『今…日…第…一…日…返…工…就…俾…腦…細…鬧…到…痴…肺…』打下野上Xanga…

『垃…圾…公…司…』發洩一下…

『晨…早…講…早…晨…』一起身又打幾隻字上去…

『情…人…節…禮…物…』又貼下相上去…

事無大小都放下上Xanga…





究竟點解要咁無聊,放咁多野上Xanga?

究竟係俾邊個睇?

俾自己睇?

俾自己睇既話,又使乜公開出黎?

其實…公開得出黎既…都唔係想俾自己睇…





我既Xanga一直都有加到睇有咩人入過黎睇既功能…

而且…我一直都有留意“Colgate”呢個Account…

留意佢幾時會入黎…一日會入黎幾多次…但每次都唔會CM…

同樣地我都會走入去佢既Xanga睇下佢會Post D乜…有乜趣事…又或者係無聊事發生…

亦都同樣地…我從來都唔會留CM…





好似從來都唔留下足印…但其實心明已經留低左唔少…

我地已經好耐無見…有幾耐呢?我都唔記得…

我只係記得自上次…我又對你說“唔好再理我喇”頭也不回咁背住你跑…我隱約聽到你話“我一直喺你背後…”…

只可惜…聲音越黎越細…越黎越遠…

喺我未聽晒全句之前,我已經離你而去…

都真係好耐無見…亦都有好耐無聯絡過對方…

最多都只係…只係喺大時大節之時…收到你Send俾我既一句祝福…

而咁多年黎,我都係一直沿用同一個E-mail Account…





用開既MSN又好…用黎開Xanga又好…到之後Facebook既興起都好…我都係用同一個E-mail…

連電話號碼都無轉過…

彷彿就好似…留住最後一絲絲既紅線去連繫住我地…

同樣地…你都係一直沿用同一個E-mail Account…

用開既MSN又好…用黎開Xanga又好…到之後Facebook既興起都好…你都係用同一個E-mail…

連電話號碼亦都無轉…

喺不同既社交平台之中,我都可以一眼看出係你…





係你…偷偷留意住我…

係你…向我發出加為好友要求…

呢一絲絲紅線一直連繫住我地…令我地就算相隔千里…幾多年無交談過…都唔會失去聯絡…

總係覺得…假如想再見既話…可以靠呢一絲絲既紅線…搵返我…

只要你想既話…

只要你想再見下我既話…

只要你想搵返我既話…

只要你想再同返我一齊既話…





只要有一日…我…

時間一日一日咁過…

我既工作…我身處既環境…我身邊既另一半…都有唔同…都有好大既轉變…

見工返工辭工轉工…

遇上被追拍拖分手又遇上另一個…

由一個地方搬到另一個地方…又由另一個地方再搬到去另一個方…

兜兜轉轉…轉轉兜兜…





去過好多地方…遇過太多人…

一轉眼…差唔多十年…

「Hi~我地係唔係識架?」直到遇上阿Ken…

直到喺個WhatsApp道…見到一句…

“咁耐無見,有時間出黎食餐飯嘛?”

我望住部電話…慢慢變成灰色…分裂…粉碎…飛散…

當我開始有返少少意識…

『咁…耐…』

當我開始…再次睜開雙眼…

『咁耐…無…無見…嗯…嗯?』我瞓喺張黑色大床上…

『係…發…』夢…

我又發夢…夢到皓傑…

又係夢到有關皓傑既事…

我一個人瞓喺張黑色大床上攤開雙手…合埋對眼深呼吸一下…再一下…然後再睜開雙眼…轉一轉身!

喺床頭拎一拎起部電話打開WhatsApp睇一睇!睇一睇皓傑…

『都…』都係無…

皓傑都係再無Send過Message過黎…

『已經三個月喇!』我放一放部電話喺床邊,又攤開對手,大字形咁瞓喺床上!

已經三個月無收過皓傑既Message喇!

