《港女FF妄誌》: [Day 14－真灰姑娘] PART 05
見到Brian就梗係唔出奇...
話晒仲恩同仲言都仲細…唔通又會放心俾佢地兩個獨自周圍走咩？
佢地兩個咁可愛，唔怕俾人拐左去咩？
我所出奇既係...
唔係...
我所尷尬既係...Brian身邊仲有一個人...
一個...睇落同我差唔多年紀既女仔...
呢個著住白色連身裙既女仔...就係...
「呃...等我黎介紹...呢位係我老婆...唐芷敏...CoCo...呢位係...我之前提過既同事...李詩琳...詩琳...」Brian尷尷尬尬咁為我地介紹一下...
果然...果然係Brian既老婆...
「哦！你好丫～詩琳～」CoCo初時有D驚訝！然後好快又帶住平靜既微笑同我握握手...
『你好...你好丫～CoCo～』我都扮晒自然咁同CoCo握握手...
仔細咁打量一下CoCo...
生左兩個小朋友...身材都仲Keep得好好...仲係好似十八九歲既少女咁...
身上既肌膚又白又滑咁...好似識發光咁...
而且個樣...CoCo個樣...有D似...都幾似...陳自瑤！
無錯喇！CoCo個外貌同氣質都勁似陳自瑤！
似王浩信既Brian同個似陳自瑤既CoCo一齊簡直係絕配！
「喂～你兩隻野係唔係話想食雪糕丫？黎～媽咪同你地去買～」CoCo向仲恩同仲言招招手～
「嗯嗯～詩琳姐姐要等我地返黎喎～」仲恩Fing下Fing下我隻手～
『嗯嗯～詩琳姐姐喺道等你地丫下～』我又Fing下Fing下仲恩隻手仔～
「嗯～細佬我地行喇～」仲恩拖住仲言行去媽媽身邊～
「嗯～Brian～好好同人傾下喇～」CoCo就拖住仲恩仲言行去買雪糕。
望住佢地三個既背影...望住佢地轉彎行上樓梯後...
「好對唔住呀！詩琳！」Brian企正喺我面前，仲要九十度鞠躬！
『呃...呃...唔...唔緊要...唔緊要啦...其實...其實我都有錯既...唔係我貪玩...都唔會搞到你對我...對我...要講對唔住嗰個係我先岩...』其實都真係唔可以怪晒Brian...
我自己都有諗過...有反省過...
唔係因為自己貪玩...自己任性...成日都走去挑逗Brian...又點會搞到佢對我有反應...
所以都係我自己攞黎衰...仲要搞到人...
要講對唔住嗰個係我先岩...
「唔係丫！唔係丫！老婆話就算點講都係我對你唔住！就算點我都唔應該咁樣對你！所以係我錯！我要向你道歉！好對唔住！」Brian再黎個九十度鞠躬！
『真係唔…真係...』咪住先！『你老婆話就算點講都係你對我唔住？你話左俾你老婆聽呀？』
唔撚係丫化？！
「嗯嗯...」Brian點下點下頭...
『你唔係連想…女女女我都講埋俾你老婆聽嘛？』唔會真係咁丫化？！
「嗯嗯...」Brian又點下點下頭...
『呀～你呢個男人...會唔會太過老實呀？！』我成個陶大宇.jpg咁既招牌動作！
世間上邊有男人咁老實，差D女女女左條女都仲要走去同老婆申報架？！
唔怪之得頭先Brian個老婆一知到我就係詩琳會有D驚訝咁啦！
我真係覺得自己有少少柒囉！
「我老婆聽到我咁同佢講...佢都話我太過老實...」Brian摸下摸下自己個頭...尷尷尬尬咁笑笑口...
『俾著係我都恥笑你啦！邊有男人做左衰野會自動投案話俾老婆知架？！』蔡生話Dry！就算被人捉姦在床，都要一腳伸條女落床指住佢問條女邊個黎？！做乜無啦啦上我張床？！我唔識佢！死口唔認就吹你唔脹！
「咁...咁我真係...做錯左...」Brian一面後悔咁...
『咁...咁你老婆點講丫？』呢個時候...我都想知人地老婆係點睇法...
「佢...佢話...做錯唔緊要...每個人都會有把持不住既時候...最重要既係識返屋企...仲有要好好同你道歉！始終...男人做出呢D事...都係傷害左個女仔...好對唔住呀！」Brian又黎個九十度鞠躬禮！
『呃…得喇得喇...我...無事...我無事～』最重要既係...識返屋企...
每個人都會有把持不住既時候...
最重要既都係識得返屋企...
我諗...唔單止係男人...
