【校園】錯過的就不能回頭嗎?: (1)調位

之後我地就要上integrated science堂，亦姐系人們稱之為既IS堂，我不嬲都幾期待上呢堂，因為我對科學都幾好奇，因為科學比我既感覺就系好神奇，

奇妙 ，而且有得上lab，顯得自己好pro甘好似科學家甘 ，

但系.....

我地上左去之後，IS個老師就叫我地系門口排隊，佢要安排座位比我地，因為要分組坐可能系方便做實驗掛 。

過左陣，終於到我，企到有啲唔耐煩希望佢可以快啲比個位我坐，系佢揀緊位比我坐既時候，我就望左一望睇下每組有啲咩人，



雖然我就對於同邊個坐都冇乜所謂，但人就總系會好奇架啦，而我都唔例外 。

我望左望睇下有冇邊組多女仔，可以順便識下甘嘛，突然我就發現左樣野......

我唔記得左我一入學第一日就認識左個極之黑人憎既人，就系阿怡，我個刻先醒起，

我唔想見到佢，即刻望住阿sir，心諗「阿sir阿sir，千萬唔好掉我過去同佢坐啊，我唔想冇心機上我期待既IS堂啊啊啊 。​」

不過電視都有做啦，個結果我唔講有睇開TVB既都知，我咪就系掉左過去同佢坐囉，個一刻我當場灰左 。



我原本系好想快啲入去坐底，但系我就變左慢慢行過去，我一路望住個邊一路行埋去，

我見到阿怡佢同隔離個幾個同學傾傾下計都留意到我行緊埋去，跟住我坐底頭也不轉甘望住黑板，理都冇理佢 。

坐坐下甘就過左半堂，我明明就好想認真聽下，我真系好想好想聽下啲內容架，但系就一直都集中唔到，個心總系好亂 。

突然，「​風仔你覺唔覺得好悶？不如我地吹下水 。」系阿怡問我 。

我完全唔知點答佢好，我心諗「​你知唔知我好憎你架，你系到扮冇野？仲敢搵我吹水 。」於是我搖左下頭，野都唔講一句 。



但系佢就繼續講「​點解喎，傾下啦，你有冇中意既人啊？講黎聽下啦 。」

我唔理佢，正系系到諗「​你系咪低能架，今日先第一日返學甘快就有中意既人？我連你地啲樣都未記得啊！」

佢就系甘講，我就一直唔理佢，但系我終於頂唔順，於是我就對住佢講「​你可唔可以靜少少，你好煩啊！」

佢咩都冇講，呆左下，跟住就冇理我，搵佢隔離啲FD繼續吹水 。

「​出事啦，系咪太過火呢，無端端同個唔系好熟既人講你好煩......」我諗

但系我都冇理甘多，唔知系咪呢句一出，我好似得到釋放甘，開始可以專心聽下書，

去到放學既時候，我又諗返起IS堂發生既野，究竟佢有冇嬲我呢，定系佢都唔著緊呢樣野呢，我一直系到諗......