同Doris喺Starbucks道都真係Hea左好耐~

『夠鐘要行喇~』Hea到差唔多夠鐘上堂~

「係喎係喎係喎~都無留意時間添~好彩有你咋~」Doris大安旨意咁既樣~

『唉~大個女架喇~唔可以下下都靠人架~』尤其係唔好靠我~

我絕對唔會係一個好媽媽~





你話係仔既話都會考慮下既~

揍女就咪搞我~

仲要揍個咁大個既~

真係難為我姐~

「咁你可靠丫嘛~」Doris向我打左個眼色...





我可靠?

唔係丫化?

定係因為你太唔可靠咋?

所以話識朋友又好搵個好姊妹又好都要揀個可靠過自己既好~

有乜事都可以依賴下人~唔使下下都俾人依賴丫嘛~





同Doris行下行下,好快就一齊行到去商廈嗰邊~好快就上到去Cupcake班~

可能係仲有D時候掛~上到黎都仲未齊人~

之但係嗰個Sam哥就已經到左...

嗰個Sam哥一見到我同Doris入黎,就向住我地揮揮手...笑笑口...烚熟狗頭咁打招呼...

我就當然唔係好想理佢...扮晒見佢唔到咁...

但Doris就好熱情咁向住Sam哥揮晒手...笑晒口咁Say句:「HI~」

呢個Doris真係...

你知唔知你咁樣做即係俾個機會人地有進一步既行動架?





我就一於好少理...繼續向住上堂用開嗰個位行過去...

但話口都未完...嗰個Sam哥就向住我地呢邊既方向行緊過黎...

都話架啦...都話架啦...

「HI~」Sam哥一行到黎就四萬咁口Say返句HI先...

『HI…』行到黎面前...好難扮見唔到囉...

「好彩今日你地有黎上堂姐~今日係最後一堂…幾驚見你地唔到丫~」Sam哥仲係勁熱情咁既樣...

『係丫係丫…』我真係唔多想理佢...





但呢個時候Doris又唔出聲...企喺身邊喺道食花生咁...

「係丫~我呢...送俾你架~」Sam哥喺褲袋拎左隻唐老鴨出黎...

呢隻唐老鴨...之唔係...

「我見到你Facebook Post左呢隻唐老鴨出黎~我估你一定係好鍾意~所以我今日全日都四圍搵~都真係搵左成日架喇!仲諗住搵唔到...但最後都真係俾我搵到喎!我諗...呢D就係命中注定啦~」Sam哥好似好誠懇咁既懇樣...

無錯...呢隻唐老鴨...正正就同我嗰隻俾Prince搶走既一模一樣...

『我唔好意思收既...』你唔知頭唔知路我就唔怪你...

但你要我收左佢...我又唔好意思...

始終個意義都唔係咁...





完全係兩回事...

縱使係一模一樣...都唔係嗰一隻...

就算係嗰一隻...都已經唔係最原本嗰一隻...

分開左咁多年...各自都經歷過好多好多...

已經唔同晒...

本意已經唔同晒...

「收左佢啦~」Sam哥捉住我隻手,夾硬塞隻唐老鴨俾我,「如果真係覺得唔好意思既話,今晚賞個面俾我請你食餐飯,當係答謝囉~」





下?咁都得?

都話左架啦...呢D人一有位就入...

唔係Doris同佢Say返個Hi,就唔會俾到位佢入啦...

『今晚丫...今晚我要陪男朋友喎...』呢D時候最好就係搬男朋友出黎頂住啦!

男朋友既一百億樣用處之一丫嘛~

「咁樣丫...咁不如...」Sam哥都仲未將想講既說話講完...

“典 經 法 為邪定界 色 空 相 怎樣理解 解 亂置好與壞”電話響...

『唔好意思...』我拎部電話出黎睇一睇...

係阿Ken?

好丫好丫~打得黎正好丫~我真係第一次覺得阿Ken係咁有用架咋~

『喂?阿Ken?』我專登講得大聲D~

我諗Sam哥一定知道阿Ken就係我男朋友...

因為...既然佢講得喺Facebook留意到我Post左隻唐老鴨上去...就一定有睇到我同阿Ken係情侶關係...

