「你咪再鑿呀!你會畀牆夾扁架!停手呀!」雖然唔係識咗佢好耐,但話哂都係救命恩人,仲要係我喺依個世界唯一嘅同伴,我唔想佢死。

眼白白睇住肥佬發狂鑿牆,而透明牆同佢已經近到得翻半隻中指嘅空間,我知情況刻不容緩,問題係我要點救佢?

共鳴同淨化,我知依兩個概念,但係點樣應用?共鳴⋯⋯我同佢有過共同回憶先可以共鳴,但現實世界嘅我同佢到底一齊經歷過啲乜野?

「嘩?做咩?」肥佬又想手起鎚落,但當右手後抽,準備儲力嘅時候,佢手踭就撞咗落透明牆上,終於發現自己會變夾心餅。

佢利用僅餘空間轉身,隨手丟咗錐同鎚,喺入面頂住透明牆。我喺外面,但係無把手比我拉住透明牆,所以咩都做唔到。



「好像有透明的牆那樣。」

突然,大腦一陣刺痛,我好似諗翻起一啲野。