[真人真事][校園][純愛]緣定·十年前: 第四章

插班生:「大家好,我叫呀雪 今年喺第一年嚟到呢間學校,謝多多指教.」
我地成班O晒嘴係因為呢個插班生好靚
眼大大 對眼靚到好似識講野咁 嘴細細,留條馬尾,而且皮膚好白,而且睇個款似係文靜型
我同呀余講:「估唔到個插班生真係一個靚女嚟,今次發達喇 」
呀余:「ok啦,係幾靚嘅,不過白得滯唔夠紅潤,似面青嗰隻白 」
我:「咁高要求架頂你 」
之後,Miss Chan話:「呀雪你坐嗰個位啦(指住好煩同好多口水嘅肥仔隔離嗰個位)」
呀雪:「知道.」
哩個時候,我feel到好多男仔想打勁個肥仔
其實......




我都係其中一個

開學日通常冇咩野做,做嚟做去都係開新簿同埋選班會,
咁選選下期間唔知咩事之下呀余俾Miss Chan叫左起身,
之後Miss Chan問佢:「知唔知你做咩位呀 」
我心諗佢叉知咩 頭先淨係同我吹水 我地乜都冇聽
之後佢又唔衰得
就求其話:「主席 」
Miss Chan之後話:「你就想做主席,你做財政呀,而你個frd(即係我)就做總務丫嘛 」
我當堂大叫左一句:「下 點解我要做總務呀 」




Miss Chan:「即係你都冇聽啦,唉,俾得你兩個坐埋一齊又係掛住傾計唔聽野,我決定要調位呀 」
我,呀余:「唔好啦Miss Chan,俾多次機會我地啦,我地真係唔會再掛住傾計架喇 」
Miss Chan:「你地中一嗰陣我已經識你地,你地不嬲吹水當飯食,我唔會再中你地計架喇,要調呀 」
呢個時候我梗係有少少頹啦,
因為Miss Chan一宣佈要調我地位就代表我身邊唔再係一位我好熟悉嘅人,
一嚟上堂怕悶,
二嚟係我個人問題,
唔知點解,
我小學至中一,中二期間係一位喺其他人面前有好多野講嘅人,
有唔少人都係因為咁而認識做左朋友,




但人大個就愈來愈內向
變得唔鍾意同冇咁熟嘅人傾計,
好簡單,
有時如果見到一個同自己冇咁熟嘅人喺餐廳一個食野嗰陣,
我寧願坐埋一邊自己一個食
因為唔想有嗰種"為講而講"嘅感覺,
會覺得好尷尬,
直至依家都係咁,
Sor又講遠左,
講返正題,
呢個時候我同呀余你眼望我眼
大家都唔知會調走邊個,
終於Miss Chan有左決定喇,
佢話:「呀余你同呀雪調位啦,呀雪你冇問題丫嘛?」
呀雪:「冇呀Miss Chan.」




Miss Chan:「咁呀余你拿拿臨執野調位啦.」
呀余:「哦 ......」