唔好話我話Sam哥...佢一定係嗰D睇云晒我成個Facebook裏面所有所有資訊既追蹤狂...

呢種行為...簡直係一條死變態...

而呢種死變態既心態...而家一定會想知我男朋友會同我講D乜...

一定會豎起隻耳仔...偷聽我男朋友會同我講D乜...

你咁想知丫嘛…好~我就專登行近D~俾你聽得清楚D~等你快D死心~

「喂~親愛的女朋友~你而家喺邊丫?」阿Ken仲要嗲聲嗲氣咁~

嘿嘿~做得好丫~做得好丫~

嗲聲嗲氣咁就夠晒溫馨丫~

『親愛的男朋友~我而家咪去左上Cupcake班囉~你呢~你而家喺邊呢~』我又嗲聲嗲氣咁~曬下恩愛先~

「我呢~而家出緊去丫~」阿Ken又嗲聲嗲聲咁~

『出緊去丫~出去邊丫?』唔係真係咁醒出定黎等我落堂嘛?

堂都未上喎~會唔會早左D丫?

「無~班兄弟話今晚想出黎飲野喎~因為聽日要當值~所以咪早D出去囉~今晚陪唔到你喇~」阿Ken講左樣唔應該講既事出黎...

早唔講...遲唔講...呢D時候先黎同我講你要出去同班兄弟飲野?!

仲要講到明今晚陪唔到我?!

最慘既係我企正喺Sam哥身邊...完全俾佢聽晒!

『哦...哦....好丫...好丫...』今次真係HIHI喇...

我完全無諗過會咁...

點估到阿Ken聽日要當值...今晚仲走去飲野...

「嗯嗯~咁你小心D喇喎~」阿Ken好似好放心咁叫我小心D...

『嗯嗯...你都係...』我已經好唔小心啦...

「嗯嗯~~~我愛你~~拜拜~~~」

『嗯嗯...我都愛你...拜...』

飲飲飲...飲死佢啦飲!

收左線之後...我真係覺得自己太天真...

竟然會相信阿Ken打黎係會幫到我...

無諗過反而係送我一程...

「你男朋友今晚唔得閒丫?」Sam哥已經急不可耐咁問起我...

『係丫係丫…』我頂...今次真係捉蟲...

「既然你男朋友今晚唔得閒陪你...就俾個機會我...請你食返餐好嘛?」Sam哥扮晒有風度咁...

但真心...我一D都唔覺得Sam哥有幾咁風度...

佢既用詞同語氣之間,反而夾雜左不少無賴既元素喺裏面...

『Er…Doris不如都一齊去啦~』呢個時候就梗係要搵埋姊妹擋擋煞啦!

「我今晚有約喇~你地今晚食~~~得開心D啦~」Doris古古惑惑咁既樣...

我頂你個肺丫...平時我都對你不薄丫!而家我有難,你竟然棄我於不顧?!

唔係唔係…唔止係棄我於不顧...直頭推我落火坑!

你個衰妹丫...

「咁我地今晚撐檯腳喇喎~」Sam哥就打蛇隨棍上...

『Er…』你叫我情何以堪呢...

就喺呢個時候...

“啪啪”兩下拍掌聲...

導師都入左黎:「各位同學晚上好丫~」

「就咁決定~上堂先~落左堂再講~」Sam哥就急急腳咁行返埋位...

『Er…Er…』呢D係唔係叫霸王硬上弓?!

唉...點解會咁架...

點解總係要我去應付D唔想應付既男人架...

點解仲要係單對單丫...

點解丫...點解丫...點解呀?!

我怒視住Doris!

Doris仲要扮晒天真乜都唔知唔關佢事咁既死人樣!

我立即捏住Doris條頸:『最衰都係你!最衰都係你!扮乜鬼有人約丫?!你有鬼人約呀?!我平時都待你不薄丫!公事上又會幫你頂!感情事又會聽你訴苦!而家叫你同我一齊去姐!幫下我擋下都唔得!』

最衰都係你!最衰都係你!

成日話我地係姊妹姊妹姊妹!你有事就係姊妹!我有事你就閃人!

好過份!好過份!

「丫!丫!丫!丫丫!死喇死喇!咳咳!」Doris俾我捏住條頸黎搖!

