《港女FF妄誌》: [Day 09－自由選擇] PART 06
望住Brian俾Doris翹住咁拉到出去大廈門口...
我感覺到好無助...好無力...
無喇無喇…呢次無喇...渣都無得剩喇...
試問喺呢個世界上有邊個男人同Doris單獨相處仲可以把持得住？
除非佢係HEHE架姐...
唉...
最衰既就係我又唔知Brian講嗰間新開既餐廳喺邊...
「詩琳？你既面色真係唔係幾好咁喎...真係無野嘛？」Sam哥又打量一下我。
『無…無野...』有野嗰個唔係我囉...
「嗯！咁我地去食野咯！」Sam哥勁積極咁。
『哦...好...好...去食野...』望就望Doris唔好太過份喇...唉...
跟住Sam哥行...
「我黎既時候已經睇過Openrice！好清楚呢頭有乜好野食！」Sam哥又係成個領袖咁款。
『哦哦...』我就唔想理佢咁多…
我一直都係跟住Sam哥行，無乜理佢講D乜。
行下行下，就行到黎一間日本餐廳。
「我知你鍾意食日本野！而呢間日本餐廳人人食過都讚好架！」一個女侍應帶我地黎到張二人世界餐檯前，Sam哥就幫我拉一拉張凳。
『哦哦...唔該…』其實Sam哥係唔係當我傻架呢？
我喺呢頭返工，我又咁鍾意食日本野，佢會認為我無黎過呢道食野咩？
Sam哥真係無諗過我都有份讚好架咩？
點解仲可以講到好似發現新大陸咁架呢？
點解仲可以講到專誠帶我黎食好野咁架呢？
而家係佢當我傻？定係佢先係傻呢？
我真心分唔到...
「想食D乜呢？」當個女侍應放低左兩份Menu喺檯面之後，Sam哥就拎喺手問一問我。
『海三色刺身丼。』我就連Menu都唔使睇直接同個女侍應落單。
「咁快就諗好既...」Sam哥就快快手手咁揭下揭下份Menu，「咁...我要個鰻魚定食。」
月頭出糧我就會同Doris過黎食好D～食豪D～點會諗得唔快丫？
「一份海三色刺身丼。一份鰻魚定食。」等到個女侍應覆完單之後，我都唔係好想望Sam哥一眼。
「係呢...你好似悶悶不樂咁既？係唔係因為...仲為失戀既事唔開心？」Sam哥又勾一勾起。
『唔係。』你唔講我都唔記得左有呢件事。
其實我係因為見到你而悶悶不樂囉好唔好？
「有D野真係唔可以逃避！」Sam哥又好認真咁望住我。
『我無逃避喎。』我係逃避都係逃避你姐...
「呢D野真係要積極面對先可以脫離陰霾！」Sam哥成又副積極樣咁。
『我脫離左陰霾架喇。』你先係我最大既陰霾囉好唔好...
「就好似我咁咋嘛！個盤有D野唔掂，我都會親力親為落手落腳去搞返掂！」Sam哥又黎喇...
又黎講佢自己D野喇...
又黎滔滔江水連綿不絕咁自吹自擂喇...
點解Sam哥可以咁長氣？
點解Sam哥可以咁煩膠？
喺Sam哥既生命中生活中，係唔係每一分每一秒都係咁威威架呢？
「你知唔知丫？如果我遲一秒去到，真係會冧落黎！」
點解Sam哥講到自己好似成個超人咁架呢？
「好彩我睇多次咋！唔係既話？又死人架啦！」
點解Sam哥講到自己好似日日都拯救世界咁架呢？
「千幾億既橋無我睇住既話，俾多幾千億都起唔成呀！」
會唔會係因為有你睇住先搞到千幾億都起唔成呢？
會唔會唔起好過起呢？
我唔知...我唔明...我都無心去聽Sam哥講乜春...
應該話...呢道無人想知你D野囉好唔好？！
Sam哥噏左咁Q耐，唔係話自己成個Iron Man拯救世界，就係話自己去台北台中台南點好玩幾咁嘆。
來來去去講黎講去都係台北台中台南台北台中台南台北台中台南台北台中台南無限Loop...
