[有沙入眼]是咁的，我覺得我住嗰度有啲唔妥: 83轉移目標

豬頭由打側九十度轉翻打直，頸骨「啪咯」一聲。

佢微微轉身，視線鎖定同消防喉搏鬥緊嘅Lucy。

屠刀由右至左破空橫揮過嚟，我及時踎低避開，幾條髮絲不幸被攔腰斬斷。就喺我踎低後，豬肉嘅膠靴向我面門踢擊，擊中。

感覺鼻骨好似畀佢踢斷咗。

鼻血倒流入口腔嘅腥味，鐵嘅味道。



我碌咗兩個圈，同豬肉佬拉開距離。但係佢無追擊，啱啱兩次攻擊我嘅時候，佢都無轉頭望我，視線一直盯住Lucy。

可能因為佢未搞清楚我避得開嘅原因，所以將目標轉移向另一個比較容易得手嘅獵物。

如果係Lucy，一定一刀都無辦法避得開。