《港女FF妄誌》: [Day 06－頭也不回] PART 02
望住塊陌生既天花板諗下諗...
諗下諗下又呆下呆下...
呆下呆下又呆到天光...
寄人籬下既我都應該要做返D野...
我就起一起身落一落床，行去浴室梳洗一下。
簡簡單單梳洗一下...潔淨一下心靈...平靜一下心情...
著返ManYan借俾我件白色大Tee加條運動短褲，我就行去雪櫃前，打開個雪櫃，睇下入面有咩野材料～
打開雪櫃睇一睇，有腸仔～有火腿～又有蛋～
又係呢D西式早餐？
哈哈～岩晒我啦～又岩我胃口～又易整～
好～落手落腳煮早餐～
“池 池 池 池 池 池 池 池 池 池”
煎下腸仔～
“池 池 池 池 池 池 池 池 池 池”
煎下火腿～
“池 池 池 池 池 池 池 池 池 池”
又煎下蛋～
「煮早餐丫？嗚丫～」ManYan就行到去我身邊，打左個大喊露～
『嗯嗯～嘈醒左你丫？』我就一邊煮早餐，一邊問一問～
「唔係唔係～係香醒左姐～」ManYan用力索幾下～
『邊係香～係好大油煙味～你快D去梳洗下先～好快就有得食～』我推一推開ManYan～
「有我份架？好丫好丫～咁我而家梳洗先～」ManYan轉一轉身，「哎呀！又俾個衰仔截足先登！」
我回頭望一望，岩岩就俾我望到廁所門剛剛關上～
『哈～你咪讓下你細佬囉～男仔梳洗好快架姐～』男仔無乜野洗丫嘛～最重要都係洗乾淨條腸仔姐～
「我仲讓得佢唔夠多？我成日都讓佢！又好錫佢添架！」ManYan翹埋對手谷起塊面豬登～
『咁做家姐既係咁架啦～』我就碌下碌下條腸仔～
「你又知做家姐係咁？你都未做過人地家姐～」ManYan冷眼望一望我～
『乜要做過人地家姐先知架咩？呢D唔係天性黎架咩？』我一直碌～一直碌下條腸仔～
「天性黎架咩？你母性都幾強架喎～」ManYan古古惑惑咁打量住我～
『咩丫？咩母性強丫？』都唔知ManYan想講乜～
「無～母性強既女仔係特別鍾意小朋友～特別鍾意照顧小朋友～」ManYan又古古惑惑咁用膊頭撞一撞我～
『你講起小朋友，我又真係幾鍾意小朋友架喎～前兩日我先見過我同事對龍鳳胎～佢地岩岩上小學真係勁得意～』講講下就講起仲恩同仲言～
佢地兩個真係勁惹人愛～
「咁得意又咁鍾意，捉左佢地返黎養囉～」ManYan又古古惑惑咁～
『痴線架咩～點捉丫？唔通真係喺佢間學校門口等佢地放學然後捉佢地上車帶返屋企禁室培慾咩？那有屋企丫？你呢道丫？』呢個ManYan個腦又係有問題架～
「咁丫...」ManYan諗左一諗，「你個同事係男定女丫？」
『男囉～』
「咁咪色誘佢老豆，做佢後母囉～」ManYan又古古惑惑咁用膊頭撞一撞我～
『痴線！』呢個ManYan真係...教壞人！
「咩痴線姐？咁唔係一舉兩得咩？」ManYan又古古惑惑咁打量住我～
『咪痴線啦～聽講我岩岩先戴完帽咋喎！』我冷眼望住ManYan！
「咁咪岩晒囉～你岩岩先戴完帽～然後令人戴帽～因果無限Loop～」ManYan理直氣壯咁點點頭。
『痴線架真係！咩因果黎架？係咁架咩？』明明就係歪理，就俾ManYan講到好似好有道理咁！
「而家呢個年代係咁架啦～你諗下～以前D女仔如果俾佢地見到自己男朋友同第二個女仔喺床上搞野，仲唔喊苦喊忽要生要死？！你睇下～而家既你就連眼淚都無流過一滴～」ManYan打量一下我。
『點同呢...』講講下又講到呢樣...
「有咩唔同姐～點丫？係真係無野？定係扮無野咋？」ManYan搭一搭我膊頭。
『有乜野姐～真係無野丫～』不過講真一句...又真係幾奇怪...
正常人遇到呢D事...都一定會勁唔開心...
對女仔黎講仲一定會大喊一場...
