[有沙入眼]是咁的，我覺得我住嗰度有啲唔妥: 178荒謬
頭痛仍然未止，我大叫：「停呀！！！！！我⋯⋯唔想要依啲記憶呀！！！！！！」
我同Lucy兩個人好似被人斬開一半嘅蚯蚓，痛苦咁蠕動身體，㩒住頭部兩側狂擰頭，想揈走暴力咁逼入大腦嘅記憶。
仲有⋯⋯唔好⋯⋯
個心好似被夾喺兩條卷軸之間，卷軸各自向相反方向拉扯，幾乎要撕裂咁痛。
望住Lucy執野，我一直都無出聲，直到佢拎住個行李喼行到去門口。
「你真係搬出去？」
「係。」
我企起身，行近佢。
咔嚓，開門嘅聲音。
「我以後都會喺男朋友度住。」
將佢拯救嘅人，唔係我。我只係，Lucy嘅荒謬。