《港女FF妄誌》: [Day 11－情不自禁] PART 04

同豪仔上到黎月台...

『有車有車！』我就拉住豪仔跑入車廂！

入到黎車廂，仲要有位坐～

我同豪仔就坐埋一齊～

真係好～



近呢幾年既讓座文化強左～搞到個個都有位唔敢坐～益晒我地呢D唔知醜既人～

老老實實我地而家坐緊既又唔係關愛座～

關愛座就好似有釘咁，更加無人敢坐～

就算真係有有需要人士，佢地都會識得自動自覺坐落去架啦～

又就算關愛座真係坐滿晒有需要既人，又有個阿婆企喺我面前既話，最多到時我咪起身讓個位俾佢囉～



最怕既係我讓佢又唔坐，然後就有成班Cam人拎住部手機幫我怕片放上網抹黑我唔讓座俾阿婆...

到時我就真係瞬間變網絡紅人喇～

就喺我諗緊有乜野方法係最快又最容易變成網絡紅人之時...

我見到有個學生妹拖住個學生哥衝入黎！

我望一望個學生妹...



我諗唔使我講大家都會估到個學生妹就係Kawaii啦...

真係橋…又會係呢個時候呢個車廂裏面撞到佢...

仲要咁岩撞到佢同佢男朋友仔一齊...

不過世事往往就係咁岩得咁橋...同愛情故事一樣都係有咁多巧合...

而更巧合既係...Kawaii拖住嗰個男仔...咪就係...之前喺豪仔學校...睇佢地打波...仲同豪仔撞埋一齊嗰個...

原來真係佢...其實我一早就估到...

就喺尋晚...豪仔同我講Kawaii同左個校草一齊...我腦海裏面第一個閃出既人就係佢...

校草丫嘛～唔係佢仲會係邊個？



講到世事都給我看透了咁，其實只係因為我喺豪仔間學校裏面見到咁多男仔之中佢係最吸引我視線咋嘛～

嗱！我唔係話豪仔吸引唔到我視線！

我既視線一直都喺豪仔身上既！

而且俾我揀...我會揀豪仔囉！

望住Kawaii拖住嗰條校草個格...咪又係Prince同阿Ken嗰D格...

Prince同阿Ken係咩格？咪臭係衰格囉！

似住自己靚仔就周圍食女咁既樣...



阿姐我遇得呢D仆街多！唔會再受呢一套！（再俾呢D仆街呃就真係屌都費事！）

之不過好似Kawaii呢種女仔喇喎...唔仆多幾次係唔會成長～（睇黎我真係成長左唔少～）

Kawaii望到我同豪仔，但招呼都唔打個就拉住佢個男朋友仔挨埋塊玻璃道...

死𡃁妹...有拖拍就唔識人喇？

不過算啦～反正我都唔係好想應酬D𡃁妹～

之不過...豪仔就難受D喇...

話晒Kawaii都係豪仔既女神（雖然豪仔話一直都好愛我，但我覺得愛我之餘又視Kawaii係女神係無衝突既～），而家就望住女神同第二個男仔一齊...

仲要係困喺同一個車廂...仲要喺正對面...仲要望住女神攬住第二個男仔條頸！



無錯！Kawaii而家正正就係挨住塊玻璃，攬住佢男朋友仔條頸！

由於條校草都幾高下，Kawaii又細細粒粒咁，要蹬起對腳仔先攬得住咁！

想點姐？想做俾邊個睇姐？攬得咁鬼唔自然就咪鬼攬啦！

條校草就攬到Kawaii實一實咁，壓晒成個人埋去咁！

壓到Kawaii對小饅頭都壓晒咁...

嘩…而家D學生真係...好鬼開放...

喺公眾地方攬攬都算...使唔使攬得咁肉緊？



你睇下你睇下...條校草仲要隊埋自己下半身去Kawaii道...壓條J埋去咁...

係唔係咁緊火丫？

你係當車上既乘客盲？定係有心做Show俾我地睇丫？

當然，喺車廂裏面除左我同豪仔睇緊之外，其他乘客都將視線放晒喺佢地兩個身上...

有D仲已經拎住部手機對正佢地拍緊片添～

列車開始行駛，Kawaii就攬得佢男朋友仔更加實咁...

完全無理會過在場有幾多男人拍緊佢地片，放上網開心Share又好～拎返屋企慢慢J又好～

更加無理會過我同豪仔...

其實我就唔係好介意～咪當睇鬼片囉～

之但係豪仔呢？

我望一望對面塊玻璃窗裏面既豪仔...表面上好似無乜野...