之但係我...唔開心就梗係有D既...但真係無喊既衝動...
莫講話大喊一場，就連少少淚水都谷唔到出黎...
唔通真係正如ManYan所講...年代唔同左？
定抑或係...我嗰一公升眼淚早已流乾？
「無野就最好啦～好姊妹～」ManYan拍一拍我對小饅頭...
『喂！再拍就真係扁架喇！』本身已經唔係大...
我岩岩先甩拖，要再出去覓食架嘛…
俾你拍扁埋就真係仲有乜本錢去吸引人呢？
「邊有咁易扁丫～」ManYan仲想繼續拍落黎！
『喂…喂...喂丫～唔好搞住晒啦！隻蛋燶喇！走開走開！走去嗰邊坐住等你細佬出黎！』我撞一撞開ManYan！
「好啦好啦～為左餐早餐就放過你啦～」ManYan翹住對手，谷起對豐乳，行去床嗰邊...
唉...呢個ManYan真係...
自己嗰對咁大都玩唔夠...係都要搞我嗰對小饅頭...
唉～
不過講開又講...我都真係好耐都無試過...煮早餐俾人食...
呢半年黎...只要有阿Ken喺道...都係由佢煮俾我...
就算係自己一個既時候...都好少會真係認認真真咁煮個早餐食...
唔係是是旦旦咬塊生命麵包飲杯奶就出門口...就係落街買件三文治咬住搭車返工...
自己認認真真咁煮個早餐...煮埋俾人食...
呢種算唔算得上係回復單身生活既轉變？
我又需唔需要多D時間去...適應？
一邊諗下諗下，一邊煮早餐。
豪仔都梳洗完，著住件黑色Tee加條黑色運動長褲行返出黎...
「咁耐架？喺入面打J丫？」ManYan勁唔耐煩咁～
「痴痴痴痴痴…痴線啦！」豪仔就勁怕羞咁～
兩姊弟就係咁架喇？
平時既佢地，都係咁肆無忌憚咁講埋D色情野架咩？
由細到大都係咁架咩？
唔會覺得尷尬架咩？
或者真係唔覺得尷尬掛～
反正都一齊生活左咁多年～
之不過...ManYan大過豪仔咁多，唔會有代溝架咩？
喺豪仔仲未知咩係性之前，ManYan已經破左處...
喺豪仔識得打J之時，ManYan已經係老江湖...
咁講法...大家個溝唔係應該會又闊又深先至係架咩？
點解ManYan仲可以咁肆無忌憚咁同豪仔講埋D咁既野架呢？
唔...
或者就係因為ManYan已經係老江湖，先可以將D尷尬說話咁自然咁講出口～
與此同時，豪仔都會怕怕羞羞尷尷尬尬咁～
不過咁樣都唔錯丫～
起碼都叫有個身經百戰既家姐教佢野丫嘛～
第時真係同個女仔情到濃時，都唔會尷尬到唔敢再行前一步～
不過呢D野我都係恨唔得咁多架喇～
鬼叫我無細佬咩～
繼續一邊諗，一邊煮～
我仲煮多左三個公仔麵～
好快就等到ManYan都梳洗完～由浴室行返出黎～
咁耐都無真真正正咁落廚，好彩都無失水準～
我就將三份早餐都放到去細小既餐檯上：『有得食喇～』
ManYan就一個箭步跑過黎：「正呀喂～」
豪仔就怕怕羞羞咁行到埋黎坐一坐低，望一望...
『試下我D手勢～睇下岩唔岩胃口～』我就溫柔咁對住豪仔笑一笑～
豪仔就怕怕羞羞咁又面都紅晒咁點點頭～
有家姐一直陪伴住成長既都怕羞成咁既樣～
你話嗰D由細到大都未接觸過女人既毒L會係點？
真係唔敢想像～
睇黎距離世界末日不遠矣～
「咁我就唔客氣喇～」ManYan一叉就叉住條腸仔放入口，「嘩！正呀喂！煎到外脆內軟咁～果然係玩腸高手丫下～」
『喂！正經D啦！』我拍一拍ManYan隻手！
呢個ManYan真係丫...
喺自己細佬面前自己衰就好啦！
唔好搞到我俾豪仔既印象都好似你咁先得架！
「哎呀...痛痛痛...」ManYan一邊摸下摸下自己隻手仔...一邊含住條腸仔...
十足十含J咁既樣...
老江湖果然係老江湖...
食條腸仔都食得衰過人...
