《港女FF妄誌》: [Day 02－半年之後] PART 04
又係好似平時咁俾班男人圍住咁搭𨋢返上公司...
又係好似平時咁行返埋自己個坐到厭既位...
Doris又好似平時咁俾賈老闆召左入房啪啪啪啪啪啪啪啪啪啪啪啪...
好悶...真係好悶...
喺香港做打工仔真係好鬼死悶...
我仲要悶到幾時？
我仲要悶多幾多年？
我係唔係就係咁就悶足成世丫？
唉...
所以你都唔可以怪我之前無份工做得長～
因為我真係一個好怕悶既人～
困喺一個地方太耐我係會痴線架～
唉...
幾時先可以退休自由自在咁做自己想做既野丫～～～
真係發夢都無咁早...
都係乖乖地繼續工作工作...
你快樂過生活～我拼命去生存～
坐喺道等部爛鬼電腦Load入個Windows...
本來諗住拎部電話出黎，一邊睇下有乜無聊野睇一邊等...
之但係諗諗下...今日下午要出去見客...
D野都未準備好好晒...
一陣睇下睇下D無聊野又無心機做野就麻煩...
要知道而家D客真係好鬼死麻煩...
又問東...又問西...
又這樣...又那樣咁...
都係做多D準備功夫...就算等陣要俾人抽插...都抽插得無咁痛丫嘛…
所以話前戲真係要做足～才能夠進入主題～
等到部爛鬼電腦入左Windows之後...仲要等佢Load到順晒...就開始工作工作再工作...
對住D資料睇下睇下...
又拎起D課本睇下睇下...
又撳個電子課本出黎睇下睇下...
睇下睇下...撳下撳下...
總係撳唔到自己想撳既野出黎...
仲要撳下撳下唔知自己撳左去邊...
又有D野唔知做唔做到...
又有D野好似做極都係錯咁...
對住個電子課本真係對到頭都痛...
真係唔明點解D電子課本咁難用...
點解唔可以好似Facebook丫～IG丫嗰D Apps咁撳幾撳就上晒手？
真係唔明…
乜都唔明...
對住個電子課本成兩個幾鐘真係對到我成頭煙...
點算？
等陣見個麻煩客...實俾佢問到口啞啞架喎...
點算呢...點算好呢...
有邊個可以幫到我呢...
有邊個可以幫到我？
呢層唔使諗咁多…就梗係搵Brian就最好不過啦～
係咯～其實平時既我一見悶就會走過去搵下Brian既～
當然都係借頭借路問下有關D電子課本既野～實質就係想親近下佢咋嘛～
而Brian又好似唔覺得有D乜野問題～又察覺唔到我時時都係有意無意咁抽下佢水～
既然人地又唔覺～我又可以解下悶～何樂而不為呢～
況且今次我又真係有好多野唔明想請教下佢～
仲要有D急～（唔係我心急～係真係緊急～）
好啦～都係唔好諗咁多～快D過去親近下...搵下Brian幫幫手好過～
我就照一照塊鏡仔～睇下個樣O唔OK先～
再起一起身扯一扯正返條短裙～檢查下身上既衣物整唔整齊～
確保四四正正見得人之後，我就斯斯文文大家閨秀咁行過去I.T.部嗰邊～
我雙手放後，一步一步咁行到過去I.T.部之時...
一個二個I.T.部既同事就伸晒個頭出黎望住我～
個個對眼仲鬼死咁鹹濕咁～由我對有少少踭既黑色爧面高踭鞋掃視到上小腿...
又由我對小腿掃視到上我大髀...
又由我對大髀掃視到我條短裙邊...
又由我條短裙邊掃視到我條小蠻腰…我對小饅頭...我條粉頸...我塊美麗臉蛋...
我一直行...佢地個個就來來回回...前前後後咁三百六十度掃勻晒我全身...