你唔悶架？
台灣真係咁大咩？
你去過咁多次都未行晒？
好鍾意台灣？
咁鍾意台灣搬埋過去住呀笨！
講真嗰句，你話去過日本九百幾次我都話有興趣聽。
起碼日本真係大，真係去九百幾次都行唔晒。
日本所有野都係美好～來生要做日本人～
但台灣？好Sorry～我得幾個地方係想去～去過一次就夠～亦都唔使聽你口述囉～
「墾丁既天氣真係好好架！藍天白雲！碧海綠林！下次我地一齊去囉！」成餐飯都係Sam哥有Sam哥自己吹。
『哦。』我就一直Hea住應...
講真嗰句，我都係擔心Brian多D...
唔知Brian點呢？
唔知Brian被Doris食完未呢？
唔係唔係！
唔知Brian同Doris食完飯未呢？
唔知Doris有無誘惑Brian呢？
唔知Brian又有無被Doris誘惑到呢？
唔知Brian同Doris會唔會真係...
唔好諗唔好諗！
唔諗就唔會發生架喇！
乜真係咁咩？
只可以希望係咁啦...唔係我仲可以做得D乜丫...
帶住忐忑既心情無視Sam哥既廢噏食完餐Lunch。
呢餐當然就係Sam哥埋單啦。
埋完張單，Sam哥就送我返公司。
「你真係OK丫嘛？」Sam哥又問候下我。
『我無野唔OK丫。』你唔喺我身邊我咪最OK囉。
「真係返到工架嘛？」Sam哥繼續問候我。
『返到。』返唔到都要返架啦！
你估我好似你咁得閒丫？唔使返工走黎搵我食飯仲吹到自己點有責任感點拯救世界！
你話我點可能唔認定你係老吹先得架？！
「咁...咁你返工小心D喎！等你放工我黎接你丫。」Sam哥送到我黎公司樓下仲話想接我放工。
『唔使喇。我一陣要出去見客。拜。』就算唔係要見客都唔會想俾你接囉好唔好？
我無等到Sam哥同我Say Bye就入左大廈門口。
喺等𨋢既期間Sam哥好似仲喺門口目送我。
我就眼尾都唔望多下，有𨋢就直接入。
其實我都好好奇Sam哥佢自己覺唔覺得自己好煩膠？
我一直都唔理佢無視佢差D都唔記得左有佢呢個人存在...但佢就總要纏繞住我！
我真心唔明呢種人個腦載乜！
難道佢真係Get唔到我對佢無意思專登已讀不回甚至雙灰剔？
Get唔到都Feel得到啦下話？！
一個女仔做到咁出面你都Get唔到Feel唔到既話，係唔係應該話你太過遲鈍？
唔係唔係…唔係Sam哥太過遲鈍...係Sam哥太過有自信！
雖然話我無乜點用心去聽Sam哥鳩吹D乜，但佢煩膠到一個點，總會有唔少廢話被迫入左耳...
喺眾多廢話之中，有唔少...都好多...應該話全部都係鳩吹自己有幾撚巴撚閉！
我一直都覺得自卑撚係無問題～但自信撚真心煩！
無時無刻都喺你面前講自己幾醒幾勁幾威幾叻叻豬...
真心講...關我撚事咩？！無人想知呀！
又唔係我醒又唔係我勁又唔係我威又唔係我叻叻豬！
講俾我知黎托柒咩？！
我相信好多絲打都係同我一樣感覺！覺得D自信撚好煩膠！唔會接受佢地！
但就係唔明點解呢個世上仲有咁好多似Sam哥呢種自信撚喺身邊煩膠住晒！
難道你覺得你既自信會令到我地對你有興趣？
我可以好肯定咁同你講：『唔撚會囉！』
你一直充滿自信咁煩膠落去只會令我越黎越反感囉好唔好？！
呢種情境究竟仲要發生幾多次呢？
唉...我已經唔期望Sam哥會知難而退...（我已經俾左好多個“難”佢架喇...）
我只希望Sam哥早日轉移目標又好～漁翁撒網捕到魚又好～總之唔好再煩住我就好喇！
話時話...唔知Brian同Doris點呢？
唔知Brian有無俾Doris誘拐左去呢？
我就帶住一份擔心既心情返到黎公司...