或者呢D就係慣左口勢啦～
而豪仔就好似乜都唔知咁，一頭問號咁望一望我同佢家姐～
呢種天然呆又真係幾可愛既～
話時話...而家D男仔係唔係真係遲鈍D架呢？
豪仔今年都十六歲架啦～
一定知乜野係“澳門首家線上賭場上線啦”架啦～
又有個老江湖家姐周而復始咁喺佢耳邊講D衰野～喺佢眼前做D衰野～
無理由仲係呆下呆下咁，乜都唔知咁～
就算知道又或者Get到都只有尷尷尬尬怕怕羞羞咁～
所以話，而家香港D性教育真係唔多掂～
你睇我地公司D教材都知～全部都只係教你“男人條陰莖勃起插入女人陰道內射精就會懷孕”～
來來去去都係得嗰幾頁～
講多幾句教多幾步都無～
更莫講話前戲要做足～
唔濕又點插呢？
真係失敗之中既失敗～
公司D教材...
死啦...又令我諗起星期一返到公司都唔知會點添架...
「喂～今日放假，有無邊道想去丫？等我陪下你啦～」ManYan含住條腸仔口噏噏咁講～
我今日...
『我今日丫...我今日諗住返去執返D野...」我諗越快執好越好...
呢D野都係唔好拖...
「返去執野丫？咁使唔使我陪你丫？」ManYan好認真咁望住我。
『唔...唔使唔使～我自己搞得掂既～』ManYan突然咁認真，搞到我都有D嚇一嚇...
「真係唔使？你自己一個...真係搞得掂？」ManYan仲係一面關心咁...
『真係搞得掂...我自己一個真係搞得掂呢～』點會話搞唔掂丫～
又唔係第一次...
唔係第一次由男朋友屋企搬出黎...
每次同男朋友分手，我都係自己一個執野走...
人地睇住我執又好～自己一個偷偷地咁執又好～都無問題～
就算有人拉住我唔俾我走...就算有人攬住我唔俾我走...我話要走就走...無人留得低我...
可惜我不是水瓶座～
「咁好啦～你話搞得掂就搞得掂啦～」ManYan又好似好放心咁繼續含住條腸仔咬下咬～
其實...我都明點解ManYan都有咁既擔心。
因為...我知道ManYan係水瓶座...
ManYan試過有幾次同之前D男朋友分手，正要執野走之時，俾人攬一攬就衰心軟留返低...
其實都唔止係ManYan...
其實有好多女仔都係咁...
好多女仔都係衰心軟...
就算個男人點衰點賤格點仆街都好，只要俾佢攬一攬...攬到實一實...攬到個心都軟埋...無力再反抗...
只好留低...再準備受下一次既傷...
俾同一個人再傷多一次...兩次...三四五六次...
或者除左我之外...個個女仔都係水瓶座～
豪仔切下切下塊火腿...又諗下諗下...
諗下諗下又偷偷地望一望我...
好似有野想講…有野想問…
但又好似唔知點開口咁...
睇佢怕怕羞羞想八卦但又唔知點開口咁既樣，其實都真係幾可愛～
或者呢D就係叫做...青澀～
同佢地兩姊弟一齊食完個早餐...
「你套衫洗完乾埋添喇～」ManYan就拎住我套衫...仲要拎住我條白色底褲Fing下Fing下...
『真係唔該晒你喎～』我就喺ManYan手上接過套衫行入浴室～
「喂喂喂～等埋我等埋我～」ManYan又喺個衣櫃裏面隨便拎條米黃色連身短裙出黎，衝住過黎推我入浴室...
『喂喂喂…好迫丫...做乜唔等我換左先姐...』個浴室已經夠晒細...仲要俾ManYan迫埋入黎...叫人點換衫喎...
「個衰佬突然話得閒要我出去陪佢～咁我咪要快快手手換衫囉～」ManYan已經放好左條米黃色連身短裙...
『咁不如你換先喇...我喺出面等你換完先喇...』迫到我同ManYan都就快要貼埋一齊...
「唔使咁麻煩啦～做咩丫？你唔係怕羞丫化？」ManYan已經準備將身上件白色大Tee除出黎...
