《港女FF妄誌》: [Day 06－頭也不回] PART 07

「想食D咩呢？呢道D和牛好正架～仲有呢...」Sam哥拎起份Menu睇下睇下～

『哦哦...得架喇得架喇...我...自己睇睇...自己睇睇...』我都拎起份Menu...望一下...

望住份Menu...望住裏面D相...望住相中既和牛...三文魚刺身...吞拿魚刺身...我不期然諗起皓傑...

半年前…同皓傑黎呢道聚舊既畫面，就喺我腦海中...喺我眼前出現...

不知不覺...就過左半年...



估唔到半年之後...我又黎到呢到...

不過今次就唔係同皓傑一齊黎...

喺嗌野食既時候，Sam哥嗌左好多野...

而我就嗌返半年前同皓傑黎既時候所食過既野...

真係估唔到...估唔到我仲會記得...



我仲會記得半年前同皓傑食過D乜...

我仲好記得...好記得成日夾走皓傑D野食～

因為我一直都係咁鍾意食人地D野？

「試下我呢舊～真係好正架～」Sam哥由放喺佢面前碟和牛夾起一舊...

『唔使喇～自己黎得架喇～』我就快快手手夾起碟上舊和牛，唔想俾Sam哥服侍我...



其實...我唔係個個人既野都鍾意食...

只會喺某D人身上...某D特別既人身上...

就好似...皓傑...

「你鍾唔鍾意去旅行架？」

喺食野既期間，Sam哥不停咁問下我野...

『我...麻麻地啦...』

我就唔係好認真咁答佢...

「係丫？女仔唔係應該都好鍾意去旅行架咩？」Sam哥又扮晒好似好了解女仔咁...



『無丫…無話好鍾意...可能之前無乜時間諗去旅行...』去旅行...無時間...

「係丫？返工拎唔到假去旅行呢？」Sam哥又扮晒一眼睇穿我內心咁...

『嗯...都係丫...』返工...如果唔使返工...

「如果拎到大假，咁你會想去邊？去日本？」Sam哥又接住問...

『如果唔使返工...我諗我會...我會去冰島...』去冰島？

點解我會諗起冰島？

點解我會...諗起皓傑話要去既地方？



無錯喇...皓傑話佢唔撈之後就走左去冰島...

都半年喇...唔知返左黎未呢？

半年都仲未返黎...變冰條架喇喎...

你知啦...皓傑又唔係大隻...又唔係健碩...直頭有D潺潺地咁...

唔好話半年啦...半個月都頂唔順啦...

呢條友唔係真係仲喺嗰邊丫嘛？

係唔係喺嗰邊識左個女仔丫？

係唔係識左個女仔就唔願返黎丫？



係唔係識到女仔就乜都唔記得架喇？

係唔係就可以頭也不回丫？

係唔係就可以忘記香港丫？

「冰島？你都真係好特別架喎～」Sam哥笑笑口咁打量一下我...

『下？』突然之間唔係好Get到Sam哥想講乜...

應該話我從來都無諗過要Get到Sam哥想講乜...

「大多數女仔都鍾意去日本～去浸下溫泉又好～去睇下櫻花又好～去Shopping下都好～好少女仔話想去冰島架喎～去睇北極光？」Sam哥又問一問...



『唔…嗯...嗯...』睇北極光...

“北極裡有一束光 你話留來伴我望 我若覺得絕望 想到亦會全釋放”

唔...

我諗皓傑都係去左睇北極光姐...

我諗皓傑應該係俾北極光吸引住姐...

「如果係想睇北極光既話，去芬蘭會比冰島容易睇到D架喎～冰島既位置呢，就唔係話真係咁好～就算喺雷克雅未克都唔係晚晚都見到北極光～好話唔好聽可能一個唔好彩喺嗰邊捕足半年都捕唔到張靚既北極光相～雖然芬蘭都唔係晚晚都見到北極光～但機會會大D囉～位於芬蘭Lapland既斯勞塔寧北極度假村，你可以直接由下榻既圓頂冰木屋既玻璃窗外觀賞到北極光～就算北極光無出現，你都可以參加狩獵馴鹿既活動架！或者租滑雪板探索下附近既Urho國家公園添～再唔係挪威都係一個好選擇～挪威既斯瓦爾巴特群島位於北冰洋之中～呢座挪威海島座落喺北緯度七十四線同八十一線之中～係世上最高緯度的地方！每年十一月到二月期間，都可以喺嗰道欣賞到美麗既北極光～除左話觀賞極光之外呢，仲可以體驗另一個自然現象～極夜！」Sam哥又扮晒好似旅遊達人咁一輪嘴咁噏...

『哦...哦...』雷克雅未克...

原來就算係去到雷克雅未克...都未必晚晚見到北極光...

分分鐘仲要捕足半年...都未必捕到一張靚北極光相...

