褪色中的回憶。。。: 回憶的漩渦。。

我又係度一個ON居居咁聽住歌等緊人，同一個地點，同一條柱，但等既人已經唔一樣。

【你 最近還好嗎 尚愛看少女漫畫嗎 最近 近乎沒露面 你有新對象嗎 真想帶你見見 我剛識到的她 我想聽你意見 這算是病吧 為何無論我 願意怎樣試 怎樣也 不可一樣愛慕她 難道沒練習太耐感覺都追不回來 試圖再 努力愛 也顯得不自在 不懂得如何談戀愛 還是我太愛你 對過去太放不開】

「喂！我地食咩好丫～～」

「你話啦！」（心諗：又扮晒野，我呆等左半個鐘喇！。。。問我食咩，最後咪又係你揀。。。）

「做咩咁惡咁既樣喎？！」（佢一面無辜咁既樣，跟手一野橋住我隻手）





我FING開左佢隻手。。「你去搵你個俊俊啦，一陣人地唔高興。。。」

「咩喎，我同佢玩下之麻，喂丫，唔好嬲啦，。。。人地難得請你睇戲。。。」

（嗯。。真係好難得佢「請」我睇戲，因為一路以黎我地出親街，大部分時間所有野都係我比，而佢既所謂「請」，只不過係人地送比佢既免費飛）

如是者，我地係PAGEONE門口條柱過左好耐招。。。
結果？！。。。結果當然又係我乖乖咁再一次被收復！

雖然個心仲係耿耿於懷。。。但我渡過左一個幾愉快既晚上




戲院入面，我故意繼續扮嬲，佢就出盡力嗲。。。
有意無意比隻手我拖下，又叫我摸下佢隻手係咪好滑。。
之後仲捉住我隻手去摸佢心口。。。。。對上。。。佢話腫左喎。。。。



鏡頭一轉。。佢雙手捧住花，咀角上揚。。。
。。。花。。。唔係我送。。。
我而家只不過係一個偷睇佢FB既一個陌生人！





【大家都在尋找消失的過去  只能重複相處到疲累。。。 】（電話響）

「係邊？」

「PAGEONE對出條柱。。。」

忽然有一種傷感既感覺。。。

「咦！？PAGEONE執左呀？！」朋友問

「係喎，個間勁多人買個間花店都收左皮。。」

個日，我同朋友應該係食左飯，行左陣街掛。。我好似無左記憶咁
我淨記得等緊佢去廁所個陣，我見到一個好似佢既人！





長直髮，打扮同側面好似。。。。
見到個刻我感覺到自己瞳孔明顯擴大左一倍，想係第二個角度睇下係咪佢，又怕真係佢。。

「拍！做咩眼定定。」係朋友拍我！

「無。。。無。。野。。。」

「今日成日都神不舍，做乜春呀你」



如果有日我地係街到見到面，究竟我會點？！
呢個問題其實我問過自己好多次。。。。

扮無野，「喂！」





扮見唔到等佢叫我？！

領轉頭相反方向走。。？！

最怕既畫面係，佢拖住另一個係我面前出現。。。。。。。