比起坐喺佢身邊既我...更加自然...更加唔在乎咁...

究竟豪仔個心係點諗呢？

又會諗緊D乜呢？

我翹一翹實豪仔手臂，嘗試感受一下佢既心跳...

豪仔既心跳...只係比起我跳得快少少...

就只有少少...

完全感覺唔到豪仔既心跳帶有不安...失落...激動...傷心...心碎...

就連一點點都感覺唔到...

真係可以無野？

就算係睇住自己（曾經）既女神同第二個男仔攬攬錫錫都唔覺得有乜野？

係唔係真係可以咁冷靜？

我開始懷疑...其實豪仔有幾愛Kawaii...

我開始懷疑...其實豪仔之所以會愛上Kawaii...係因為Kawaii有D似我...

其實尋晚...當豪仔就快要射嗰一刻...話細細個就愛上我既時候...我都有諗過佢唔係話愛Kawaii架咩？

如果話細細個就愛上我...即係愛上左我之後先愛上Kawaii...

而Kawaii又咁似中學時期既我...咁似當年第一次見到豪仔既我...

咁講法即係...對豪仔黎講...Kawaii只係我既...替身？

望住Kawaii同佢男朋友仔攬到實一實咁...蜻蜓點水咁錫下錫下...又情深對望...甜絲絲咁笑...

豪仔係唔係將Kawaii當成我既替身我就唔知...

我淨係知Kawaii咁做...好似有心做俾我地睇咁...

雖然話豪仔睇起上黎無乜異樣...心跳都好正常...

之但係...就算豪仔真係將Kawaii當成係我既替身，咁都總會有D愛掛？

而家見到佢地咁纏綿，總會有D眼冤掛？

成程車我都無乜點出聲...應該話我都唔知講乜好...

我就只可以翹實豪仔...挨個頭落佢膊頭道...請佢食下小饅頭...安慰下佢...

唉～我呢個姐姐真係唔稱職～

呢D時候都唔知講D乜野去安慰豪仔好～

或者今晚返到屋企，用我既身體去安慰下佢囉～（講到鬼咁偉大咁～其實就係自己痕～）

唔知豪仔有無咁多精力呢～

話晒尋晚連射兩次～仲要兩次都射得勁多咁～

今晚再黎過既話，會唔會吸乾豪仔呢？

我諗應該唔會既～

豪仔呢D年紀，一日打十幾次J都仲得～

完全唔使擔心射到虛脫入醫院～

不過最重要都係買定D Dom Dom～

等我今晚放工買定盒大既～趁住ManYan仲未返之前同豪仔玩多幾次先～

FF就係咁FF啦～事實呢？

唔...好似唔係幾好...

你話我唔知豪仔係愛我既話就話姐...

而家知道左豪仔對我有愛...而我就只係想同佢做愛...好似唔係咁好...

縱使我已經婉拒左豪仔...但豪仔都應該唔會話放低就放低...

未放得低之下搞既話...好似唔係咁好...

好似…好傷咁...好似我玩弄緊豪仔咁...

所以呢...都係FF下好啦～

之不過如果話有一日，豪仔真係唔再愛我，放低左我既話...我又唔介意做佢既SP丫～

列車繼續行駛，好快就差唔多黎到荃灣西。

就喺差唔多埋站之時，我攬一攬住豪仔條頸，錫一錫埋去！

我輕輕一吻，然後伸一伸脷...伸到入豪仔口裏面...

我用條脷仔圍住豪仔條脷不停咁打轉打轉...

豪仔就好似尋晚咁...配合我既節奏...同我打起茄輪上黎...

當我地都沾滿對方既口水之時，列車都埋站...

我甜絲絲咁望住豪仔...咬一咬唇...再以贏利者既眼神望一望Kawaii....

Kawaii嬲爆爆咁既樣拉住佢男朋友仔行近車門。

呵呵呵～激死你呢？

D女神就係咁架啦～自己唔要既野都唔想俾人得到～

見到我同豪仔咁親密，條氣又唔順～

所以話女神係幾咁自私～

「咁我返學喇。」豪仔起一起身。

『嗯～小心D喇～』我就同豪仔揮揮手～

「嗯～多謝你...詩琳姐姐。」豪仔同我點一點頭。

『嗯～拜拜～』

「拜拜～」

目送住豪仔離開車廂...

估唔到...估唔到豪仔會同我講多謝...

其實我咁做...只係純粹因為見到Kawaii咁得戚...自己條氣唔順...要激下Kawaii...挫下佢既銳氣...

我又無諗過...豪仔會...感謝我...