“這綠裡透紫的光 從未天際怒放”

咁我諗...都應該係喇...

我諗皓傑都應該係喺嗰邊捕緊北極光...

影唔到張靚既都唔打算返黎...

皓傑都係D幾好勝既人...

達唔到目標係唔會罷休...

“好比原來一起能到達的遠方 而未同往 冰川未訪 火山未闖”

我好似...

“還是我自困空想之中 未熄的熱情 用十年來放送 彷彿一眼熱泉 湧進寒冷冰窖中 炎涼大戰中 誰夠耐性便勝利 冰封舊情再解凍”

開始有D...

“來 踏步空 早些心死 早上進 念念的 失約以後 我便 我便放鬆 讓掛念 葬在最深白雪中”

我好似...開始有D明白...“雷克雅未克”既意思...

「其實我都有研究開北極光架～」Sam哥繼續自吹...

『哦...』我一樣唔係好在意佢講既野...

「如果你請到假既話，不如我地一齊去追尋下丫～」Sam哥又好進取咁...

『考慮下丫...考慮下丫...』係都唔係同你去啦...

「我平時都有玩開相機既～如果話想去影北極光既話，我到時就可以喺你身邊教你喇～咁就唔怕遇到卻影唔到啦～」Sam哥又繼續自吹...

『哦...』用三叔手機影北極光丫？

「我之前去旅行呢～都影左唔少靚相架～俾你睇下～」Sam哥又拎一拎部會爆炸既三叔手機出黎...

「哦...哦...」我只係敢離遠探個頭過去望一望...

「呢張呢～就係上次我一個人去韓國影既～」Sam哥開左張黑麻麻勁暗既相出黎...

『呃...』其實你想影D乜呢？我真係乜都睇唔到喎...

「嗰時夜晚我一個人喺街上行～行行下覺得條街好有Feel～所以就拎住部手機出黎影～你Feel唔Feel到丫？」Sam哥好雀躍咁問一問...

『Feel？』咩Feel丫？

「呢～嗰種呢～嗰種寂寞夜裏我不寂寞既高尚感呢～」Sam哥又充滿自信咁講...

『呃...唔...』下？乜叉野寂寞夜裏我不寂寞丫？

我只係見到勁暗啦...連條街都影得唔清楚啦...更唔好話有無主題啦...

如果話要講“寂寞夜裏我不寂寞”，我會諗返起之前喺皓傑個Facebook睇到佢影左張夜深喺後巷貼住地咁影住隻黑貓既背影...

我就真係覺得嗰張先叫做“寂寞夜裏我不寂寞”囉...

「呢張呢張～呢張係我之前去台灣影既～」Sam哥又Show左張...喺海灘影既相...

張相影住成個海灘...

『唔...』呢張又係想影D乜呢？

成個海灘...就連一個焦點都睇唔到...

「藍天白雲～水清沙幼～睇落去係唔係好舒服呢？」Sam哥又充滿自信咁講...

『呃...哦...』呢個就係你呢張相想帶出既主題？

唔...

先唔好講個主題出唔出...

構圖都無我真係唔知你喺道影緊乜...

如果話影海灘既話，我會諗返起之前喺皓傑個Facebook睇到佢影左張貼住一片好平滑既沙灘，上面有一段腳印...

腳印一直伸延...直至消失喺地平線之中...

嗰張相俾我既感覺係...人行路所留下既足印...

我地每一個人...每做一件事...都總會留下足印...

假如我地用心去留意自己既足印...係可以好清晰...好清楚...

仲好深刻...

「呢張呢～就係...」Sam哥又開左張相出黎...

『哦哦...』但我就已經無興趣再留意佢講乜...留意佢影乜...

因為我已經肯定Sam哥又係講廢話...又係影D垃圾相...

講真一句...我唔明Sam哥D自信係由邊道黎...

點解夠膽講出口...又點解夠膽拎D相出黎俾人睇...

唔係真係一句“只要有自信，你比誰都強！”就催眠到自己丫化？

催眠到自己都呃唔到人啦...

我又係唔係應該話Sam哥呢種人係正能量爆炸呢？

明明無乜咁特別都要吹到世界級咁...

明明就唔係勁但就要吹到宇宙最強咁...

其實都真係...幾討厭...

我唔知其他人點睇...但對我黎講真係好惡頂...

我真係唔知係佢當我白痴...定佢本身就係咁低B...

總係覺得自己所做既野就係最好最勁最厲害...

就唔知道人外有人...天外有天...

唉～正一井底之蛙...

所以有時我都係覺得毒毒怕怕羞羞無乜自信既男仔會比較可愛D～

內斂好過自大係真既～

起碼唔會俾我覺得...無料扮四條囉～

「呢張呢張～我都好滿意架～」一邊聽住Sam哥Keep住自吹...

