話說 Jerry 要求 Venus 同大陸客玩 3P...

我同 Venus 都好憤怒,有冇搞錯,為咗我份工你食咗 Venus 已經夠啦,依家仲搵多個大陸佬嚟一齊食? 我想閹咗你。

『我突然聽到有聲,好似有人行緊過嚟,我即刻匿埋嚮 Jerry 秘書檯底,呢個位置一定冇人睇到我,不過同時我聽唔到房入面講咩,唔知 Venus 有冇摑 CEO 一巴?

最後都冇人行過嚟,唔知係我聽錯定係果個人行咗去第二度,我起翻身,再聽下佢地點...

我聽唔到爭執聲,只聽到 Venus 講咗一句: 只此一次。』



應承咗?

高登仔都好憤怒...

『呢間咩公司?』

你應承咗佢?

『呢啲唔係中港融合,係中港交合。』



『我公司都嚮國內,可唔可以同你地公司合作? 不過我指明要 Venus。』

你應承咗同佢地 3P?

『指明? 你估金魚缸咩? 係都輪到我先。』

『嗚... 嗚... 嗚... Venus 呀! 我嘅 Venus 呀!』

『唔好做喇,帶 Venus 走啦,呢間公司痴晒線。』



點解? 點解? 點解?

『3P 呢啲刺激野好易玩上癮,我驚 Venus 會萬劫不復。』

點解你咁樣作賤自己?

『本人完全唔接受 Venus 再跟任何本人之外的男性發生關係。』

『個大陸客係咪好地中海,樣衰又大肚腩?』

你背住我同 Jerry 做愛我已經好嬲,點解你仲畀其他男人玩?

『係咪地中海,係咪樣衰,係咪大肚腩都好,我唔制!』

你知唔知咩叫 3P? 唔係兩男一女做愛咁簡單,3P 仲有好多變態野,我睇 AV 睇得多,好多你諗唔到嘅折磨女人方法都有,我真係唔敢想像呢啲野將會發生嚮你身上。



『唔好畀佢地 3P... 所以你要加入變 4P。』

『3P/4P 唔係問題,問題係佢當 Venus 係乜? 雞呀?』

『Venus 畀 CEO 食我已經把鬼火,依家仲走個大陸客出嚟,我一定要切咗佢地條 JJ!』

『睇嚟 CEO 唔當 Venus 係 SP,只當佢性玩具,仲要係公共性玩具。』

『如果你唔阻止 Venus,我發誓派你一年膠。』

『都係果句,Venus 為咩? 畀 CEO 食已經夠慘,依家仲要畀埋大陸客玩,究竟點解佢要咁做? 你知唔知?』

「Andy,你個樣好攰,對眼黑晒,成隻熊貓咁。」



「嗯? Andy?」

「Andy,Andy,你應吓我...」

「吓? 呀? 哦?」

「你諗緊咩呀?」

你係咪知道咗?

「Andy,你成日心不在焉,究竟諗緊咩?,再係咁我唔開心架。」

你 feel 到我已經知道你嘅秘密?

「你係咪好辛苦? 你知唔知我見到你咁我好擔心?」



係,我好辛苦,我知你同我一樣好辛苦,我地都知將會發生咩事,但唔可以講出嚟,只擺嚮心入面...

「你使唔使睇醫生?」

我嚮高登寫出我嘅反應...

『我想婉轉啲同佢講,叫佢拒絕 CEO 唔好同大陸客玩 3P,我知道佢做所有野都係為咗我,就算佢背住我同 CEO 做愛又好,就算我幾嬲都好,我都講唔出鬧佢嘅說話,我好愛佢,我好心痛佢,要佢犧牲自己嚟幫我,我好內疚。

點知佢話呢個係佢轉 marketing 之後第一單生意,好重視呢單生意...

而且呢單大生意做得成,花紅會好勁,至少係年薪幾倍,以佢嘅年薪嚟講,係一個不得了嘅數目,到時我地可以即刻搬,搬去我地嘅 dream house。

我估唔到佢會用夢想嚟說服我,不過,為咗夢想要傷痕累累,為咗夢想要沾污身體,為咗夢想要出賣靈魂,值得咩?』



「Andy,有好消息,紅鴻落實咗喇...」

「不過仲有個 follow up meeting,要就紅鴻個老闆,schedule 咗嚮今個星期六,要 OT 囉。」

你地果場 3P 嚮星期六?

「有邊個?」

「紅鴻個老闆,Jerry,Jerry 秘書,Grace 同我...」

得你地 3 個? 果然開會係籍口,實際係做愛。

「我陪你去。」

「唔使,你咁攰,星期六瞓多啲啦。」

「唔得,我一定要,我死都要陪你去。」

「知你錫我喇,好啦,到時你嚮 office 等我,你唔好咁辛苦自己,我心痛架。」

你心痛,我個心仲痛,睇住你被其他男人搞,仲要兩個一齊食你,你話我點會唔痛?

呢種痛苦,我好似曾經體會過,恥辱,悲傷,無助,被火燒咁,比死更難受...

隨住愈嚟愈近星期六,我愈嚟愈坐立不安,精神愈嚟愈緊張,思想愈嚟愈混亂,不單只成日做錯野,直情做唔到野...