咁講法...係唔係即係話豪仔對Kawaii其實係有D野？

唔...

可能啦～呢樣可能係其中一樣啦～

人既感覺又真係好複雜既～

我地呢D第三身既，唔可以用一兩句就講得清～講得楚～

更有可能既係...就連當事人都唔清唔楚...

我就唔好理咁多啦～

我自己都有野煩...有野要面對...

我就繼續坐西鐵～又轉下車～又坐地鐵～又轉下車～又坐地鐵～

話咁快又到站～話咁快又出站～話都無咁快就返到黎公司～

返埋自己位～放一放好野～坐一坐低諗一諗...諗一諗時間可唔可以唔好過得咁快...

但我只係諗左一陣...

「詩琳～咁早返到黎喇？」Doris就行到返埋自己位。

『嗯...都係早你少少姐...』Doris都返到黎喇...

「尋晚開會開到幾點丫？」Doris好隨意咁問左一問...

『呃...唔記得喇...』我唔想記得...

唔想記得尋晚開會開到幾點...唔想記得開完會之後...

「唔知今日傾唔傾得晒呢？」Doris又隨口咁問一問...

『呃...唔知呢...』我更加唔想諗今日開會既事...

無錯...今日仲要開會...仲要同Brian佢地一齊開會...

Brian…

尋晚Brian送我返屋企...我對佢做D唔應該做既野...

你叫我仲點面對佢丫？

仲要話對足成日...幾咁尷尬先得架！

「下？連你自己都唔知？究竟喺我走左之後，你地仲有無正正經經開會架？」Doris冷眼咁望住我...

『有！梗係有啦！好正經咁開會添架！』唔知點解一聽到Doris話“有無正正經經”就覺得俾佢察覺到我做過衰野！

「真係有？」Doris仲係冷眼咁打量住我...

『梗係有啦！好正經咁添架！』係有好正經咁傾！係傾完之後唔正經姐...

「唔...咁即係尋日要傾既野都傾完架喇嘛？」Doris仲係半信半疑咁打量住我...

『傾晒架喇…我記得係傾晒架喇...你地呢D唔傾埋先走既仲好意思質問我架喎？！』我就惡返Doris轉頭先！

做左衰野既人係咁架啦！係靠惡架嘛！

「唔係質問～唔係質問～了解下姐～了解下姐～」Doris傻笑幾下。

嗱～係唔係好Work呢～

就喺呢個時候，有個身影行左過黎...

「Doris～詩琳～你地返左黎喇？半個鐘後會議室開會喎。」原來係一個I.T.部既男同事行左過黎通知我地。

「OK～」Doris答得好爽快咁。

「咁一陣見啦。」個I.T.部既男同事行返過去I.T.部...

半個鐘...

仲有半個鐘就要開會...

我真係仲未有心理準備去面對Brian囉...

「仲有半個鐘先開會，我地不如去Pantry沖杯咖啡飲下先咯～」Doris已經拎定隻杯。

『哦...好丫...好丫...』仲有半個鐘...得返半個鐘...

入Pantry沖咖啡飲，基本上已經成為左大多數扮工既打工仔偷懶既藉口。

沖一沖等一等又唔見幾分鐘...

飲下飲下吹下水又唔見幾分鐘...

就算係俾老細見到，到時先施施然咁行返出去都唔話得你...

老細見唔到既話，真係唔覺唔覺可以Hea足大半個朝早...

因為喺Pantry就好似黑洞一樣，時間飛逝左都唔會覺...

但我而家就唔想時間過得咁快...

「好耐都無Shopping過喇...」Doris邊沖咖啡邊吹水。

『係丫…係丫...』我都拎住隻杯攪下諗下咁...

「agnes b做緊Sale都無錢去買...」Doris繼續講。

『係丫…係丫...』我就繼續諗...

「真係好耐都無買過名牌喇...就算係agnes b都買唔起...出左糧都只係捨得買H＆M D爛衫...」Doris繼續自己講。

『係丫…係丫...』我就繼續自己諗...

「唔得！出Bonus一定要買返D名牌！獎勵下自己先得！」

『嗯嗯...獎勵下自己...』諗下Brian點呢...

「唔知今年會有幾多Bonus呢～」

『唔知呢...』

唔知呢...唔知Brian會點諗呢...

話晒我尋晚唔止係引誘Brian...仲要幫佢含...

雖然話無含到射...之但係...我都係做左衰野...

一陣再見到面既時候...唔知Brian會點呢？

我總係唔知點面對Brian...唔想去面對Brian...

但世事往往就係你越唔想面對就越係要你面對...

