾咗份禮物雪彤。

「算你啦！野吉你嗰份呢？​」雪彤問。



「呃......​」方野吉尷尬地說。

「你係唔係冇準備呀？​」雪彤笑說。

呢個笑容......好恐怖......

「​緊......緊係唔係啦......」方野吉哭笑。

之後佢喺褲袋攞咗條鎖匙出嚟。

等等先，佢邊到嚟嘅鎖匙呀？佢唔係唔見咗條鎖匙咩？

唉算啦我都懶得揭穿佢。

雪彤顯得有啲錯愕。



「好啦我地食完晚餐之後就切蛋糕啦！​」曉琳解圍。

「​好啦，你地坐定定喺到啦！今餐由我煮！」曉琳說。

下？唔係掛？

曉琳唔係唔識煮野食咩？

我唔想食物中毒呀......

「我嚟幫你手啦！​」為咗性命安全，我一定要幫手。

果然，曉琳做到雞手鴨腳咁款，結果大部分嘅餸都係我煮嘅。



「食飯啦​！」我說。

佢地即刻坐上飯檯。

「好好食呀！曉琳你煮野食好叻呀！​」雪彤稱贊。

「哈哈......邊係呢......​」曉琳尷尬地說。

「唔洗怕羞喎。​好似呀哥咁咩，咁大個人都唔識煮野食。」雪彤說。

明明成餐飯都係我煮嘅......

「食野啦咁多野講！​」我說。

方野吉一直喺隔離食緊花生。



呢餐飯就喺歡樂嘅情況下完結。

一個鐘後，我地開始切蛋糕。

「Happy birthday to you, happy birthday to you, happy birthday to 雪彤, happy birthday to you!​」

「快啲切蛋糕啦！​」曉琳說。

雪彤熟練地將蛋糕切開四等份。

「係呢？岳希晨呢？​」方野吉問。

「佢有事做嚟唔到呀......​」雪彤不悅地說。



「搞錯呀？連女朋友生日都唔慶祝。​」我說。

「​唔好唔開心啦，有我地陪你呀。」曉琳安慰道。

「​多謝你地呀。」雪彤說。

「好啦快啲食啦。​」曉琳說。