「Andy,你 submit 錯咗上一個 version 畀我,你 submit 過... Andy? 算啦我自己去 server 搵。」

「得喇 Max,Andy 份野已經嚮我度,我 confirm 完會 pass 畀你,你等多陣...」

「喂 Andy,你份野呢? Max 追咗幾次喇,做咗未呀? Andy? Andy? 好啦好啦我幫你做咗佢先...」

要佢成日幫我補鑊,我覺得自己更加冇用...

「Andy,今晚唔好做咁夜,我地出去食飯輕鬆下好唔好? 不過我要去見一見 Jerry 先...」

做乜見 Jerry? Rehearsal? 佢想 3P 之前食多你一次先?

「佢有啲野畀我,好似係同星期六個會有關,好快啫,你等一陣。」

「我同你一齊去。」

我要睇住你,唔畀 Jerry 有機會搞你。

「我自己去咪得囉,好快返。」

「唔得,我一定要,我死都要陪你去。」

「知喇知喇,真係! 你當我 BB 咩?」

『我唔知 CEO 有咩畀佢,不過唔方係好野,我送佢去到 CEO 房門口,企嚮出面啤實入面。

CEO 果個唔知叫咩名嘅秘書仲未走,佢又啤實我。

我見到 CEO 遞咗個紙袋畀佢,佢打開攞出嚟,原來係一件性感褻衣,米色薄紗,前面綁帶,邊位係黑色喱士,著住佢就算正人君子都會變禽獸。

CEO 叫佢星期六著住開會。』

高登仔知道後一面鬧一面期待...

『這個 CEO 真禽獸,不過留名睇 3P。』

『咁有準備? 睇嚟會係大龍鳳。』

『Venus 攞住袋褻衣出嚟? 咁佢點同你解釋?』

『點解你仲唔阻止佢啫?』

『我諗到個方法,由依家開始你不斷同佢扑野,插到佢鬆晒,插到佢變黑鮑,到時 CEO 同大陸佬見到都唔開胃,咁咪走得甩囉,如果你唔夠彈藥,PM 我,為咗 Venus 我精盡人忘都在所不惜。』

『無論點都好,星期五晚點都要啪佢一次,唔好蝕底。』

唔知點解今個禮拜時間過得特別快,好快到咗星期六,我尋晚瞓唔著,只係扮瞓呃佢...

「Andy,你真係得? 你個樣...」

「我冇事。」

我拖實佢隻手,十指緊扣,揸到好實,由出門口開始,一直冇鬆開過...

「Andy,你做咩揸到咁實? Andy? Andy?」

雖然有啲痛,不過佢反而攬實我手臂,挨嚮我度,想我保護佢。

冇錯,男人應該保護自己嘅女人,但我保護唔到佢,諗到呢度我揸得佢更實。

由落車行到公司一段路,我每一步都好沉重,每一步都好艱難,我感覺自己好似馬伕,拖妓女去畀嫖客淫辱,不過比馬伕更墮落嘅係,我唔係拖住妓女,我係拖住自己嘅女人送去畀人淫辱。

終於返到 office...

「好喇,Andy,你嚮度等我,開完會我地去銅鑼灣食拉麵。」

「你唔好去開會好唔好?」

「嗯?」

「我唔想你去,我怕...」

「怕咩呀? 做野之嘛。」

做愛之嘛? 你唔好睇得咁輕鬆,你知唔知將會有幾多變態野等緊你? 你會受唔住。

「得喇,你乖乖地嚮度等我。」

佢甩開我隻手,我望住佢背影,睇住佢行入淫魔嘅陷阱。

『我冇辦法阻止,我依家可以做就係坐嚮度等,等佢同 CEO 同大陸客玩完 3P 後返嚟,我可以想像到時佢身心被受催殘個樣。』

高登仔改為鬧我...

『吓? 我以為你講下,你真係送 Venus 畀人 3P? 我鄙視你。』

『你唔係男人。』

『咁 Venus 係咪著咗吊帶絲襪?』

『我扯了,其實我是唔想的。』

我好擔心...

『雖然我估到佢將會做咩,但我想親眼睇住,我當然想像到佢同兩個男人做愛係幾咁震撼,我可能會暈低,不過我真係冇可能就咁坐嚮度乾等,時間好似被拖慢咗,每秒都好慢,但每過一秒,我嘅壓力就加大一倍。

最後我決定起身去搵佢。』

高登仔同我一樣好心急...

『Venus BB 唔好呀,你點都唔可以畀大陸佬食。』

『留名跟進,你係咪會現場直播?』

『你們都是禽獸!』

『膠已派!』

開始喇...

『當我去到 CEO 間房,見到房門閂埋咗,睇唔到入發生緊咩事。

我貼耳仔埋門罅,奇怪聽唔到任何聲,就算 Venus 忍住唔出聲,CEO 同大陸客冇理由唔講野。

好唔尋常,我好擔心,冒險打開門,度門冇鎖,我細細力,慢慢推開小小,希望佢地以為鎖唔實,度門自己彈開。

但我發然入面冇開燈,我再打開小小,原來入面根本冇人。

去咗邊? Venus 被 CEO 帶咗去邊?』