[有沙入眼]是咁的，我覺得我住嗰度有啲唔妥: 113咩係靈魂

「你覺得咩係靈魂？」工作室入面，永遠只有我同吳非凡。

「阿金，你啲問題好難答。」或者真係咁，因為我腦入面總有好多古靈精怪嘅念頭同諗法。

「咁我講我覺得點啦。靈魂呢，應該就係意識。」

「你咁講都可能啱嘅。人類到而家都未搞清楚咩係靈魂，所以點講都可能係答案。」

「哈哈，如果真係咁，植入意識嘅平台就變咗靈魂嘅聚集地喇。」



要改良植入技術唔係幾日就做到嘅事，而係一年又一年咁研究了解而家嘅技術，拆解，再重新創造。每到休息時間，我總會講東講西，當係解下悶，等個腦唔好實堀堀，再做野嘅時候可以用另一個角度切入。