<測謊眼>唔洗呃我啦，我一眼睇得出你係唔係處女: 2
處女係貞潔既象徵。向古代中國，處女之身係非常之嚴肅既話題，輕則影響聲譽，重則決定身死。為左確保娶返黎既老婆唔係二手貨，古代人發明左好多古靈精怪既方法，去決定究竟有無人要浸豬籠。唔知大家有無聽過「滴血驗處」，就係憑滴血跌入水中會唔會化黎決定果個人係咪處女，古代人都相信處女既血入水不散，而凝如珠；金庸既武俠小說《倚天屠龍記》入面，峨眉派滅絕師太就透過查看女弟子手臂上既「守宮砂」，去判別貞操有無比人奪去，可唔可靠就交比大家決定。雖然隨住時代變遷，社會風氣越黎越開放，婚前性行為唔再係禁忌，但係有唔少人對處女仍然有種執著。有女人堅持將第一次留比最愛既人，唔少男人都希望自己女朋友既第一次係屬於自己，雖然好多都會話唔介意，但覺得處女係好啲既有唔少人，亦有少部份會因為老婆唔係處而心入面有條刺，有處女情意結既人係絕對存在既。當男人呢種生物同形形色色既女仔交往既時候，我地會好想知道佢係唔係處女，好多人會話愛並唔係講處女與否咁膚淺，但如果你要去一個地方，又或者文青要出走一趟，你總希望去一個無比人污染、無比人破壞、無人踐踏過既地方，去緬懷同尋找自己天真瀾漫既夢想。奧運聖火要特登搵純潔既少女去負責採集都係因為呢個原因。
正因為社會處女有所強調，先會有人去追求處女，先會有人為左扮處女去講大話。先會出現研究一個人係唔係處女既研究所同相關既懸賞。 至於我，純粹係出於好奇，為求圓滿自己既幻想，先想知道身邊既女人有邊啲係處邊啲唔係。話說有一日當我搭地鐵既時候，對面企左個著黑絲既高佻靚女，露出引人犯罪既長腿。正所謂「窈窕淑女，腳睇到頭」，我沿住緊緻既小腿逐步向上觀賞，煽情既緊身褲快要映入眼簾之際，列車竟然突然刹停。好多乘客都失去平衡，我都覺得背隻比人撞左一下，一抬頭諗住搵返個靚女既踪影既時候，我發現自己睇野有啲唔妥。點解個靚女額頭中間好似多左粒野，細細粒既紅色圓形，就好似家燕媽媽粒墨咁。「十字步，大家一齊跟我跳十字步啦！」腦海不自覺浮現出家燕媽媽帶領大家跳健身操既畫面，我真係好後悔岩岩有個咁既聯想。我捽一捽自己隻眼，點知果粒野依然係個靚女上面，出於好心既緣故，我決定話比黑絲姐姐聽佢塊面污糟左。「小姐，你額頭好似有少少污糟。」我即刻係褲袋拎出一包蘋果木Tempo。「係咩，等我睇睇先，唔該曬你。」靚女係手袋拎左塊鏡出黎，話說佢呢把甜美既聲線真係仲香過我包Tempo。「係啵，多謝你提醒。」佢係我手上接過紙巾，用纖纖玉手拎一張出黎擦擦額頭。濕潤既紅唇微微張開，甜蜜既笑容固然迷人，但額上既紅點實在太過嚇人。靚女岩岩抹走既只係紅點附近既污漬，我既直覺話比我聽果粒抹唔走既係更加特別既野。再望一望車廂入面既其他人，我懷疑自己真係要去驗一驗眼。