10年了你還想著我嗎？: 第九章

今照係好沉重一日，我不停回想係琴日既事，我打開開檯頭份報紙，頭條寫住：「何姓黑社會大佬儐儀館遭捅死，身中六刀」我呆左我原來搞左咁大件事出黎，我開始擔心自己以後條路。

今日放假，我已經約好左明哥2:00係機鋪等，而佢知咩事都冇問咁多，我好緊張我驚出到去會發生咩事，我1:15出去禁埋錢就去左機鋪而我並冇打算比呢10萬佢。

到左機鋪都係同以往一樣一個人影都冇，得換錢個阿姨係到，我打比明哥，佢接左叫我等陣，佢一到我見到佢個樣好灰咁，而我記得上個禮拜佢同我地講阿爺去左唔出黎一排住，咁我地都冇理我一開始都唔知，原來我殺左個個人係佢老豆。

佢同我講左好多野，就放左我走，但我好驚再見到佢因爲我係佢既殺父仇人，我唔敢想像比佢發現左會點，而我地住係同一區，我開始明點解個到會有10萬咁多。


我返屋企既時候撞到思思，而佢咁岩係間名店出黎，係名店呀，佢著到好靚佢都見到我，佢離遠叫我：「阿聰！」我就講：「又見到你囉喎，思思姐。」佢打量左我全身就好開心咁講：「你冇事就好啦。」佢仲攬住我，雖然我地未係情侶但行為已經係情侶既行為啦，但我選擇推開佢，同佢講：「宜家先係我真正變好既時候，我想兌現左我既承諾先再同你一齊。」



我同佢講左再見，佢就上車走左，其實我覺得我襯唔起佢，我同佢實在相差太遠，佢好我壞，佢有錢我窮我驚佢既屋企人接受唔到我，我一返到屋企就訓著左因爲實在發生左太多事，到第二朝我收到一個wts。