我諗...CoCo所指既“每個人”...係包括埋女人...
把持不住…唔單止係男人...女人都會...
甚至...女人比男人更容易把持不住...
往往...出軌既序曲都係由女人奏起...
往往...都係個女人對個男人動心先...
往往...都係個女人有意無意暗示明示俾個男人知...自己對佢有意思...
俗語話“牛唔飲水點撳得牛頭低”...
之但係...你唔放盤水喺隻牛面前，隻牛又點會低頭呢？
女人...並唔一定係受害者...
一直將“受害者”掛喺嘴邊既女人...可能只係一個唔敢面對自己既錯...將責任推晒喺別人身上既惡毒八婆...
『你丫...以後要好好咁錫你老婆同對仔囡丫～你老婆...真係一個好好既...老婆...』好老婆...
CoCo真係一個好好既老婆...
係因為飽經風霜...看破紅塵？
我諗...應該係...
唔係既話...一個普通既女人...一聽到自己老公喺出面做出對自己唔住既事，必定發晒癲咁嗌生嗌死嗌離婚！
邊會笑得出～邊會咁冷靜咁分析成件事～
而我...我又會唔會做得到呢？
我又算唔算飽經風霜...看破紅塵呢？
「我一定會好錫我老婆同對仔囡！」Brian勁堅決咁！對眼發晒光咁！
『嗯～係就最好喇～』睇到Brian呢個堅決樣，我都可以放心既～
Brian之前都好堅定架喇～只係咁唔好彩遇到嗰個係我～
遇到我呢個樣又靚又細細粒粒成個青春無敵既𡃁妹咁又識得挑逗男人既老江湖～
就算係唐僧丫，見到我都心動啦～
又好難怪Brian既～
之不過，經過今次試練之後，我相信Brian以後都百毒不侵架喇～
最主要都係，呢個世上又邊有咁多好似我咁咁正既女仔丫～
『其實呢...我都要同你講返句...多謝...多謝你呢～』我拍一拍Brian膊頭，同佢道個謝～
「嗯？」Brian一頭問號咁。
『唔...你有無睇D...八卦新聞？』我尷尷尬尬咁打量住Brian...
「唔...哦！有...有...我有睇到...」Brian點下點下頭...
『係囉係囉...唔係因為你...既話...我都唔會識到佢...』我都仲係有D尷尬咁...
尷尬唔係因為Brian對我做過D乜...
尷尬係因為...好似係因為...我同Lennon一齊...
「原來係咁！」Brian好似發現新大陸咁，「或者...呢D真係叫...冥冥中自有主宰...」
『嗯...我都係咁諗～』世上沒有偶然，有的只是必然。
唔係Brian既話，我唔會走左落去老蘭...遇到Lennon...
唔係因為煩膠Sam，我又唔會咁任性...走去幫Brian含...
唔係因為含到半路聖人上身，就唔會返去同豪仔搞...
唔係因為Kawaii同左第二個一齊，我又無藉口同豪仔飲酒...灌豪仔飲咁多...
所有所有一切一切都好似早有安排...
早就有個人...幫我安排...
我...只係跟住個劇本走...
問題係...我地都唔知劇本既後半部係點樣...
直至到…我地行到...我地演到...
「係呢...你...真係鍾意...佢？」Brian突然問一問...
『下？下？』一時之間我都黎唔切由思考之中返翻黎現實...
「你...係唔係真心愛...你而家個男朋友？」Brian再認真咁問一問...
我...係唔係唔真心愛...Lennon？
「詩琳姐姐...請你食雪糕...」仲言拎住杯雲呢拿雪糕跑到黎我面前～
『丫～多謝仲言～姐姐好鍾意食雪糕架～』我接過仲言手上杯雲呢拿雪糕後，帶住微笑摸下摸下佢個頭～
「唔使客氣...」仲言又怕怕羞羞面紅紅咁扭下扭下，細細啖咁～細細啖咁食自己手上杯雲呢拿雪糕～
「詩琳姐姐～我地一齊食雪糕丫～」仲恩都拖住佢媽咪行返過黎～
『好丫好丫～一齊食～』我望住仲恩同CoCo手上都有杯雲呢拿雪糕～
「你們個個都有得食...淨係得爸爸無得食...」Brian扮晒慘慘豬咁...
