紙言

[有沙入眼]是咁的，我覺得我住嗰度有啲唔妥: 213VR



雖然我無寫過一個完整嘅鬼故出嚟，但我成日會喺筆記寫低自己腦入面幻想嘅恐怖片段。

無論係發惡夢嘅片段定我嘅幻想，只要覺得心寒就會記低，可能將來會用得著。

時間一耐，我本筆記入面就沈澱咗好多概念。

直到阿婆出事前一年，我喺街上見到VR技術嘅宣傳活動，靈機一觸。

無錯喇……無野比親身走入恐怖嘅環境更加可怕，VR技術絕對可以將恐怖嘅刺激帶上另一個層次，一個連電影都無辦法達到嘅層次。