『你又死左去邊呀?!』

都三個月喇…又連續三個月消失得無影無蹤咁…

就好似當時…岩岩無再搵我…真係唔再理我咁…

過左幾耐…唔記得等左幾耐…總之就好似過左一段好漫長既時間…日子…你先再偷偷留意我既Xanga…唔知喺邊個節日…先開始送上第一句祝福…

今次又要等到幾時?

黎緊既節日…聖誕節…又會唔會要等到嗰時…先Send句祝褔俾我呢?

咁又係唔係要等多十年先有機會再見?

真係十年又過去,我既舉止仲仍像少女咩?

到時就真係很感激,我變左阿婆仍不休喇!

『唉…』我攤喺張床上…諗下諗下…

三個月…除左話皓傑都有三個月無Send過Message俾我之外…我同Lennon都一齊左三個月…

不知不覺間…已經同Lennon拍左三個月拖…一齊生活左三個月…

而今日…唔係…應該話由尋晚開始…佢就飛左去北京開…唔知乜鬼野會議…

之前佢都有問過我…想唔想同佢一齊飛去北京…

我就同佢講:『我對北京無乜興趣~飛東京再同我講啦~』

而我係唔係真係對北京無興趣?

其一啦~

其二呢?

我係想…俾自己抖下氣…

無錯…係抖下氣…

你可能會立即聯想到呢三個月我同Lennon一定係晚晚連場大戰~搞到我頂唔順要抖返下~

係~呢三個月以黎的確晚晚…唔止晚晚…一有時間,我地就搞起上黎~

咩都有玩(除左SM),特別係著住校裙黎玩得最多~

細心既你就會諗到著校裙玩既話,Lennon插幾下,玩一陣,唔使幾耐就射架啦(加上我咁淫又咁大食~)~咁都唔會好攰,唔使點抖啦~

無錯~每次著住條校裙加埋白色學生襪再加婆仔鞋(有一日我專登帶埋Lennon去MK揀)同Lennon搞,佢唔使三十秒就忍唔住要射~

所以我既體能上係唔會有攰既情況出現~

攰…係心靈上…

『Hi Siri,打開天窗。』我大字形咁瞓平個人,望住黑色既天花...

“吱 咯 咯 咯 咯 咯”黑色木製天花隨即打開...

“咯 咯 卡”好快,整個天花就打開晒...

望住天窗外既天空…藍天白雲…今日都幾好天…

心靈上既攰…

老實講,同Lennon做愛係舒服,係享受~

Lennon既身軀…Lennon既黑巨棒…真係好正…

試過真係返唔到轉頭…

只可惜…我心裏諗住既…唔係佢…係皓傑…

唔知點解,每次同Lennon纏綿,不論係朝早中午定夜晚…喺床喺廳喺浴室喺泳池喺遊艇喺海中心又好…我都會諗起皓傑…

一路同Lennon接吻…一路被Lennon條黑巨棒抽插…我都係諗住皓傑…

皓傑既樣貌…皓傑既輪廓…甚至係氣味都一直出現…

就好似同緊皓傑纏綿咁…

我覺得好似對Lennon唔住咁…但又阻止唔到…

阻止唔到自己唔諗起皓傑…一邊同Lennon搞…一邊諗起皓傑…

竟然阻止唔到…唯有合埋對眼…享受住被皓傑抽插咁…

「嗄…嗄…我要…射喇…呃!」但每當要射之時…睜開雙眼…望到眼前既係Lennon…我又好羞愧…好內疚…

又覺得自己對Lennon唔住…無限輪迴地獄…

呢種角力…持續左成三個月…真係好攰…

點解會咁架?

之前嗰D…都唔會咁既…

點解今次同Lennon一齊先會咁架?

『點解呀?!』

雙手大力拍左幾下床!

拍到“啪啪”聲!

唉…一定係皓傑之前一直都有Send WhatsApp俾我,突然無再Send黎搞到我勁唔慣啦!

『死人頭高露潔!都Send左成大半年WhatsApp俾我啦!做乜無啦啦又唔Send呀?!係唔係因為見我無回應就放棄喇?!做人點可以咁易放棄架?!』

我再雙手大大力拍張床幾下!!!

又俾我拍到“啪啪啪啪啪啪”聲!!!

