如果,如果演員喺落幕後嘅舞台繼續演戲,如果電影故事喺黑幕後仍然播放,咁我只要行去揭開擋住視線嘅布幕,就可以再見我最鍾意嘅演員,就可以再睇到故事嘅後續。

所以我抹走擦唔乾嘅眼淚同鼻水,側頭喺微微打開嘅門罅望出去。

乖豬?你開門接媽咪咁叻仔嘅?

做咩喊得咁淒涼呀?陰公咯⋯⋯心都痛埋。

我幻想劇情延續故事,但故事終究無成為現實。