鹹濕仔～
真係唔使睇你地個Mon都知你地平時返工用得最多時間既就係喺上網搵美女J圖啦～
好心你地班毒男就𥄫少D女～搵少D J圖～
留返多D時黎識下女仔～正正常常拍下拖好過啦～
唔通你真係想逃離異性，天天也預左自己單手上網咩？
唔好睇咁多100毛～信埋晒嗰個專家Dickson派膠啦～
你真係會踎足一世浴缸～唱足一世毒Song～毒足一世架～
唉～我都係唔好理班毒L咁多～繼續行去Brian嗰邊～
我細細步～細細步～輕輕腳～輕輕腳咁行到去Brian身邊～輕聲咁講：『唔該～』
Brian聽到我把甜美聲線後就望一望過黎：「早晨丫詩琳～有野唔明？」
或者係呢排成日走過黎問野啦～Brian都好似已經有D習慣～
『係丫Brian～我又有D野唔明想請教下你～』我又含春...羞答答咁帶住微笑點點頭～
梗係話有野唔明想請教下你啦～
唔通話俾你聽我下面濕晒想你幫我止止水咩～
「嗯嗯～咁...你等我一陣先～我...整埋少少野就同你入會客室～」Brian講到好似性暗示咁～
當然一切都只係我自己係道FF啦～
Brian咁正經～會有乜鬼性暗示丫～
『嗯～你慢慢～』我就雙腳合實咁～企到直一直咁～乖乖地咁等Brian～
我一直都望住Brian～
專心工作既男人真係特別吸引～
尤其係有家室既男人～
總係會散發住一種...吸引力...
一種成熟穩重既吸引力...
呢種吸引力...就最容易吸引到我呢種年紀既女仔...
我呢種係邊一種年紀既女仔？
咪就係想結婚有個家但又好似未定性落黎既廿五六歲既矛盾女仔囉～
女仔去到廿五六歲...都真係要搵到個結婚對象架喇～
睇清楚～係要“搵到個”～而唔係“要搵個”～
廿五六歲女先黎搵既話，又要二人世界下～嗌下交～鬧下分手磨合下～
真係結得成婚都差唔多三十歲～
好彩結得成就係咯～
唔好彩既話？
拍左幾年拖嗌左幾年交鬧左幾次分手分分下真係一分就各有各走既話...
咁就白白浪費左幾年既青春...
你要知道女人既青春係好寶貴...
尤其係過左廿五歲之後...
真係想Keep都未必Keep得到...
過左三十歲直頭唔使講...
如果你唔係明星既話，要走樣真係話咁易...
所以到左三十歲先黎甩拖...又要再喺呢個茫茫大海浮浮沈沈...
到時莫講話想上岸...就連想搵個水泡攬下都難丫...
所以呢...想玩唔緊要～但身邊一定要有一個好好既結婚對象囉～
我就繼續扮晒好耐心咁等Brian～（實質就係𥄫緊佢～）
𥄫人夫真係特別好Feel架姐～
等多兩等～𥄫多兩𥄫～
「行得～」Brian就拎起佢部MacBook Pro～
『嗯嗯～』我又含羞答答咁點點頭～跟住喺Brian身後～
Brian既背影真係好有安全感～
總係會令到跟喺佢身後既女仔好放心咁～
就好似跟喺阿Ken身後行都會有呢種感覺～
不過呢...阿Ken同Brian既分別係...
阿Ken喺我前面行又好定係跟喺我身後行都好，都總係會𥄫其他女仔架囉～
成日𥄫女...成日𥄫女...成日𥄫女...成日𥄫女...成日𥄫女...成日𥄫女...
D男人就係咁...明明就已經有個超級正既女朋友喺身邊...都要走去𥄫其他女仔...