『死啦死啦死啦去死啦!』我捏住Doris條頸黎搖多幾下之後就鬆一鬆開手!

「咳咳咳!哎呀~食餐飯咋嘛~呼呼~」Doris抖一抖氣...

『食餐飯咋嘛~咁你又唔陪我去?!』得把口...含J你就叻!

「哎呀~人地Sam哥係對你有性興~又唔係我~我去黎做乜姐~做電燈膽咩?」Doris開始準備下D Cupcake材料...

『你都知人地Sam哥對我有性興呢?!咁你黎做電燈膽咪岩晒囉!等佢唔會亂黎丫嘛!』你真係仲好意思講架喎!

明知個姊妹俾隻豺狼當成獵物咁𥄫住...都見死不救!

無人性架真係!

你睇下...你睇下...嗰個Sam哥又望過黎喇...仲要陰陰嘴咁笑添...

真係見到都打冷顫!

「哎呀~佢可以亂黎得去邊丫~有得亂黎喇喎~咪當開心下囉~使乜諗咁多姐~」Doris好似唔緊唔緊咁佢有佢自己跟住個導師整Cupcake…

『我就係唔想同佢開心下囉!一下都唔想呀!』我又一邊跟住個導師整Cupcake…一邊望一望Sam哥...

又望喇又望喇...嗰個Sam哥又望過黎喇...仲笑得衰過頭先...

好似話俾我聽“你今次點走都走唔甩架喇...嘿嘿嘿...”咁添呀!!!

心都寒埋呀真係!

「咁咪當收下兵囉~」Doris仲係懶懶閒咁唔緊唔緊整Cupcake…

『我唔會收兵架囉好唔好!』你就梗係唔緊唔緊咁啦...

俾隻豺狼虎視眈眈嗰個又唔係你...

你睇下...你睇下...又望喇...又望喇...嗰個Sam哥又望過黎喇...今次仲要流晒口水咁添丫...

幾咁嘔心丫真係!

「點解呢?其實Sam哥都無乜野丫~外表都正正經經幾紳士~幾君子丫~」Doris望過去Sam哥嗰邊...仲同Sam哥揮揮手...

Sam哥又笑笑口咁同Doris揮揮手...

『喂丫!你唔好再引佢得唔得呀?!』我咬牙切齒咁話一話Doris!

「哎呀~又有乜所謂姐~打下招呼咋嘛~」Doris完全無理過我死活...

『你就梗係無所謂啦!佢就可以肆無忌憚咁望過黎啦!』最慘係咩呀?

最慘既係Sam哥最主要唔係望住Doris!最主要係望住我呀嘛!

而家俾Sam哥望到實一實既感覺...就好似俾佢用眼神強姦咁!

咩叫視姦?而家我咪俾Sam哥視姦緊囉!

望望望望望望乜鬼野姐望...整你個Cupcake啦望!

「哎呀~你又唔使咁大反應既~或者真係會一拍即合呢~唔試過又點知呢~係咪~」Doris向我打左個眼色...

一拍即合?

唔會囉...

點睇都睇唔出我同Sam哥可以一拍即合囉...

先唔好講我而家已經有阿Ken...我都講左Sam哥呢種唔會係我個Type黎...仲點可能一拍即合呢?!

「唔好諗咁多喇~唔好諗咁多喇~放鬆D~慢慢食~可能真係會食出味來呢~」Doris繼續整下整下D麵粉...

我就用手沾一沾D麵粉...彈落Doris塊面道...

「喂丫!仲細咩?玩麵粉?!」Doris用手抹一抹面上既麵粉...

但一抹就變左隻花面貓~

就算俾我搞到你成身都係麵粉,都總好過好似我咁俾你搞到成身都係屎呀!

放鬆D喎...慢慢食喎...食出味來喎...

『講得咁好聽...你自己又唔食?!』搞到我勁唔專心咁上堂...

「都話而家令到人地起到機嗰個係你咯~」

『你可唔可以唔好講到咁核突呀?!』

「我都係講事實姐~你睇下...你睇下...你睇下Sam哥係唔係望你望到下面都凸起左~」

『你唔好再講喇!』

「喂丫!大個喇!唔好再玩麵粉好唔好?!」

同Doris你一句又我一句...

