[有沙入眼]是咁的，我覺得我住嗰度有啲唔妥: 94民族英雄

「我地話生日快樂呀！」我同阿妹跑入廚房，兩個人拎把豬肉刀出嚟。

我終於明白，點解豬肉佬之前破門嘅時候，會喺刀身上見到「民方」兩個字。

刀身上面，係我地睇完電視重播嘅《國產零零七》之後，有樣學樣刻上嘅四個字。

「民族英雄」。

雖然兩對笨拙嘅小手用盡最大努力，但都無辦法刻出電影最後一幕嘅四個金字。只能夠留下遊樂場滑梯上嘅「到此一遊」咁嘅硬直字體。



「乖，兩隻豬都好乖。」