[有沙入眼]是咁的，我覺得我住嗰度有啲唔妥: 133心入面

「無喎。」得肥仔波，無媽咪。

「喺入面。」

「幾入呀？」

「好入好入。」

「我都見唔到。」



「咁諗唔諗到？」

「諗到呀。」

「媽咪，同你講咩？」

唔知，唔記得，好模糊。我一路捽自己啲頭髮，以為咁樣可以幫助思考，但都係無用。

「握拳頭吖。」



我照做。

然後阿婆就無再講野，由得我望住自己細細嘅拳頭。望咗好耐好耐，唔知點解視線開始集中喺一隻手指度。

尾指由屈曲狀態伸展，變直。

要照顧妹妹，保護妹妹呀知無？應承媽咪咯喎。

纖細修長嘅尾指遞到我面前。



毆⋯⋯手手！

眼淚滴喺尾指上。

記翻消逝嘅回憶，就會知道咩人住咗喺心入面。