『嗯嗯...』我連望都費事，繼續食野～

「仲有呢張～真係一絕～你睇唔睇得到丫～嗰種呢...嗰種後現代激情...」Sam哥有Sam哥自吹...

『哦～哦～羅密歐與茱麗葉丫嘛～』我有我邊食邊敷衍佢～

好唔容易先食完餐飯～

「呢餐等我請啦～」到埋單既時候，Sam哥好理所當然咁爭住埋單...

『唔好既～唔好既～AA啦～』我就當然唔想欠左佢！

「唔使啦～唔使啦～請靚女食飯係男人既榮幸～」Sam哥成個大男人咁...

『唔好呢～唔好呢～我真係唔鍾意要人請～』其實我係唔鍾意俾唔鍾意既人請～

都係嗰句，我唔想欠左你！

「AA好難計既～下次你請返我咪得囉～」Sam哥總係唔願收我D錢...

『咁呢餐我請啦～』我一手就搶左張單，夾埋D錢落去！

「咁...」我無再俾Sam哥有機會講野！

『唔使咁啦～我決定左就決定左～無人可以阻止我～』我真係唔想同你有乜野瓜葛！

「你...你真係好特別呢～」Sam哥打量一下我...

我唔知Sam哥所指既“特別”係乜野意思...

係讚？係彈？

唔重要～

一個唔重要既人講乜都唔重要～

埋完張單...再次坐上Sam哥架日本車...

“𠲖...𠲖...吼...”

一路上，我已經無再聽Sam哥講D乜...

我淨係知好攰...

唔想再接收任何令我覺得煩厭既信息...

“吼...吼...吼...吼...”

一路呆望住車外既夜景...

“吼...吼...吼...吼...”

放空...放空...

“吼...吼...吼...吼...”

終都返到黎ManYan屋企樓下...

『唔該晒...』我解一解開安全帶...

「唔使客氣～有無好D丫？」Sam哥問一問...

『下？』我唔係好Get到Sam哥問乜...

「你既心情～」Sam哥正想解一解開安全帶...

『OK啦...唔使送喇...拜...』我就立即開門落車...

「哦哦...拜...」

“啪”反手閂一閂返埋道車門...

真心講...如果今日可以喺屋企休息下發下呆既話，我諗會好好多囉...

拖住勁重既軀殻返到黎ManYan既屋企...

我一入屋就見到豪仔背住我坐喺電腦前...

又係打緊機...

張電腦檯上仲有個咬左幾啖既孖芝...

顧住打機...就連正正經經咁食埋個包都唔得...

唉...

我都係唔理佢咁多…快D放好D野...拎埋件白色大Tee...黑色運動短褲...入浴室沖返個靚涼先～

入到浴室第一時間就將身上所有既衣物都除晒落黎～

“灑”

開大個花灑由頭淋到落腳趾尾～

『啊～好爽喔～』真係爽到我要叫出黎～

行左一日...曬左一日...辛苦左一日…俾條煩膠煩足全日...而家沖返個熱水涼，真係成個人都爽晒～

痴線架～真係痴線架～點解會咁痴線架？！

我又點會真係走去同個痴線佬癲架？！

唉...

初初就話諗住應一應約，俾一日時間Sam哥等佢知道我同佢係唔夾...相處唔黎...等佢知難而退...

但而家照咁睇...睇黎係我太過天真...

Sam哥佢根本就Get唔到我對佢無意思...

唔止唔止...

Sam哥仲係覺得我好適合佢...仲係想繼續追求我...