而呢半年黎就越黎越過份...越黎越明目張膽！
好似當我死咁既！
我唔出聲姐...唔代表我唔知...我唔理...我唔嬲...我唔呷醋架嘛！
所以話就算阿Ken個Body幾咁安全都好，都唔及得上而家眼前既Brian咁有安全感～
行左唔夠幾步，又跟左Brian行入會客室～
“啪 啪 啪 啪 啪 啪 啪”Brian都係一如既往咁開著晒成間會客室既燈～
又係中門大開咁～
次次都係咁～
真係咁驚我會咁狼死姦左你咩～人夫～
Brian坐一坐上梳化，將部MacBook Pro放到喺茶几上：「今次又有咩唔明呢～」
我都好自然咁坐喺Brian身邊：『我今日下午要去見客...係有關Maths科既...有好多Formula同圖形既野唔係好知點拎出黎用囉...我怕我會俾個客問到口啞啞...』
我一邊講...又一邊用個膊頭撞下撞下Brian隻手臂～
「哦～Maths既電子課本...係有D複雜既～你今日就要見丫？咁就真係要快D教你用先得喇～」Brian好似唔係好在意俾我用膊頭撞下撞下～
或者都真係有D習慣～
雖然話都仲係燈火通明又中門大開唔可以做得咁過份～
但我都會做下D小動作～撩下Brian～
可能真係撩得多就會習慣～變得自然～變得平常～
Brian都唔會抗拒～唔會避開～
完全唔覺得係俾我抽緊水～
嘿嘿...所以話女人抽男人水真係容易得多～
因為男人就係咁無介心架喇～
『嗯嗯～咁就麻煩晒你喇～』撞下撞下～又嗲下嗲下咁～
「唔麻煩～唔麻煩～咁就由Formula開始講起先啦～」Brian就笑笑口～喺部MacBook Pro裏面開一開個Maths既電子課本～
『嗯嗯～』我又扮晒專心咁～又貼左個人埋去Brian身邊～
我貼下貼下...又扮晒唔覺意咁用隻大髀撞一撞Brian大髀～
Brian都唔係好在意咁～Keep住教我野～
我就一邊扮晒專心聽緊～一邊抽下Brian水～
Brian既大髀肉都好結實下～
當然就無好似阿Ken結實到硬棒棒咁～成條鐵咁啦～
有時我都會嫌阿Ken D肌肉太硬～攬起上黎又唔係咁好攬～搞起上黎仲會好似俾鐵柱撞咁～
都係好似Brian呢D好～硬得黎又有D彈性～又好攬～搞起上黎又唔會好似俾條鐵柱拍打緊咁～
撞下撞下…碰下碰下...
『呢道呢道...』我忍唔住手咁拍左兩下落Brian隻大髀上，『呢道我真係唔係幾明丫～』
「呢道係難明D既～因為你唔係教開Maths～不過你直接拍一拍個Return～咁個老師應該都會明係點做～」Brian又好似Feel唔到我係有心抽佢水咁～
其實都真係幾奇怪...又真係幾諗唔明...
我一直都有一個疑問...
結左婚既男人...唔係應該好清楚女人想點先係架咩？
雖然話試得多真係會變成習慣...
但我而家咁擺明車馬...有老婆仲有對仔女既人夫無理由Get唔到架...
或多或少都會諗諗個女仔同自己有咁多身體接觸...唔係十成有D痕...都有九成心癢癢啦...
呢半年黎...除左話開頭既時候Brian表現得極度君子...同我保持一下距離之外...
慢慢就變到好似而家咁...完全唔覺得我對佢係摸手摸腳…（未到係性暗示既～）
Brian唔係真係咁單純...咁遲鈍丫化？
繼續對Brian摸下手又摸下腳～
「呢道咁咁咁咁...就可以做到咁咁咁咁...」Brian仲係好用心咁教導我...
我又不時撞下撞下佢手臂～
「咁樣你明唔明？」Brian都仲係好似唔係好為意...
『都唔係幾明喔～』我又𡁯長個嘴仔...扮晒可愛咁～
「咁丫...我再做一次俾你睇～」Brian完全唔覺得我係嗲緊佢...對佢有所暗示咁...
我真係無諗過...一個結左婚有對仔女既男人係可以咁遲鈍...
真係估唔到呢個世上真係有咁遲鈍既男人...
或者就只可以話...Brian份人太過老實掛～
傾下傾下…搞下搞下...
「咁樣既話你明唔明？」Brian又問一問我...
『唔...都係唔係幾明喔...』唔係我蠢～係我一直都唔係好專心去聽Brian既講解～
始終...我都係想抽下Brian水多D～
「咁丫...不過就到Lunch時間喇喎...」Brian睇一睇自己手腕上隻錶。
『下？原來已經到左Lunch時間架喇？』我又睇下自己手腕上隻錶...
玩下玩下都唔知時間過得咁快添...
死啦...等陣仲要見客添架...而家仲有咁多野唔明...
「你等等就要見客...唔...」Brian諗左一諗，「咁不如...一齊食Lunch...我再盡量教你多D啦...」
『一齊食Lunch丫？唔...你唔介意？』我打量一下Brian...
一齊食Lunch喎～咁耐以黎都未試過...
