[有沙入眼]是咁的，我覺得我住嗰度有啲唔妥: 163做金庸的男人
嗰一年喺書展翻工，我記得特別清楚，因為阿婆嘅病情好轉就係喺嗰一年嘅七月中。仲有，我喺嗰個叫做金庸的男人身上，搵翻追夢嘅動力。
「呀，我個妹好鍾意你，你可唔可以簽個名畀佢？」趁喺書展翻工偷雞去咗買佢本書，九十八蚊計埋書展優惠同做會員優惠，五十幾蚊買個驚喜畀阿妹，都仲畀得起。
「多謝支持呀。你個妹叫咩名？」
「你寫月曦就得架喇，月亮個月，晨曦個曦。」
「好嘅。月⋯⋯曦⋯⋯字比較醜唔好介意呀。」
佢喺名下面寫上「多謝支持」同簽名。
當我眼見同我同年嘅佢話自己嘅夢想係出書，結果終於成功嘅時候，唔知點解有種唔想輸畀佢嘅決心慢慢浮現。
「多謝支持。」佢畀翻本書我，好似泰國人咁合掌向我微微鞠躬：「加油呀你。」
「嗯？」
「總之加油啦。」
夢想，幾乎已經唔記得咗。但經過十幾年歲月洗刷之後遺留嘅星火，有幸重新燃燒。