好彩張床夠軟熟~點拍點打都唔會整到手痛~

究竟你去鬼左邊丫?

返左黎未架?

係唔係唔返黎架喇?

你知唔知而家搞到我日日心掛掛…晚晚都夢見你呀?!

『定係其實…皓傑都有留意連登…留意D八婆新聞…知道我同左Lennon一齊…所以又再靜靜咁消失?』

唔…唔…唔…

我同左Lennon一齊就一定幸福架喇?你就安心架喇?!

『你唔俾我受盡折磨架?!』

雖然…Lennon都真係…好似好…愛我…

Lennon好愛我…我唔敢講Lennon係唔係全心全意咁愛著我…至少…至少佢都對我好好…

Lennon都真係好錫我…好照顧我…

一有時間就會陪我…又會幫我安排好一切…

物質上就更加唔使講…

之但係…講到愛…我總係覺得怪怪地…我總係講唔出口…講唔出佢有幾愛我…

就算係好錫好照顧…都唔一定係愛…

唔一定係愛…係愛都唔一定係我…

『唉…』

頭先睇皓傑有無WhatsApp我既時候,我見到Lennon有WhatsApp我…

都係睇下Lennon Send左D乜俾我先啦~

我再拎返起部電話,撳一撳Lennon…Send左段錄音…

我撳一撳Lennon段錄音:「懶瞓豬~起左身未丫?」

我又撳一撳錄音:『未起身~不過岩岩瞓醒~』

其實都唔係岩岩…

其實都醒左一段時間…

仲諗左唔少野…

段錄音一Send過去,Lennon就上線中…仲要好快就錄音中…

我就望住個Mon,等左一等…

“噹”

撳一撳段錄音聽一聽:「仲喺床上碌緊唔捨得落床?」

我又撳一撳錄音:『係丫~我係懶瞓豬丫嘛~點丫你?咁早既?無我喺你身邊係唔係無咁好瞓呢?』

我望一望個鐘…都係岩岩九點…

尋晚Lennon差唔多九點飛…到北京都十二點幾…咁早就醒,夠唔夠瞓架?

“噹”Lennon好快又Send左段錄音過黎…

我又撳一撳段錄音聽一聽:「就係因為無你喺身邊所以瞓得唔好...先會咁早醒囉…」

Lennon扮晒慘慘豬咁~

我又撳一撳錄音:『係丫係丫係丫~無我搞住你唔係好瞓D先係架咩?再唔係咪搵個北京姑娘陪你瞓囉~』

唔好話我唔俾機會你丫~今次大把機會偷食啦你~

“噹”Lennon好快又Send左段錄音過黎~

我又撳一撳段錄音聽一聽:「你知我唔會架~我呢…一陣就有個會要開…類似D早餐會咁囉…所以就咁早起身…而且…我一陣開會就無時間同你WhatsApp架喇…」

Lennon又好似依依不捨咁…

我又撳一撳錄音:『我OK喎~你專心開會啦~唔使掛住我架喇~』

其實Lennon要開會仲好~

其實…我都唔係成日要WhatsApp丫~傾電話丫~既女仔~

同Lennon一齊呢三個月黎,其實佢都幾忙。

自佢清完假,要返去睇住間公司開始,Lennon都真係好忙。

好多時都會帶野返黎做。

有時一做就做到凌晨十二點幾一點。

好多時陪到佢既話,我都會陪~

陪唔到既我都無等佢。

如果Lennon真係好忙,佢都會安排定D節目俾我~又或者話定俾我聽陪唔到我,等我搵節目~做自己想做既事~

所以其實…我都無話Lennon唔喺我身邊唔得…會心掛掛…勁唔開心…

我本身就唔係一個黐身既人~

“噹”Lennon好快又Send左段錄音過黎~

我又撳一撳段錄音聽一聽:「你真係OK架嘛?咁你今日有乜節目呢?」

有乜節目丫?