我一路行...帶住一份擔心又心急既心情行...
當我行返入Office之時，我離遠就已經見到...見到Doris...見到Doris坐左喺自己個位道！
我就一個箭步衝過去Doris身邊，一手就拉住佢隻手臂：『跟我黎！』
「喂喂！去邊呀？！」
Doris俾我強行拉到入女廁！
我再打開晒所有廁格門，確保裏面無其他女同事...確保裏面無人...確保個女廁淨係得我同Doris...
我就雙手搭住Doris膊頭，好認真咁望實佢對眼：『你頭先有無對Brian做過D乜野？！』
「我？Brian俾我食左喇～嘿嘿嘿...」Doris仲要舐舐脷咁既衰樣...
『你個衰妹！！！』我立即雙手摙住Doris條頸！
你個衰妹！你個衰妹！真係食左Brian！！！
過份呀！過份呀！好過份呀！！！
你淫底就算啦！好搞唔搞，仲搞個有家室既！
你叫人地點面對老婆仔女呀？！
你叫人地老婆點算呀？！
你叫人地對仔女點算呀？！
因為你淫底，破壞左人地個家庭！
你點賠返個完整家庭俾人呀？！
我摙到Doris條頸實一實！搖下搖下！Chok下Chok下！
「Er！Er！死喇...我...我講笑...Er！Er！我講笑咋！Er！Er！死喇...死喇！我...」Doris捉住我對手...
講笑！講笑！講笑...講笑？
我鬆一鬆返開對手...
「咳咳...咁認真做咩姐...咳咳...想摙死人咩？！咳咳咳！嗰個Brian丫...都唔知係唔係性無能架...咳咳...我對波壓埋去...佢都避開...咳咳...」Doris摸下摸自己條頸，一邊咳幾聲，一邊回下氣。
『好好笑咩？！好講唔講搵埋呢D笑黎講？！』我頂你對波！講笑搵第二樣呀！
「嗄...嗄...有乜問題姐...咳咳...點解唔講得呢D笑呢？嗄...嗄...」Doris仲未抖順條氣咁...
『我咪話左人地有家室唔好搞人囉！我見過佢地對仔女，好可愛好天真好幸福架！我唔想佢地因為你呢塊淫西破壞左佢地幸福既童年，美好既將來囉！』呢個Doris究竟有無心聽我講野架？！
我之前咪講左囉！都仲係想搞搞震既！
淫唔係問題呀！都要睇對象架嘛！
「就係咁？你唔似喎...」Doris回好氣後打量住我。
『唔係咁又係點呀？我又唔似D乜呀？』唔似貓唔似狗Doris淫得很？！
「你唔似就係咁囉...」Doris繼續打量住我...
『我唔似點呀？』想講乜呀？
「你唔似係為人地設想囉...」Doris Keep住打量住我...
『我點唔似為人設想呀？』又想講乜呀？
「你似係想做人媽咪囉～」Doris仲係打量住我...
『乜野想做人媽咪呀？』你又想講乜撚柒呀？
「你唔講丫，真係以為你係對仔女既媽咪丫～」Doris古古惑惑打量住我...
『你又痴乜線呀？』我唔鬼想望Doris一眼！
「唔係咩？你咁緊張丫～唔講真係以為你係對仔女既媽咪架～做乜姐？好想咩？」Doris又古古惑惑咁撞一撞我膊頭。
『痴線啦！你唔好再搵呢D笑黎講得唔得姐？』呢個Doris真係...都叫左佢唔好搵呢D笑黎講架啦！
「我唔係講笑架～你真係好認真架～」Doris又打量住我。
『仲講喎！』我嬲嬲地咁睥住Doris！
「唔係丫～我真係講真架～其實你係唔係...」我無等到Doris講埋落去...
