灰灰黑黑...整個世界變成灰灰黑黑...

當我再次有返意識...當我再次睜開雙眼...

『皓...阿Ken...』我眼前係仲熟睡緊既阿Ken...

係…係發夢...

頭先...係發夢...





點解發埋D咁既夢...

點解又發埋D咁既夢架...

“但是我清醒...月亮總不肯照亮情慾深處那道背影...你我像快快樂樂同遊在異境...浪漫到一起惹絕症...”

醒左既呢一刻...個腦仲不斷Loop住無人之境既歌詞...

搞咩丫...





做乜又同床異夢架...

唔係唔係…唔止同床異夢咁簡單...

同床異夢之餘...我仲要夢到做出背叛既行為...

真係背叛之中再加背叛...

望住仲熟睡緊既阿Ken...好似瞓得好冧咁...





每當同阿Ken一齊瞓既晚上...佢都總係好似好好瞓咁...瞓得好冧咁...

究竟點解阿Ken可以瞓得咁冧?

阿Ken又發咩夢瞓得咁冧?

會唔會係夢見同我一齊呢?

如果俾阿Ken知道我夢裏面嗰個唔係佢...又會唔會可以晚晚都咁好瞓呢?

唔會...阿Ken會唔會好瞓都好...我都唔會俾佢知道...

我唔會俾佢知道...我經常會夢見之前發生既事...

我經常夢見...中學時期所發生過既事...





唔單止係阿Ken...

我之前既男朋友...無一個聽過我講以前既事...

就算佢地有問...我都只會講岩岩嗰個Ex既野...

點都唔會講到去中學嗰陣時...

男人既好奇心都會比女人既細...

佢地就算想知...會問...都唔會問到你個處係幾時無左...俾左邊個...

只要輕輕咁滿足左佢地既好奇心...佢地就唔會再追問落去...





或者係佢地根本就唔想知得太多太深入...無謂令自己唔開心...

之但係女人就岩岩相反...

女人會想知道自己係第幾個...之前有幾多個...第一次俾左邊個...攞左幾多個第一次...嗰幾個又係點既女人...

想知男朋友曾經愛得有幾深…會唔會係Past Continuous Tense…

男朋友越係要隱瞞...女人就越要尋根究底...

務求將男朋友既瘡疤都挖晒出黎,赤裸裸咁展露喺自己眼前...

倘若男朋友對之前其中一個仲係餘情未了既話...就同背住自己同其他女人上床一樣...不能饒恕的死罪!

自己既過去就唔想俾人知...人地既過去就唔可以唔知...就是這樣...僅此而已...





至於我有無挖過阿Ken既瘡疤?

你真係覺得我會咁蠢...走去搵人地過去既事黎傷害自己咩?

好奇害死貓丫~姊妹~

望住阿Ken瞓得鬼死咁冧既樣...的確有D悶...

所以我都係決定慢慢咁轉一轉身...好小心咁轉一轉身...唔想整醒阿Ken咁轉一轉身...

喺個床頭拎一拎起部電話...睇一睇...睇一睇個Lock機畫面...睇一睇皓傑Send左D乜野俾我...

“WhatsApp 高露潔 幸福 需要恆久堅持 去經歷誘惑與不誘惑的”





幸福…需要恆久堅持...去經歷誘惑與不誘惑的...

真係咁?

只要恆久既堅持...

只要經歷誘惑與不誘惑...

就能夠得到幸福?

或者...都係既...

或者我都真係唔可以受太多誘惑...

或者我都真係...要堅持一下...

其實我而家都算唔錯丫...對比好多人黎講~

阿Ken佢起碼唔似得之前有個只係識得同班Friend去飲飲食食...搵錢又唔係多…又唔上進...

又唔似得之前有個日日只係顧住返工搵錢...搵得嗰兩萬幾就連抽少少時間陪下我行街Shopping都唔得...

又唔似得之前有個日日只係識得冤返工好辛苦...老闆唔係人...憤世嫉俗但又唔作出改變...正廢柴...

有個就仲衰...成日走去偷食又唔抹嘴...次次俾我發現到都話無下次...世紀賤男!

諗返轉頭...之前嗰D真係無個好...

我都真係遇過唔少...衰人...

而家要喺香港搵個似返個人既男人...都真係幾難...

個個唔係三尖八角...個心就係爛既...

所以話喺香港做女人幾咁慘...

