10年了你還想著我嗎？: 第三章

當時既我冇諗咁多小學畢業先半年，強到可以鬥贏大人喎，最望要可以幫到阿萬仲唔狗衝咩。

跟住華仔打左個電話，然後帶左我去間機鋪，個次係我第一次入機鋪，望入去一個人都冇，突然有人拍我地膊頭嚇撚到我飛起。

我望過去，我呆左呢個人個樣好後生完全同我差無幾，竟然已經係到收馬仔，跟住華仔細細聲同我講：「佢叫明哥，唔好睇落後後生生佢屋企背景好厚。」我問佢：「咁佢今年幾歲？」佢答我：「16」唔撚係呀16歲入機鋪收𡃁我諗我16歲仲做緊毒撚。

我冇理咁多，直接同佢講：「我想跟你」係呀好似古惑仔咁呀當時真係覺得好型，佢問左我好多野，例如「點解要跟人」之類，我就同佢交代曬成件事，跟住我就同佢周圍玩，但件事都冇解決，我一直都想問佢咁玩有咩用，但我冇問因為佢係我「大佬」。

我如常返學，放學就去玩，阿媽冇講咁多佢話會去玩係正常，唔好做壞事就得，我次次都答佢一句：「知啦，你好煩」就算數，諗返起都覺得內疚。



兩年過去，我地愈玩愈大，周圍收坨地、打人、偷野、食煙咩都做齊，但阿萬個邊連我都唔知邊到點，我為左要配合佢地染左頭金毛連學到返唔到，而阿媽都察覺到，開始會鬧但我冇理就出左去。

直到有一日出街，我如常係機鋪，我出去坐低食煙，我覺得好無謂，書又唔讀連朋友宜家點我都唔知，突然有個熟悉既身影出現係我面前，我望一望個樣仲要好嬲，係佢係思思。