『你仲講！你仲講！走呀！走呀！出去出去！』我就推左Doris出廁所！
「喂…喂！」
推左Doris出去之後，我就望住塊鏡...
望住塊鏡裏面既自己...
其實我...係唔係...
我係唔係...我係唔係D乜呢？
Doris係想話...我係唔係想做Brian對仔女既媽咪？
我係唔係對Brian有意思？
痴線！點會呀？！
我之前都只係想玩下咋嘛…
就算係動心，都係少少心郁郁咁姐...
咁遇到一個咁正既男人，係女仔都會心郁郁架啦...
就好似睇到D韓星咁咋嘛…
睇到D韓星咁靚仔，濕就梗架啦！
但就算係濕都唔代表要同佢地扑野架嘛！
你估真你濕佢就真係會插入黎咩？！
但如果佢真係想插入黎，我又會唔會擘大對髀？
仲使問既？！梗係第一時間擘大對髀吸佢條鳩入黎啦！
咁我咪同Doris一撚樣囉...都係淫底既公廁...
唉...
好喇好喇...講到尾我都係雞係公廁...
不過好彩既係好多野唔係話你想就可以～
想同Brian偷下情，都要人地肯先得架～
唔好話女仔做主動既話，男人有九成都會欲拒還迎～
你睇Doris出動埋對豐乳壓埋去，Brian都選擇避開就知佢幾咁君子啦～
所以都係唔好諗咁多喇～收拾好心情準備去見客啦～
我洗一洗塊面～梳一梳好個頭～整理下身上既衣物就行出女廁～行返埋自己個位～
「點丫？準備去見客喇？」Doris扮晒關心咁多口問一問。
『係丫～差唔多起行喇～』我就執好自己D野～
其實都無乜野要執～
今日都係去聽下個客有乜要求～
拎住部iPad Pro Mark下野就OK喇～
「咁你小心D啦～」Doris就一邊睇住電腦個Mon裏面套韓劇一邊講。
『嗯～好啦～聽日見啦～拜拜～』好～應該無執漏喇～
「聽日見～拜拜～」
拎齊晒D野，我就向荃灣出發～
無錯～今日要見既客又係喺荃灣～
呢排都好似好多時都要去荃灣咁～
不過都無所謂啦～反正都好方便姐～
搭地鐵就到～
返屯門都好方便～搭巴士又得～搭西鐵又得～
呢個鐘數又無乜人～好快就黎到荃灣～好快又行到黎目的地～一間男女中學～
『我係賈書有限公司既李詩琳～約左馬主任傾電子課本既野～』同個看門阿姐交代聲～
「哦～好好～你等等～」個看門阿姐就打一打上去。
『唔該～』我就企定定咁等一等～
夏天，為大地帶來汗水...真係好鬼死熱呢...
熱到就黎出汗喇...
好想快D可以上去涼冷氣丫～
要知道今朝聽豪仔講著白色圓領連身短裙，一出汗既話就好容易沾落條裙道...D汗一沾落條裙到就好透...
好易透Bra帶出黎....
如果大汗D既話，成個Bra透晒出黎都似！
你話落雨濕身透Bra就話性感姐～出汗出到透Bra就唔係咁好啦...
不過好彩我D汗都幾香既～
係咁架啦～靚女D汗係香D架嘛～
我就企喺道自High一陣...