不過又好彩...好彩遇到咁多衰人都無俾人搞大過...

我唔係無得生架!我好正常架!

只係...好彩囉~

你知D仆街架啦...成日借D易話唔戴套唔戴套就兜野插入黎...

真係撳都撳唔住…

有D仆街仲話要我食藥...唔用套直接抽插會爽D...

大佬呀!我夠知唔用套直接抽插係爽D!我都覺得係!

之但係食藥好傷身架囉!

你就梗係唔緊要啦!又唔係你食!

D男人就係咁架喇!自撚獅!

唉~

不過講真嗰句...萬一真係咁唔好彩...有左既話...咁點算呢?

生佢出黎?

我又真係無諗過要生佢出黎...

自己都未養得掂...點生佢出黎養?

莫講話養唔養得掂...阿Ken都未必想要啦...

我都睇唔出佢會想結婚...

大吉利是講句...萬一假如如果真係咁唔好彩我有左...同佢講既時候...話唔定佢一聽到就叫我落左佢添...

落仔...落仔...

由岩岩上中學到而家...真係聽人講就聽得多…

自己就真係無諗過...無諗過自己落仔會係點...

會係點架呢?落仔既感覺...會係點架呢?

落仔既感覺...要決定唔要個BB既感受...

我諗...一定唔會係好受...

一定會係好難受...

始終都係一條生命...

喺你肚裏面既生命...

唔好話耐唔耐...長唔長...縱使只係喺你肚裏面生存過六週...你都會感覺得到佢既生命力...

你都會感覺得到佢好努力咁想生存落去...

你都會感覺得到佢不停咁向你傳達:「唔好唔要我...」

你又點忍心...話唔要就唔要呢...

我諗我真係做唔出咁既決定...

一定做唔出...

所以都係小心D好~

唔可以再俾阿Ken唔戴套夾硬插入黎!

撐都要撐開佢!

放返好部電話...瞓喺張床過多一陣...

「唔...唔...」我感覺到阿Ken隻手用力咁攬一攬我埋去...

差唔多醒喇嘛?

都真係差唔多醒喇喎...

「唔...唔...」阿Ken隻手攬一攬實我條腰…

我就摸住阿Ken隻手...等佢醒...

摸多兩摸...摸多兩摸...來來回回咁摸下阿Ken隻健碩既手臂...

「唔...唔...詩琳...醒左喇?」阿Ken用力攬一攬實我條腰…喺我條頸索左一索…

『嗯...醒左喇...』講真一句...由幾時開始...我會喺鬧鐘未響之前就瞓醒架呢?

鬧鐘未響之前...就夢醒...

係好夢由來最易醒?定係俾惡夢嚇醒?

「唔...唔…好香...幾時聞你都係咁香...」阿Ken攬到我實一實...再喺我條頸用力索一索…大大力索一索…

阿Ken條巨棒又隊左埋黎...隊一隊我個屁股仔...

又黎...阿Ken好似又想黎...

不過我就唔係咁想俾阿Ken隊...

我縮一縮開...避一避開...唔俾阿Ken隊條巨棒埋我個屁股仔道...

但好奇怪...我縮一縮開...避一避開...阿Ken就真係無左隊條巨棒埋黎...

我仲以為我一路避...佢就會一路隊埋黎...(因為阿Ken之前都係咁...你越避佢就越係要隊埋黎...)

而家既阿Ken只係好乖乖咁攬住我條小蠻腰…只係索下索下我條頸...聞下我既體香...

奇怪喇...點解好似...有D唔同咁既?

俾阿Ken攬實索下索下...過左一陣...又過多一陣...

『你今日...要唔要?』我都係忍唔住開口問一問阿Ken...

「你呢?你想唔想?」阿Ken又問一問返我...

竟然會問我?!

阿Ken竟然會問返我想唔想?!

阿Ken從來都無問過我想唔想要架喎...

從來都係佢想要就要...

一齊瞓既每一朝...佢話要就要架喇喎...

今次竟然會問我想唔想?

『唔...我唔係咁想...』我拎下拎下頭...呢排都真係唔係好在狀態...

「嗯~你唔想就唔要啦~」阿Ken又好乖乖咁攬住我條小蠻腰…對手都無亂咁摸...

下?!我話唔要就真係唔使要?!

唔係丫化?!

有咁好死架咩?!

唔好話有無問過我可唔可以就撳住我喺床上...