「唔...你唔介意我就更加無理由介意啦～哈哈～」Brian傻傻一笑～
『嗯嗯～咁一齊食啦～』我一面期待咁既樣～笑住點晒頭～
唔知Brian係唔係聽完我問佢介唔介意先醒起我地兩個未試過一齊Lunch～好似有D唐突～
不過而家我就唔理得佢咁多啦～
話唔定食下食下Lunch仲有機會食下散餐（定係快餐？）添～
講下講下又講埋D衰野添～
不過講開又講...又真係幾奇怪...
呢排同阿Ken一齊既時候都無乜話想搞野既意欲…
好似今朝咁真係連濕都唔濕下...勉勉強強幫阿Ken含下俾佢出下野了事算數...
一D享受既感覺都無...
但返到黎呢？成個腦都係諗緊點先可以搞到Brian性起...
又FF下同Brian可以玩到去邊個地步...
其實都唔好話返到黎先想搞下Brian...
就連坐地鐵返黎既途中，俾個阿伯J都幾興奮下...
點解會咁架呢？
點解對住阿Ken呢D咁正既男人竟然濕都唔濕下...但俾個阿伯J就濕得出？！
我係唔係有D乜野問題？
定係因為...純粹只係新鮮感同刺激感？
唉～唔知～真係唔知～
或者呢半年黎真係同阿Ken搞得太過多…
咩都玩過晒...（係未玩過SM同菊花～）
真係會玩到厭～
我就唔再理咁多喇～都係快D返埋位拎埋D野同Brian出去撐檯腳好過～
「你一陣都要借埋機出去？咁我順手拎埋部機俾你～一陣喺公司門口等～」Brian執返好間會客室～
『嗯～麻煩晒喇～咁我而家去拎埋D野先～一陣公司門口等啦～』我都扮晒有禮貌咁同Brian黎個九十度鞠躬之後，行返埋自己個位～
正當我行到埋自己個位之時...
「喂～成朝唔見人～閃左埋去邊道偷懶？」Doris就拉住我黎問～
『咩偷懶丫？我去左問Brian野丫～一陣要去見客丫嘛～做返D準備等陣唔使俾人問到口啞啞啦～』我就無佢咁好氣～拎返部電話～拎返個公事包～入返D文件野落去～
執一執等陣見客要用既野先～
「哦～又去左搵阿Brian哥開心心丫嘛～～～」Doris古古惑惑咁打量住我...
『痴線啦～講咩丫你？我真係走去問正經野架～邊似得你咁，一早就入左腦細房啪啪啪啪啪啪啪啪啪啪啪啪啪啪啪啪啪咁開心心丫～』簡介...有...銀包...有...手機...有...地圖...有...
仲有無野漏呢？
「嘩～一場姊妹你咁講野既？我...我...我係被迫架咋...」Doris扮晒可憐委任咁扁晒嘴既樣...
『扮咩丫你～』成個淫婦咁既樣～個官都唔會覺得你係受害者架啦～
「唉～真係自己辛酸自己知～」Doris仲要好似眼含淚水...眼有淚光咁既可憐樣...
『得喇得喇...明喇明喇...知喇知喇...』我真係無你咁好氣...
「咁我地今日食乜呢？我已經好肚餓喇～」Doris摸住個肚仔扁晒嘴～
扑完野既淫婦係特別肚餓我懂的～
之但係...
『我今日陪唔到你食喇～因為我仲有D野唔明～要請教下Brian～』我再點齊D野...
「你同Brian撐檯腳？」Doris眼都凸埋出黎咁既驚奇樣！
『係丫～約好左架喇～』無漏野就行得～
「同Brian丫？預埋我～預埋我～」Doris好有興致咁立即執野...
『預埋你？』唔係話左我同Brian撐檯腳架咩？
「係丫係丫～我都想食Brian...想同Brian食Lunch好耐架喇～」Doris濕到成地都係水咁既淫樣...
『預埋你就三個人架喇喎...』咁仲點叫撐檯腳丫？
「三人行我都無所謂架～」Doris拎好部電話同個銀包仔之後，就喺檯頭拎起塊鏡仔照下照下...
『呃...』你無所謂姐...但我有丫嘛…
3P喎...我呢D獨食開既...唔係好同人開心Share架嘛…