「專心D~專心D~」

上下堂...學下整Cupcake…

『俾個變態佬𥄫住你叫我點專心得到呀?!』

好唔專心咁學整Cupcake…

「唔好咁話人啦~等陣你仲要同佢單獨食晚飯架~」

仲要俾Doris頂住條中氣...

『你仲講喎你仲講喎你!』

一日最衰都係你!

「喂丫!你射到我成面都係喇!」

『你再講我射埋落你對波道添呀!』

真係俾Doris激鬼死!

死啦死啦...等陣都唔知會點架...

同Sam哥單獨食晚飯...

計埋今次...我同Sam哥先見得嗰兩次面...

講真嗰句連Friend都唔係...

咁快就單獨食飯?

我唔係話怕D乜丫~

好明顯我係天不怕地不怕既烈女黎架啦!

之但係...又唔係熟...單獨食飯無話題會好悶架嘛…

我份人最怕就係悶...

一悶我就炆憎...

女仔炆憎好易出皺紋...

出皺紋就唔靚女架啦嘛…

唔靚女又會俾男朋友嫌喇...

俾男朋友嫌又要用錢又要嘥時間Keep返好...扮靚靚...

你話係唔係牽連甚廣呢?

「Cupcake班就上到黎呢道~多謝大家既支持~希望大家都整到個靚靚仔仔又好好味既Cupcake啦~」等到導師致完閉幕辭之後...

我都快快手手咁執好晒D野...執好埋個整得勁樣衰既Cupcake…諗住偷偷地閃人...

之但係...又邊有咁如意...

「執好晒野喇?」Sam哥已經早我一步執好,行到黎我面前...

『嗯...嗯...岩岩執好...』我已經勁快手架喇...

都係逃唔過Sam哥既魔掌...

「咁...行得?」Sam哥行到埋黎我身邊...

『行得行得…』呢D時候就梗係搵Doris企喺我同Sam哥中間!擋一擋先啦!

而Doris都好似無乜所謂咁,一直喺我同Sam哥中間...

行到去搭𨋢…

落到去地下...

行到出大門...

「好啦~我走先喇~你地慢慢喇~」Doris行一行上前,同我地揮一揮手...

我頂你個肺丫走得咁快...

「嗯嗯~拜拜喇~」Sam哥好快手咁同Doris揮揮手...

好似想Doris快D走咁…

『拜拜...』唉...始終都到呢一刻...

又要合埋對眼享受被姦既感覺...

點解被姦嗰個...永遠都係我?!

目送住Doris走左之後...

「黎~我帶你去食好野~」Sam哥就興致勃勃咁既樣...

『嗯...嗯...』興致好喇...其他地方就唔好勃喇...

我就跟住Sam哥行...

不時都想偷走...

不過Sam哥既視線都一直放喺我身上...

「係呢~Cupcake整成點丫?」又不時撩我講野...

『幾好丫...幾好丫...』我就梗係答幾好啦...

唔通整到成舊屎咁又話你聽咩?

一直講下講下...

『嗯嗯...』

其實我都無乜點留心聽Sam哥問乜...

『係掛係掛…』

我都係Hea答了事...

一路行...一路Hea住答...

行下行下就行到黎一條橫街窄巷...

起初行入黎既時候我真係幾驚Sam哥帶我入黎唔知想點!

不過好彩好快就行到黎一間叫“夜吾夜”既...日本食店?!

夜吾夜?!日本食店?!

老闆係唔係刑活著呀?!

入到去,Sam哥就搵左個二人位坐...

呢道店仔細細...都差唔多座無虛席...真係十足十夜吾夜咁...

「好彩仲有位姐~鍾唔鍾意呢道丫?」Sam哥笑晒口咁望住我...

『嗯...嗯...』老闆無喺舖面整野食...我又偷偷咁望一望入個廚房...睇下睇唔睇到個老闆係唔係真係成個橡膠穎咁既樣...

「我就知你一定會鍾意~」Sam哥仲要胸有成竹咁...

『點解你會知我一定會鍾意呢?』我好不經意咁問一問...