就算我話唔想...佢都會夾硬黎啦...

今朝又會咁聽話...我話唔想就真係唔要?

食錯藥丫?

食錯左過期偉哥丫?

『真係唔要?』我又忍唔住要問多一聲...

「唔~唔~你話唔想,我就唔要~我好錫你架嘛~」阿Ken又好乖乖咁攬住我條小蠻腰…嗲下嗲下咁...

下?!唔係真係咁聽話丫化?!

阿Ken幾時有聽話過架?!

我真係唔係好敢相信而家呢個從後攬住我既乖乖男人...就係性慾爆炸既阿Ken喎...

阿Ken真係好乖乖咁只係攬住我條小蠻腰…

俾著係平時既佢...對手一定一早就已經喺我身上遊走...

唔係隔住我件白色大Tee搓弄住我對小饅頭...就係伸左隻手落我下面探探有幾濕...

絕對唔會好似而家咁...咁乖乖...咁聽話...

乖乖地攬住我...好聽話咁話唔想就唔要...

真係咁乖?!真係咁乖...

唔乖嗰個...其實會唔會係我呢?

講到唔乖...一直以黎都好似係我唔乖...

一直都好似係我貪圖刺激...鍾意玩...唔定性...

唔定性...一直都唔肯定落黎…一直都鍾意亂衝亂撞...一直都鍾意置身於險地之中...

好似係...好似真係...好似真係咁...

由細細個...到左而家成廿五歲人...都係咁...

個心都總係咁野...總係鍾意喺懸崖邊道走...總係鍾意行充滿陷阱既路...

成日都覺得身邊既男朋友唔夠安全感...

其實係我自己先係最無安全感...

或者都真係...都真係要改變一下...

或者都真係...都真係要定落黎...

廿五歲人喇...廿五歲既女人...我成日都話廿五歲既女人真係唔再有咁多青春俾自己跌跌撞撞...

廿五歲既女人...已經夠晒成熟...已經唔可以再咁唔識死...

要死...都死過好多次...再唔識死既話...就真係抵你死架喇...

所以呢...我都真係要定性D...

唔好再去受誘惑...(係唔應該再去誘惑人!)

唔好再嫌呢樣...又嫌嗰樣...

唔好再去比較咁多…

你知道嘛…其實身邊嗰個...已經係最好的~

“一鳥在手勝過百鳥在林”或者就係咁解~

唔明丫?無聽過丫?

唔...咁你應該有聽過柏拉圖與蘇格拉底討論何謂愛情喇掛?

對於我地呢D身經百戰遍體鱗傷歷盡滄桑飽經風霜既女人黎講...真係唔使行出塊稻田,都已經參透得出呢個人生哲理啦~

俾阿Ken攬實咁瞓喺床上好一陣子...

難得好溫馨既感覺...純愛既感覺...

真係好似一直都無試過...

同阿Ken又好…同之前嗰D都好...

除左同皓傑一齊嗰段時間...

或者真係無性先有愛既感覺...

或者兩個人喺埋一齊...真係唔一定要時時都搞野...

再俾阿Ken攬多一陣...

「係唔係差唔多要起身梳洗喇?」阿Ken好溫柔咁摸一摸我把秀髮...喺我耳邊細細聲講...

『嗯~差唔多喇~』我都嗲聲嗲氣咁~配合一下阿Ken既溫柔~

「嗯~咁你俾我梳洗左先~然後等我煮定早餐俾你食~」阿Ken再摸多兩摸我把秀髮~

『嗯~』我摸一摸阿Ken隻大手~

阿Ken錫一錫我面頰之後,起一起身,落一落床~

望住只係著住條黑色孖煙囪既型男背影...

阿Ken真係唔做消防都可以做Model~

唔知佢D同事既Body係唔係個個都係咁正架呢?

會唔會有D好似王祖藍咁既死矮仔架呢?

我諗就唔會有掛~

好似王祖藍咁矮又點救火救人丫?

