《聽說她是一隻Hell雞……》: 第十七節

果日同Kevin食飯，一埋位坐低，我就問咗句：「Kevin，你介唔介意自己條女係Hall雞？」
 
呢句單刀式嘅直入，令到平時自稱從來冇Dead air嘅Kevin一時之間呆咗，答唔上說話。
 
……
 
「戇鳩，點會唔介意！」Kevin拍咗我個頭一吓。
 
「如果真係好介意，咁係咪唔同佢一齊會好啲？我驚第時嘈交會拎出嚟講，更加驚同咗我一齊之後佢仲會出嚟做。」我將自己嘅疑慮講咗出嚟。
 




「Jack，你依家做乜講到好似一定食硬人哋咁？」Kevin笑住咁講：「與其煩佢會唔會對你唔住，不如諗吓點樣溝掂佢好過啦。美女廚房食咗先講！到時如果唔夾嘅咪中出即飛囉，你好我好大家好。是咪？」
 
聽完呢番說話，我覺得有啲落寞，始終都係冇人了解我。
 
我從來唔會明白Kevin呢種Playboy點樣睇感情，而同樣地Kevin亦唔會明白我係點樣去看待一段感情，所以我只好轉移話題：「係呢，Kevin你入咗U成個月，你溝到女未？」
 
「未。」Kevin補充：「今日未。」
 
呢一刻，我覺得佢好型，曾幾何時我都妄想過做到好似佢咁灑脫、睇得咁通透，但我都知自己天生並唔係做Playboy嘅料子，否則依家都唔洗為咗一個女人咁煩惱。





回憶往昔嘅中學生涯，我都有鍾意過幾個女仔，只不過同佢哋嘅交流全部都流於片面，從來未有一個女仔可以令到我有咁強烈嘅感覺，只能夠講：「+;!.我迷失在.＊ 這場﹍×°愛情遊戲[2]」
 
參考：
[2]香港網絡大典：http://evchk.wikia.com/wiki/%E6%88%91%E8%BF%B7%E5%A4%B1%E5%9C%A8.%EF%BC%8A_%E9%80%99%E5%A0%B4%EF%B9%8D%C3%97%C2%B0%E6%84%9B%E6%83%85%E9%81%8A%E6%88%B2