我遞杯水畀佢,但發現入面啲水凍咗,所以去換咗啲暖水。

頸部鼓動,暖水流入體內。

希望可以令佢舒服啲。

「胃口點呀?買咗曲奇餅你食喎。」係Mrs Fields嘅牛油味曲奇,因為整體比較冧容易咬。

阿婆笑一笑:「阿妹又係買同一隻餅過我。擺低吖,我肚餓食。」



我將袋曲奇放喺佢床前張枱,同時發現另一個包裝袋。

半開嘅包裝袋入面嘅曲奇,只被咬咗一小啖。猶如以前,被咬去尖端嘅pizza。