[有沙入眼]是咁的，我覺得我住嗰度有啲唔妥: 48碎裂

電視上又過咗一日，一個男人喺辦公室入面拎住一堆文件行嚟行去，係咁問人：「喂，知唔知邊個係飛仔？」但無人識存在感過低嘅吳非凡，亦唔知佢喺討論區叫飛仔。

吳非凡望住個男人喺佢左右兩張枱徘徊，但始終無察覺到中間張枱有佢嘅存在。

「無理由，IP明明係依度架喎。」

「我講咗啦，你係見唔到我架。」明明兩個人已經面對面，但男人仍然見唔到吳非凡。

男人諗咗好耐，突然向前伸出手。



嗰一刻，我好似隱約聽到玻璃碎裂嘅聲音。

手，輕輕柔柔咁放喺吳非凡頭上。觸感刺激視覺，男人嘅視線之中，出現咗「唔存在」嘅，一塊路邊小石。

眼淚喺我同電視入面嘅吳非凡面上滑落。

「終於搵到你喇，你叫咩名？」

猶豫咗一陣，佢答：「我⋯⋯我叫吳非凡。」



「你平時睇唔睇小說架？」

吳非凡搖搖頭。

「哦，好啦。我叫曲金鉉。琴日講嘅VR技術，我係真心想研究架，你可以幫我手嗎？」

電視畫面到此結束。

「你就係，願意注視我嘅視線⋯⋯」