「李小姐～要你等咁耐真係唔好意思喇～」馬主任就行到黎我面前。
『哦～唔緊要唔緊要～我都係等左一陣咋嘛～』我對住馬主任微笑點點頭。
我同呢個馬主任都見過好幾次面～
而馬主任係一位四十幾歲既女人～
馬主任外表大大方方～性格都好隨和～
之前傾過咁多次，次次都好順利～所以我諗今次都唔會傾得好耐姐～
「呢道熱丫～黎黎黎～跟我上黎先～我地去個有冷氣既地方再傾～」馬主任就好熱情咁帶住我～
『哦～好丫好丫～』我又跟住馬主任身後行～
我都想快D入冷氣房...唔係既話我D汗就要爆出黎！
跟住馬主任身後行上幾層樓梯...行到黎一間...勁大間既電腦室。
間電腦室黑麻麻...但就勁凍咁～
應該係開行晒三部冷氣～
D學校又話要慳錢～又話要環保～又話無人既課室要熄燈熄冷氣～又話25.5度～而家呢間咁大間既電腦室無人用咪又係開到D冷氣鬼咁大～
得個吹字～
“啪啪啪啪啪”馬主任開著晒D燈。
仲要得我同馬主任兩條友都仲要開著晒成間電腦室既燈...所以話丫～教育界丫～
不過都唔關我事啦～
對我黎講仲好啦～
成間電腦室咁大淨係得我地兩個用～仲要夠晒凍～直頭係爽皮～
「隨便坐～随便坐～」馬主任帶我黎到其中一部電腦前。
『好丫～好丫～』我就好隨便喺個袋仔裏面拎定部iPad Pro出黎，又好隨便咁一手放個袋仔落隔離張凳道～坐一坐低～
「係喇…咁呢...我同班同事都試過你地今年個電子課本...」馬主任就郁一郁隻Mouse，開一開返個電子課本出黎。
『嗯嗯...』我就扮晒留心咁望住個Mon。
「咁我地覺得呢...有D地方可以...改善下既...」馬主任就撳下撳下。
『嗯嗯...』我又扮晒留心拎住支Apple Pencil準備將馬主任話要改善既地方記低。
「就係呢道喇...」
『嗯嗯...』
我一路都扮晒專心咁～
「呢道我地都想改改...」
『嗯嗯...』扮晒專業咁～
「呢道我地都想加多D...」
『嗯嗯...』扮晒顧客至上咁～
「呢道我地都覺得唔係太夠...」
『嗯嗯...』扮晒乜都可以為客人度身訂造咁～
好快就同馬主任傾左成個鐘～
『嗯～好多謝你地既意見～我地會再改改～改好之後我地再約個時間傾傾啦～』好快傾完又係時候放工～
「好丫～咁我地下次再傾過啦～辛苦晒～」馬主任客客氣氣咁。
『唔辛苦～唔辛苦～』我就收返埋部iPad Pro，準備離開。
「咁下次見喇～」同馬主任行到出黎電腦室外...
“啪啪啪啪啪”馬主任熄返晒D燈...
『下次見～拜～』
「拜～」
我就自己行返落樓～行返出學校～
但當我行出學校大門之時...我總係覺得自己好似漏左D野咁...
漏左D野？漏左D乜呢？
唔...
我總係有D唔放心...所以都係打開個袋仔睇一睇...
『銀包有...iPad Pro有...我淨係拎過部iPad Pro出黎姐...iPad Pro…iPad Pro…係喎！支Apple Pencil呢？！』我搵多一搵個袋仔...
好似真係漏左支Apple Pencil未拎添！
都係唔好諗咁多！返上去再睇下先！
我就一個箭步衝返上去！衝返入電腦室！
“咔！”打開電腦室門...好彩無鎖到～
裏面黑麻麻...但都仲係勁凍咁！馬主任都係無熄到冷氣架！
我都係唔諗咁多！走返埋頭先坐嗰個位望一望...檯面無！
我再踎低搵一搵...搵一搵檯底...搵一搵凳底...
我就見到有支白色既...
『喺道！好彩俾我搵得返～』唔係既話又唔見成千蚊～
正當我想拎支Apple Pencil起一起返身...
“咔！”我聽到有人開門...
「呢個時候無人用...快D入黎先！」我聽到一把年輕既女仔聲...
我不自覺咁停左停...踎返低...
「真係無問題架嘛…Miss Lam…」我又聽到一把𡃁仔聲...
無問題？
「放心啦...快D...無問題...」把年輕既女仔聲又講一講...
快D無問題？
然後我就聽到“咯 咯 咯”幾下腳步聲...好似行近去...去牆邊...
「我等唔切喇...嗯～」我聽到把年輕既女仔聲好似...好似好淫咁...「啜...啜...」
「嗯...嗯...Miss Lam…啜...啜...」
啜…啜聲係...接吻聲？！