「我俾啖爸爸食～」仲恩行到埋Brian面前，「不過細細啖好喇喎～」
「嗯嗯～好丫～細細啖～細細啖～」Brian又細細啖咁～細細啖咁食仲恩手上杯雲呢拿雪糕～
「細細啖...細細啖...呃！爸爸咁大啖架！」仲恩谷起塊面豬登，拎返開杯雲呢拿雪糕！
「哈哈～爸爸個嘴仔大丫嘛～」Brian個嘴仲有白色既雲呢拿沾住～
「唔緊要啦～唔緊要啦～媽咪都俾你食一啖喇～」CoCo就將手上杯雲呢拿雪糕遞到仲恩面前～
「呀～唔！」仲恩喺佢媽咪手上杯雲呢拿雪糕咬走一大口！
「嘩！你同你爸爸一樣咁貪心架～」CoCo笑笑口咁拎返開杯雲呢拿雪糕～
「嘿嘿嘿...嘻嘻嘻～」仲恩笑到古古惑惑咁～
望住眼前呢個幸福既家庭...比起想像中...更加幸福...
幸福…既...家庭...
好彩無被我破壞...
同Brian佢地一家開開心心咁食雪糕～
「詩琳姐姐～同我地玩～」食完雪糕之後，仲恩同仲言就一左一右咁拉住我對手～
『好啦好啦～』我就起一起身～
「小心D丫～」Brian同CoCo就坐定定咁，睇住我地～
『呢邊呢邊～哈哈哈～』
你追下我～
「哈哈哈～捉到姐姐喇～哈哈哈～捉到姐姐喇～」
我追下你～
『哈哈哈～仲言跑得快左咁多既～』
跑下呢邊～
「姐姐嗰邊嗰邊～哈哈哈～」
跑下嗰邊～
『哈哈哈～等埋我～等埋我丫～』
喺黃金蒙馬特之上，同兩個可愛既小朋友你追我逐～
不知不覺都玩左差唔多成個幾鐘～
『好喇好喇～嗄～嗄～係時候返去架喇～嗄～嗄～玩到好攰喇～嗄～嗄～』我都玩到抖晒大氣咁～
「嗯嗯～」仲恩同仲言一D都唔攰咁～但就好乖乖咁～拖住我～
一左一右咁拖實仲恩同仲言～拖實兩隻手仔行去Brian同CoCo兩公婆面前～
『好喇～今日都玩到差唔多喇～我地下次再玩過啦～』我帶到仲恩同仲言返到去佢地父母面前，再摸摸佢地把秀髮～
「嗯嗯～」仲恩同仲言都好滿足咁點點頭，「勾勾手指尾～」
仲恩同仲言都伸隻手指尾仔出黎～
『嗯～勾勾手指尾～』我都伸兩隻手指尾～一左一右咁勾一勾仲恩同仲言隻手指尾仔～
我再用隻姆指，掂一掂落仲恩同仲言隻姆指仔上～
下次再玩過～
『我差唔多都要走喇～』同Brian仲有佢老婆CoCo道過別～
「嗯～下次不如我地一齊燒野食？」CoCo仲好友善咁邀請我同佢地一齊燒野食～
『好丫好丫～』
「咁係架喇喎～遲D再約～」
『嗯～電聯～咁我...走先喇～』
「嗯～電聯～拜拜～」
「拜拜喇詩琳姐姐～」仲恩同仲言都帶住微笑同我揮揮手～
『拜拜喇仲恩仲言～』我都帶住微笑同仲恩仲言揮揮手～
都係時候要走喇...
不過唔緊要～離別是為了下一次重逢的開始丫嘛～
行下行下，就行到露天停車場。
“BI！BI！”
睇下架法拉利有無事先...
左睇睇…右睇睇...前睇睇...後睇睇...
『呼～好彩就咁睇車身無穿無爛無凹無花痕～』可以鬆一口氣～
唔係唔係～咪住先咪住先～要睇埋車廂裏面！
開篷架嘛！點知會唔會有D仆街打完野戰中出完條女用張紙巾抹完隨手Dom入車廂裏面架？！
我就一手揭開車門，好小心又好細心咁仔仔細細Check一次成個車廂！
成個車廂都Check清楚晒之後...
『呼～好彩都無多左D奇怪既紙巾同垃圾姐～』今次真係可以鬆返口氣～
好～係時候返去喇～無謂要Lennon等咁耐丫嘛～
我就扣好安全帶～插一插車匙～
但當我踩住個Brake，想撳個ENGINE START之時...
『Cheryl…』我又摸下摸下...摸下個銀色牌仔...
摸住刻有“Cheryl”字樣既銀色牌仔...就令我諗起...我...係唔係唔真心愛...Lennon？
Brian頭先咁問一問...呢個問題就刻左喺我心裏面...
愛…我相信我係愛Lennon...
你可以質疑短短識左兩三日就可以愛上？
係愛既話...一秒就愛上...
