月曦嘅潛意識入面,強烈咁拒絕自己有個哥哥嘅事實,所以最初見面嗰陣先會斬釘截鐵咁話自己無阿哥。

明明處於咩都唔記得嘅狀態,但偏偏可以肯定「無哥哥」嘅事實,可想而知佢到底幾想抹消我依個阿哥。

而我會用曲金鉉依個名,就代表我潛意識中真係好想自己成為金仔,希望自己可以將月曦拯救。同時,無辦法共鳴亦表示月曦根本唔認為我係拯救佢嘅金仔。

曲金鉉依個名,如果由佢男朋友嚟用,就可以共鳴。因為月曦相信愛情會將佢拯救。

我講會無效,係因為月曦嘅潛意識已經唔相信,白痴阿哥會係佢嘅金仔。



「你⋯⋯係咪好憎我?」