『痴線～怕咩羞丫？又唔係未試過一齊換衫～』我都放好自己套衫，準備除一除自己身上件白色大Tee～
「係囉係囉～講開又講...以前PE堂我地兩姊妹都成日屈埋喺一個廁格裏面換衫～」ManYan將佢件白色大Tee都除左出黎～一對豐乳就喺我面前搖左一搖～
『係丫係丫～個廁格仲細過而家呢道～不過你對波就大左好多喎～』我忍唔住要雙手揸一揸ManYan對豐乳～
一揸上手…真係又彈又軟熟！
「喂丫！變態～你仲係咁鍾意揸人地對波！」ManYan立即撳一撳住自己對豐乳～
『哈哈哈～咁我嗰對細丫嘛～咪要揸下你對大野囉～』我都將身上件白色大Tee除左出黎～挺一挺起對小饅頭～
「小饅頭有小饅頭既好玩架姐～」ManYan又突襲我對小饅頭！
『喂丫～你咪又係一樣咁變態！自己嗰對咁大都揸唔夠，要揸人地對小饅頭！』我都立即撳一撳住自己對小饅頭！
「哈哈哈～人地對奶永遠都係最好摸架嘛～」ManYan淫淫賤賤咁既樣～
『痴線～』我就無ManYan咁好氣，拎返起個白色Bra戴一戴上身～
「哈～不過講開又講...」ManYan拎一拎起個粉紅色Bra，「都真係...幾懷念...」
『嗯？』我伸對手去背後扣一扣個Bra...一邊問一問ManYan～
「中學生涯～好懷念做學生妹既日子呢～」ManYan穿一穿條粉紅色底褲，用嫩滑既膝頭哥輕輕掃一掃我D陰毛...
『都真係幾懷念既...』做學生妹真係幾開心...
日日都白白痴痴咁過...好想快D大個...
總係覺得大個左就有自己既世界...自己既空間...
唔需要再困喺嗰個家...
但當人大個左...出到黎呢個社會...自己搵地方住...自己搵食...又覺得好大壓力...
又會想可以返返去細個既時候...
細個既家唔係我既家...
大個出到黎又搵唔到一個固定既居所...
點解我既人生...會咁苦架呢？
點解我無得揀架呢？
如果話細細個喺個完完整整既家庭裏面成長既話...幾咁好呢...
只可惜...呢個世界無咁多如果...
「做學生妹既時候...愛得幾咁青澀～」ManYan著好埋條米黃色連身短裙後，喺塊鏡前整理一下。
『你有青澀過咩？』聽到ManYan咁講，我不禁要恥笑一下佢～
青澀喎～喺ManYan身上喎～真聯想唔到囉～
「咩丫～我嗰時好單純架囉好唔好～」ManYan谷起塊面豬登望住鏡裏面既我～
『你單純？我好似係俾你教壞架喎～』我都著好晒套衫，喺塊鏡前整理一下～
「我教壞你？呵呵呵～好笑咯～」ManYan笑到衰衰咁～
『算罷啦～明明就係物以類聚～』你係咁～Doris又係咁～
我地呢D賤女人，都係賤埋一齊架喇～
「係我地太過壞？定係呢個世界太多壞人？」ManYan繼續喺塊鏡前裝扮一下自己。
『嗯...只可以話...我地呢D壞人只會吸引到壞人埋身...』我都梳一梳下把秀髮...
ManYan眼定定咁望住鏡裏面既我：「你真係咁諗？」
我眼定定咁望住鏡裏面既ManYan...俾唔到反應...
因為我...我唔係好明ManYan點解會咁問...
係因為ManYan覺得呢句唔係我心裏面嗰句？
我就更加唔明...唔明點解ManYan會覺得呢句唔係我心裏面嗰句...
我地呢D壞人...唔係只會吸引到壞人埋身咩？
我...吸引左個會背叛我既阿Ken埋身...
你...吸引左個會背叛佢老婆既男人埋身...
我地兩個壞女人...都只會吸引到壞男人...
呢D唔係正正就係門當戶對天生一對天作之合咩？
ManYan微微一笑後，繼續對住塊鏡裝扮一下...
唔...唔知喇...
我同ManYan喺細小既浴室裏面再好好咁裝扮一下...
其實我就唔使點裝扮～只係ManYan要姐～
見“男朋友”嘛～一定要執到最正咁俾佢執～
搞掂好晒之後，我同ManYan就由浴室出返黎～
豪仔就坐喺電腦前...打機...
我拎好個銀包之後，等ManYan拎埋手袋...
「我地出去喇～」同豪仔講聲～
「哦～」豪仔頭都唔轉過黎望我地一眼～
係咁架～男仔打機係乜都唔會理架～
就算女神喺佢面前擘大對髀，佢地都只會顧住佢條中路架咋～
咩中路？中路有D乜？
我都唔知丫～
你都係問返班男仔啦～