但唔愛既話...花上一世既時間都係唔會有愛既感覺...
之但係...你問我係唔係全心全意一心一意愛Lennon...我又...
我總係覺得...我個心...唔係全部都屬於Lennon...
我個心裏面...仲有一個人...
仲有…皓傑...
我總係好似帶住皓傑喺心裏面...
之前一直都係...只係唔覺...
但今朝...我確確實實諗住皓傑同Lennon做愛...嗰一刻...個感覺...好出...
出晒黎…皓傑一直存在喺我心裏面呢種感覺出晒黎...
所以…我唔可以...我唔可以話我全心全意一心一意愛Lennon...
就正如...Lennon都未必係全心全意一心一意愛我一樣...
Cheryl…呢個人...影響得Lennon咁深...
影響到Lennon...身邊好多事物都刻有Cheryl既影子...烙印...
我相信...而家Lennon既性格...好大部分...甚至全部...都係受嗰個Cheryl影響...
唔係當初既Cheryl...唔會製造到今日既Lennon...
一個心裏面有另一個男人既我同一個心裏面有另一個女人既Lennon一齊...
真係可以當打和？
“吼！吼！！吼！！！”
我諗呢D咁高深既問題，唔係一朝一夕可以解答得到...
或者...或者時間耐左...會更清楚...
“吼！吼！！！”
俾一俾油，離開帶有古典氣質既屯門黃金海岸。
同仲恩仲言開開心心咁玩，不知不覺原來都成三點～
快樂不知時日過丫嘛～
可以同到兩個可愛既小朋友玩真係好開心～
真係乜煩惱都唔記得晒～
煩惱？係咯～之前有乜煩惱野呢？唔記得Luu～
之不過...而家成三點鐘...返到去都差唔多四點幾...會唔會太遲呢？
會唔會要Lennon等得太耐呢？
都係唔好諗咁多！踩盡油返去先！
“吼！吼！！吼～～～”
衝呀～殺呀～喺青山公路都可以砍住去！
咁耐無揸過車（其實除左考牌之外，真係無揸過～），仲要揸超級跑車！估唔到我手車又真係咁勁！
定係超級跑車特別易揸？
唔知喇～唔理啦～而家我淨係想快D返去咋～
“吼～～～吼！吼！！吼～～～”
喺高速公路上飛馳！
“吼！吼！！吼～～～吼～～～”
仲要騎住快線～做快線撚～
揸住架法拉利踩盡油咁，D搵食車都吹我唔脹～
“吼～～～吼！吼！！吼～～～吼！！吼！！！”
前面架Van仔仲怕左我，讓我行先添～
所以話呢～揸靚車幾咁好丫～
尤其係靚女揸靚車～
“吼！吼...吼...”
就算係過到黎港島呢邊，行入路口，人地見你咁靚女，行人都會讓你行先～連的士佬都會讓你出先～
呢D先叫做人生架嘛～
“吼...吼...吼...吼...”
當我平平安安咁駛到返黎屋企，道黑色大閘就慢慢咁打開～
“吼～吼...吼...吼...吼～”
我慢慢咁駛返架法拉利入去～就見到Lennon已經行左出黎～
我就再慢慢駛...慢慢駛到去Lennon身邊～
“吼...吼...”
「返黎喇？咁快既？」當我停定架法拉利之後，Lennon幫我揭一揭開車門～
『係丫係丫～唔想要你等咁耐丫嘛～放心丫～你架愛驅無穿無爛無凹無花痕～我好錫住佢架～』我就解一解開安全帶，扶住Lennon起一起身～
「哈～架車算係咩丫？最緊要係你無穿無爛無凹無花痕～點丫？搞掂晒喇？」Lennon口講就話架車算係咩，眼就偷偷望下架法拉利～
車～小蟹柳～
『搞掂晒喇～仲好出奇咁…搞掂多一件事添～嗱～俾返你～』我拎返本未用過既支票簿出黎，連埋條車匙交返俾Lennon～
「哦？」Lennon接過條車匙同本支票簿，睇都唔使睇就袋返埋，但就一頭問號咁。
『總之就係一件好事啦～點丫？使唔使泊返架愛驅先丫？』我又古古惑惑咁打量住Lennon～
「唔使啦～一陣都係揸呢架去架啦～」Lennon拖一拖住我～
『你成個唔見得光既地下車庫咁多車唔揸，又揸返呢架？』我就拖實Lennon，跟住佢行入屋企～
「方便唔使諗丫嘛～」
『係丫係丫？』
「係丫係丫～」
係丫係丫～係因為架法拉利刻有“Cheryl”呢個名咋嘛～扮晒蟹～