唉...你話點算好呢？

我一邊諗下點算好，又一邊沖乾淨個身～

沖到乾乾淨淨～香噴噴～抹返乾個身～就著返件白色大Tee同埋條黑色運動短褲～（當然裏面又係真空架啦～）

拎住條白色大毛巾抹下抹下個頭～掃下掃下把秀髮由浴室行返出黎～

豪仔都仲係成尊佛咁坐喺電腦面前打緊機！

打機打機打機打機打機打機打機打機打機打機打機！！！！！！

究竟機又有乜咁好打呀？！

我就坐到去豪仔身邊，一邊掃下掃下把秀髮，一邊望住佢打機～

豪仔仲係聚精會神咁望住個Mon！

我就再坐得埋D～掃把秀髮掃得再用力D～

豪仔都仲係全神貫注咁望住個Mon！

我再坐得埋D～再坐得近D～

但豪仔都仲係理都唔理下我，完完全全投入喺隻Game之中！

有無搞錯呀？！我坐到咁埋，你理都唔理下我？！望都唔望我一眼？！

岩岩沖完涼既我全身香噴噴咁～

係男人聞到都失晒魂啦！

家下你鼻塞丫？！

無嗅覺架？！

切左個鼻出黎罷啦～要黎都無用架喇～

唉～真心唔明點解男人咁鍾意打機！

嗰時阿Ken又係咁！

放假唔出街，就係留喺屋企打機！

有時打到我放工返黎都仲打緊！

叫佢煮飯先肯停！

有時一齊放假就仲衰！

試過起身就見佢開左部電腦打緊機！

我就走過去撩下佢啦～

又舐下佢耳仔～又用對小饅頭喺佢背脊壓下壓下～掃下掃下～

佢真係俾我撩到起晒機呀！

之不過佢唔係立即推我落床，而係立即撳我喺電腦檯上，拎住條巨棒就從後插入！

一邊從後抽插我，一邊打機！

真係好鬼死賤格！

你話丫！究竟係扑野重要D？定係打機重要D？

我就真係唔知～

唉～男人～真係由十六歲到六十歲都係咁鍾意打機～

豪仔有豪仔望住個Mon打機...我有我望住豪仔望住個Mon打機...

好無聊...真係好無聊...

不過無聊都好過跑山既～

望多一陣...

“咔”係開鎖既聲音～

我望一望住道大門打開...

「我返黎喇～」ManYan入一入屋就立刻除一除鞋～

『咁早返黎既～』好囉好囉～唔使我對住尊佛咁悶咯～

「OK咁啦～你呢？執好晒D野過黎喇？」ManYan又放一放低個袋仔～

『嗯～執好晒喇～』要執既都執好～

「咩都搞掂晒架喇嘛？」ManYan再問一問～

『乾淨利落～』都應該可以咁講既～

「嗯～咁就好喇～」ManYan拍一拍我膊頭再望一望豪仔背影，「鄒文豪又顧住打機食老麥就算？！」

「嗯...」豪仔就咁“嗯”左一聲...

「唉～唔鬼理你～」ManYan擰一擰頭之後，就拉一拉住我埋床邊坐，「喂～咁你今日去左邊丫？唔係全日都喺道睇住我個毒L細佬打機丫化？」

『唉～講起就扯火～』真心火很大！

「下？咩事？係唔係有關個賤男？！」ManYan好緊張咁關心下我！

『唔係唔係～個賤男就算啦～係有關另一個對我有意思既男人姐...』一提起Sam哥就頭痛...

「嘩～衰妹咁快有人追～」ManYan古古惑惑咁打量下我...

『你咁講係咩意思？我無時無刻都好多人追架囉好唔好？』我冷眼望住ManYan...

「我唔係話你唔吸引～係估唔到咁快就有桃花運～‌」ManYan又古古惑惑咁打量住我...

『唉～桃咩花運丫～桃花劫就有～』呢D邊叫得上係運丫...

「桃花劫？」ManYan一頭問號...

『桃花劫～個男人唔岩我架...』我一諗起Sam哥個鹹濕樣就反反地胃...

「哦～唔岩口味～咁咪同人講請楚囉～」ManYan好隨便咁點點頭...

『我都想～所以今日咪諗住應佢約，等佢Feel下我對佢係無意思既...之但係佢完全Feel唔到囉...』我好無奈咁擰擰頭...

「下？唔係咁鈍丫化？個男人咩人黎架？好似鄒文豪咁既毒L黎架？」ManYan望一望住豪仔既背影...

『係毒L都好D～最慘條友係嗰D正能樣...』我又好無奈咁擰擰頭...

「哈哈～正撚樣？！」ManYan笑住咁講...

『正能量樣丫...』好心ManYan就斯文D啦...

「哦哦～正能量樣～哈哈～咁你就大件事喇～」ManYan搭一搭住我膊頭...

『唉...我都知...』我都知唔係咁容易甩到呢D正能樣...

我知道就算點明示暗示，Sam哥都會以正面方向去諗...

咁樣叫我仲可以點甩身呢？

「再唔係你咪試下佢囉～」ManYan又拍一拍我膊頭...

『試下？咪搞！你都唔知佢今日車我去邊丫！』

「佢車你去邊丫？」

『佢車左我去城門水塘呀！』

「下？！日光日白車你上城門水塘車震呀？！」

『車乜鬼野震丫？！佢帶我上去膠遊呀！』

「唔L係丫化？帶個靚女上城門水塘膠遊？！條友係唔係傻架？！」

『你都話佢係傻架呢～熱死辣辣上去曬太陽，真係痴線架！』

「唔怪得你好似黑左咁啦...」

『真係架？！唔係丫化？！死喇死喇！又要美白喇！！！』

「唔怕唔怕～我有支堅野好快白返！」

『係唔係真架？』

「真架！上次去完夏威夷曬太陽都係靠佢...嗱～就係呢支～仲有仲有～用埋呢支～」

『呢兩支...』

「唔止唔止～再加埋呢支～呢支～呢支～呢四支～」

『哦哦...加埋呢四支...』

TO BE CONTINUED