[有沙入眼]是咁的，我覺得我住嗰度有啲唔妥: 143天真

「勾手指尾好無？你肯自己拍，阿婆就幫你拍。」

或者以成年人嘅角度嚟講，依句說話真係好矛盾。

如果有能力自己面對恐懼，又點會再需要另一個人陪自己面對呢？

但小朋友，就係咁天真。天真到會相信一句矛盾嘅說話，天真到以為最愛嘅人會一直、一直陪住自己。

不過咁樣嘅天真，我並唔討厭。

「勾手手。我會⋯⋯自己拍曱甴，所以阿婆你要幫我拍曱甴呀。」

勾咗就係，講過就算數。

「乖喇。阿婆畀碗紅豆沙過你食好無？」

「好呀！」