話咁快就同Doris喺Pantry Hea左差唔多半個鐘...

「差唔多夠鐘開會喇～」Doris仲要好難得咁有時間觀念咁提醒我...

『嗯嗯...要開會喇...』時間過得真係快...

唉～醜婦終需見朱翁...死就死啦！

同Doris拎住半杯咖啡行到黎會議室門口，已經見到Brian同班I.T.部既同事坐左喺道...

「Sor丫Sor丫～我地遲左丫～」Doris第一時間就笑住口咁Say Sorry。

「無…無遲...係我地早左入黎姐...坐丫...坐丫...人齊可以開會...」Brian望左我一眼之後，就行去閂一閂門。

我留意到Brian既眼神...極度唔自然...

雖然話只係望左我一眼，但我都留意到比起平時尷尷尬尬既佢更加唔自然...

果然...果然仲有野...

其實都好難無野既...

無啦啦有個女同事幫自己含...第二日可以當無件事既話嗰個先係奇人...

就算表面睇起上黎無野，都係扮出黎架姐...

就好似而家既我咁...扮晒乜事都無坐定定...

就好似乜事都無發生過咁...無幫Brian含過咁...

「好…咁我地就開始喇。尋晚...我地...傾完要示範邊幾級既Formula，咁今日就由中一開始傾。」Brian講到“尋晚”同“我地”既時候窒下窒下咁...

係因為諗起尋晚...我地...

唔好話Brian係唔係諗起...我而家望住Brian都諗起佢條巨棒...諗起嗰陣鹹味...

我諗返起...含住Brian條巨棒既時候...嗰陣鹹味...我而家個口都有嗰種鹹味咁...

我立即拎起杯咖啡飲一飲！借咖啡既苦澀，清一清口中既鹹味！

點會仲有嗰種鹹味架？

點會強烈到諗一諗都回味起黎架？

回味？！

我真係回味Brian條J味？

痴線！痴咩線？！

返緊工架！開緊會架！唔好諗埋D衰野得唔得呀？！

不過話唔諗就真係可以唔諗咩？

好似我呢D平時都無心返工，只係扮工既打工仔，都唔會專心喺工作上架啦...

至於平時都好盡責既Brian呢？

我都唔係好覺得可以專心喺個會議道...

「大佬...呢Part好似...唔係咁做架喎...」其中一個I.T.部既男同事提一提醒Brian。

「呃…係係...Sorry...我同之後嗰Part撈亂左...」Brian又好似心不在焉咁...

「大佬...呢Part呢...頭先講過架喇...」另一個I.T.部既男同事又提一提醒Brian。

「呃…係係...Sorry...Sorry...搞錯左...搞錯...」Brian又手忙腳亂咁...

「Brian…呢點呢...我地未接觸過架喎...我地唔知應該要點樣去講解俾D客聽架喎...」Doris又提一提醒Brian。

「呃…係喎係喎...我以為頭先講解左俾你...地聽添...咁我而家講一次...」Brian又唔敢正視我咁...

無錯...Brian一直都無正視過我...無真真正正咁望過我一眼...

最多都係偷偷咁瞄一瞄...然後又好唔知點咁望左去第二道...

至於我...我就好努力咁扮晒無野...扮晒好似平日咁...扮晒自然咁望住Brian...專心開會...

其實我都幾擅長扮野...

尤其係做完衰野...

成個朝早既會議，我都盡量扮到乜事都無...唔諗尋晚自己做過既衰野...

「好喇...都到Lunch時間喇...我地不如食完飯先再開過...係呢...Doris...詩琳...一唔一…」我無等到Brian將說話講完...

『我同Doris想去睇下野～我地自己食得喇～』立即打斷Brian既說話！

「哦...哦...」Brian呆下呆下咁點點頭。

「下下？睇乜野丫？」Doris又傻頭傻腦咁問一問。

『你咪話agnes b做緊Sale既～我地食完咪一齊過去睇下囉～』我捉一捉住Doris！

「下下？呢頭有agnes b架咩？」Doris再傻頭傻腦咁問一問。

『就係無所以就要去又一城食買囉！』我再捉得Doris實D！

「下下？去到咁遠？！」Doris又再傻頭傻腦咁問一問。

『邊道遠姐？搭地鐵都係幾個站咋嘛！』我再捉得Doris實D！再實D！

「下下？但我...」我無俾Doris再講落去...

『咁我地行先喇～食完Lunch返黎再開過會啦～』就拉住Doris行出會議室！

講真嗰句扮左成日已經夠晒攰...一陣返黎仲要扮多半日...Lunch就俾我抖抖氣啦好唔好？！