[有沙入眼]是咁的，我覺得我住嗰度有啲唔妥: 69保護自己

「就咁啦。跟住落嚟我要講埋你知嘅係，我觀察翻嚟嘅規則。你唔信都要聽，聽完可能可以增加你嘅生存機率。」

「都唔知你真係痴得咁匀秦定講真話。好啦，見你為咗呃我咁仔細設定世界觀，加上你又真係無搞我，我信住你先。」

「遲啲有事嗰陣你就會多謝我。好喇，淨化嗰陣會遇到惡靈同怪物攻擊，但無論如何都唔可以受致命傷。只要唔死，成功淨化之後系統會幫我地治療傷口。」

「你點知？」

「啱啱淨化你嘅時候，我畀怪手撕咗好多肉出嚟，但淨化成功之後所有傷口都復原咗。總之！記得保護心口同個頭。」



我講完就去廚房，而我啱啱拎嚟對抗怪手嘅菜刀又去翻原本嘅位置。我攞咗菜刀同生果刀，出去將生果刀交畀Lucy。

「必要時用嚟保護自己。」