[有沙入眼]是咁的，我覺得我住嗰度有啲唔妥: 50最初嘅夢

「你要把握時間，系統嘅記憶體過咗咁多年已經所淨無幾，趁佢強制清除你嘅意識之前，你要完成你想做嘅野呀！」光點蔓延到下巴。

「我登入恐怖體驗，就只係為咗向你講，你必須要知嘅資訊。幾驚遇唔到你呀！好彩，你每一次都搵到我，同以前一樣。」吓？咪住，吳非凡係自願登入依個鬼地方？日日畀怨靈殺畀牆壓扁，就係為咗搏我可以同佢共鳴，然後講依個世界嘅規則我知？

點解⋯⋯有需要為我做到咁嘅地步咩？

「因為你係，搵到我嘅視線。」吳非凡嘅嘴都消失，但我知道，佢滿足咁微笑緊。

唔好忘記，最初嘅夢。



依句就係吳非凡最後嘅一句說話。