「因為我有留意到你電話鈴聲係“諸神混亂”~就知你一定有睇過《殭》~呢間夜吾夜真係十足十《殭》裏面間夜吾夜咁~而且我都有留意過你Facebook提過你好鍾意食日本野~所以我就知你一定會鍾意呢道~」Sam哥充滿自信...

那來的自信?

同我既估計都係一樣...Sam哥真係有留意我Facebook...仲留意得好深入...

因為對上嗰次我喺Facebook話鍾意食日本野都已經係上年既事...

上年既事...Sam哥睇我個Facebook最少都睇到去上年...

而且仲要留意到我既電話鈴聲係“諸神混亂”...

我真心覺得Sam哥係嗰D變態跟蹤狂多D囉...

「我地叫野食先囉~唔該~」Sam哥叫一叫左阿蚊過黎...

『哦哦...』我係未睇Menu架...

夜吾夜唔係任由刑活著為客人整乜就食乜架喇咩?

當然唔係啦~你估真係拍戲咩~

之不過...Sam哥份人咁大男人...就梗係由佢發板架啦...

等到Sam哥落完晒野食...

「你唔介意我揸主意丫嘛?」Sam哥又扮晒親民咁問一問...

『唔介意...唔介意...』都落晒單咯...唔通我叫阿蚊Cancel晒佢再落過咩...

「你唔介意就最好喇~我呢...太有主見係其中一個缺點...不過真係改唔到~」Sam哥又成條小蟹柳咁既樣...

『係丫?係丫?』扮乜春丫...唔好喺我面前扮晒唔覺意咁曬自己既優點好唔好?

「有時都會俾人誤會我大男人架~不過我只係有主見~一D都唔大男人~尤其係對女朋友~」Sam哥仲要繼續Sell自己...

『係丫?係丫?』你大唔大男人關我卵事咩...

「因為做工程師無主見係唔得架~成個盤咁大,個個都要聽我既指揮~」Sam哥完全察覺唔到我完全無興趣聽佢自吹自擂...

『係丫?係丫?』我都費鬼事理佢...

「係丫~我地做工程師既,真係好大責任架~個盤有咩出錯,真係會死人冧樓架~所以有主見之餘,練成左有責任感囉~」Sam哥就繼續吹...

『係丫?係丫?』我就由鬼得佢...

「真係架~我而家除左對工作有責任感之外,對女朋友都會好有責任感~只可惜我仲未遇到...」風繼續吹~

『係丫?係丫?』吹到夠啦你...

「或者係遇到...但唔係岩既時候...」

成餐飯都係Sam哥有Sam哥講...

『係丫?係丫?』

我有我係丫係丫咁...

「不過我會等~因為我真係一個好長情又好專一既人~或者長情同專一就係我最大既缺點~」
又對我有所暗示咁...

『係丫?係丫?』

當然我就真係彩佢都有味~

我話知你有幾多缺點丫~總之我係唔係都唔會對你有興趣架啦~

你都係摺埋彈開收皮啦~~~

除左話Sam哥成餐飯都喺道講無謂野之外,仲全程都望到我實一實...

而佢D眼神...總係鹹鹹濕濕咁...

我真係一D都唔覺得Sam哥有幾紳士...有幾君子...

明明就係一個鹹濕變態佬啦...

都係嗰句啦...你都係摺埋彈開收皮啦~~~

食飽飽之後,張單就梗係Sam哥埋架啦~我都無謂爭俾錢~

埋左張單...行到出店外...

「都夜喇...不如我送你返去丫~」Sam哥又扮晒紳士咁...

我都估到你會話送我返去架喇:『唔使喇...我去搵男朋友...』

「之但係咁夜...」我無等到Sam哥講落去...

『唔使送喇...免得誤會...』唔好再纏住我喇...

Sam哥靜左落黎...講左成晚野...終於都靜左落黎...

不過呢一下靜...又好似有D怪...

怪怪地之下...令我諗一諗起:『你有無聽過...白兔與灰兔既故事?』

Sam哥諗左一諗:「無...」

『嗯...係丫...係咁啦...拜...』

我轉身離開...

我無理到Sam哥係唔係仲企左喺道...

只要佢無再跟住我身後就好...

無跟住我...行去返屋企既路途...

無錯...我講左個大話...

我係返屋企...唔係搵阿Ken...

我係一個人...返屋企...

TO BE CONTINUED