而且睇阿Ken同D同事影既相都唔覺得真係D有特別矮一節既死矮仔出現~

個個個Body都咁正...真係介紹返個俾Doris都唔錯丫~

等Doris呢個衰妹唔好咁濫~定下性都好丫嘛~

嗯嗯~遲下睇下有無機會叫阿Ken約埋班兄弟出黎俾Doris揀下先得~

唔好話我重色輕友~我都好睇我D姊妹架~

瞓喺張床上諗下D無聊野~又碌下碌下~碌到阿Ken刷完牙洗完面出返黎~

「我搞掂喇~而家去煮早餐俾你食~你梳洗完出黎就有得食架喇~」阿Ken就著左條紅色孖煙囪,行左去開放式廚房嗰邊~

『嗯~辛苦晒~』我都起身落一落床,拎埋白色Bra同白色底褲行入浴室梳洗下~

有個入得廚房~上得大床...出得廳堂既男朋友~做港女既仲有乜野求?

帶住美滿滿足既心情,愉愉快快咁梳洗一下~

好似好順利~好似好稱心咁~

好快就梳洗好晒~戴返個白色Bra~著返條白色底褲~再穿返件白色大Tee~就行出浴室~

「岩岩好~有得食~」一出浴室門口,阿Ken就行到埋黎我身邊,拖一拖住我隻手~拖住我行去餐檯前~

望一望餐檯上,又係我最鍾意既煎雙蛋~煎雙腸~煎火腿既西式早餐~

『次次都係呢D你唔悶架?』我甜絲絲咁笑一笑阿Ken~

「咁你鍾意食架嘛~我又點會覺得悶呢~」阿Ken幫我拉一拉張凳~

『咁你唔怕我會覺得悶架~』我坐一坐低,又刁難一下阿Ken~

「同你一齊咁耐,我梗係知你長情~邊有咁易悶丫~」阿Ken口甜舌滑咁~

『係丫係丫~』小蟹柳~

「真係架真係架~我真係好了解你架~」阿Ken又要扮晒真誠咁既樣~

『係丫係丫~你咁了解我,又知唔知我而家個心諗緊乜呢?』我古古惑惑咁打量一下阿Ken~

我又真係唔信你會估得到丫~

「嗱嗱嗱~」阿Ken胸有成竹咁既樣,Fing下Fing下隻手指,行左去拎...拎左盒...「登登登凳~呢個就係你心諗緊既野喇~」

我望住阿Ken拎住盒用花紙包到靚靚仔仔咁既...四四方方既...

『咩黎架…』我猶猶豫豫咁望住阿Ken將盒野放到餐檯上...

都幾大盒下...

「拆開黎睇下~」阿Ken又古古惑惑咁既樣~

『唔...』我皺一皺眉...好小心咁拆一拆…拆一拆…

因為張餐檯本身就唔係大張...再加上盒野都真係幾大盒下...

我好小心咁拆一拆開張花紙...就已經睇到:『係麵包機丫~』

「嗯嗯~係唔係好岩心水呢?」阿Ken就幫我繼續拆開張花紙~拆一拆開個盒~

『OK咁啦~』岩就岩心水喇~不過就唔係我頭先諗緊既野~

其實頭先我乜都無諗~

更加估唔到阿Ken真係買左部麵包機返黎~

係丫~我真係乜都無諗架~

只係純粹想睇下阿Ken會估我諗D乜架咋~

睇下岩唔岩我心水咁架咋~

就係估唔到又真係咁岩心水囉~

好多時都係咁架啦~

問既問題未必有固定答案~

不過就有一定既標準~

呢D都係睇下你男朋友了唔了解你~錫唔錫你既測試~

「“OK咁啦”咋?睇你笑得幾咁甜就知唔係“OK咁啦”咁少啦~」阿Ken又得得戚戚咁既樣~

『哎呀呀~而家係唔係三分顏色上叮噹丫?』得戚得你個衰樣丫~

「咩丫~三分顏色唔係上叮噹架~係上靜宜架~」阿Ken仲要唔識死咁講笑~

『係丫係丫~真係想鑊都打甘你丫~』而家串嘴喇~

「係係係~對唔住~咁鍾唔鍾意姐~我搵左好耐又揀左好耐又聽個Sales廢噏左好耐先買到呢部麵包機返黎架咋~」阿Ken扁扁地嘴咁~

『係喇係喇~辛苦晒你喇~』阿Ken一扮可憐,我就心都軟埋喇~

「真係好辛苦架~真係好辛苦架~」阿Ken仲要繼續扮~

『咁你想點丫?』扮到七情上面咁~

「我想...錫返先啦~」阿Ken嘟長個嘴~

『係喇係喇~錫晒你喇~啜~』我就輕輕錫一錫阿Ken個嘴~

小朋友~