《聽說她是一隻Hell雞……》: 第五節

我見到Kevin之後，第一件事就係問佢：「喂，你肯定Candy係Hall雞？」
 
「梳鳩牙啦！」Kevin撥一撥佢頭旺角式藍髮，一路行一路講：「果陣幾個師兄都係咁同我講，冇撚得錯嘞掛？」
 
「但我睇落真係唔似喎……」我有點兒失落，就好似見到阿嬌唔係處女、思琦妹係一個淫婦一樣咁失落。
 
「做咩？你好了解人咩？唔好見到人哋係靚女就失晒魂喎！」Kevin呢句說話，對當時嘅我無疑係一記當頭棒喝。的而且確，我都只係識咗Candy一日，甚至連佢全名同三圍都未知。
 
「冇呀，啱啱堂Lecture同佢一齊上，見佢份人好似幾Nice咁，又唔似係出嚟做……」我解釋。
 




「嗱你咪撚俾我見到你幫襯佢呀！我最撚睇唔起啲雞蟲！到時沉撚咗船唔好話我冇鳩提過你呀！」Kevin正色咁講。
 
「放心，我好有原則嘅，我唔會叫雞。」我拍一拍佢，講：「去食飯啦！唔好講呢樣住。」
 
食完飯返到Hall，唔知點解我竟然有一絲寄望會喺Lift度撞到佢，然後同佢打聲招呼，可惜乜事都冇發生。
 
而果晚，我亦都因為佢係Hall雞一事而感到介懷。
 
毒撚真係好易對異性產生感情，特別係靚女。
 




「屌！做個Friend啫！又唔係要過人世！咁介意做乜鳩！」我講咗幾句粗口安慰自己，輾轉反側咗一輪之後終於進入咗夢鄉，果晚係一個冇夢發嘅長夜。