我望一望上天…望一望個藍天白雲…

我又撳一撳錄音:『梗係跑步先啦~』

其實呢三個月黎,只要天氣一好,我都會一朝早就出去跑步~

以前要返工就話無機會...而家唔使撈,就梗係要做多D運動啦~

“噹”Lennon又好快咁Send左段錄音過黎~

我又撳一撳段錄音聽一聽:「好丫~咁你都小心D喇喎~我都…差唔多要梳洗下…換返套衫出去架喇…」

我又撳一撳錄音:『嗯~OK啦~我會小心架喇~你都小心D喇~』

其實我都無話小唔小心啦~都已經習慣~

“噹”Lennon又好快咁Send左段錄音過黎~

我又撳一撳段錄音聽一聽:「嗯~咁我晏D先再WhatsApp你喇~我愛你~」

我愛你…

我又撳一撳錄音:『嗯~我愛你~』

我Lock一Lock返部電話…

聽到Lennon講“我愛你”,都總係唔覺得有幾愛我…

總係感受唔到…總係好似…唔係同緊我講咁…

就好似我句“我愛你”都只係禮貌上俾返個回禮咁…

人地話一對情侶既熱戀期有差唔多一個月咁耐…長D既話仲可以Keep到三個月…

喺熱戀期之中,情侶之間講乜野甜言蜜語都會甜到入心…

一句“我愛你”,就好似擁有對方既所有…

之但係…我同Lennon…唔可以話無呢段熱戀期既…

只係…唔好話三個月…莫講話一個月…我諗大約…大約都只係得半個月…

頭半個月都仲會覺得好開心,好有新鮮感,仲好刺激…好激情…

但半個月後,好似…發現…缺少左D野…

性…仍然可以好滿足…只係…要一直放縱自己FF住皓傑咁同Lennon做愛先可以完全享受…

有時候,我都幾怕會嗌錯名…享受住俾Lennon條黑巨棒抽插,嗌左皓傑個名出黎…

尤其係飲多幾杯!就更加危險!

而我同Lennon又真係經常會飲多幾杯先做得奔放…搞得激情…

點解…點解會咁…

點解…點解一直都係咁…

點解以前嗰D都只係半個月唔夠就無左嗰份激情...但點解今次同Lennon一齊,就總係會諗起皓傑…

點解…點解…點問都解釋唔到架啦~

都係快快手手梳洗下換返套衫去跑步啦~

起身行去浴室刷個牙洗個面紮返條高馬尾換返套黑色既跑步裝加埋對黑色跑鞋就出門口~

話說喺呢三個月黎,我都買左好多黑色既衫。

晚裝又好連身長裙又好連身短裙又好長褲又好短褲又好Tee都好,好多都係黑色為主…甚至乎係全黑色。

其實唔止衫褲裙,就連鞋都一樣。

不論高踭鞋平底婆仔鞋布鞋波鞋跑鞋,都係以黑色為主。

或者係因為近得Lennon多掛~

近得一個人多,就會有佢既習慣…喜好都越黎越似…

尤其係一D影響力大既人…

Lennon影響力大唔大?唔需要我多講啦~

“BI!BI!”

行到黎“Cheryl”面前,好熟手咁揭開車門,好自然咁坐上跑車座位。

摸一摸軚盤塊銀牌…刻有“Cheryl”既銀牌…

其實係呢三個月,呢一架“Cheryl”差唔多可以話係屬於我。

喺Lennon放完假第一日返工,我就要求佢留返呢一架“Cheryl”俾我用。

冇錯!Lennon既地下車庫有咁多靚車我都唔要,係要用呢一架“Cheryl”。

而Lennon亦都無問我點解對呢架“Cheryl”情有獨鍾。

或者佢覺得因為呢架“Cheryl”對我地黎講有特別既意義…

或者佢覺得因為我揸過呢架“Cheryl”,容易上手D…

或者係因為…Lennon察覺到我對呢架“Cheryl”…有D在意…

好熟手咁扣返好安全帶,好熟手咁用隻食指篤落個紅色掣。

“吼!吼!!吼!!!”

一俾油!

“𠲖!”法拉利就衝住去!

“吼!吼!!吼~~~”

好熟手~

“吼~~~吼!吼!!”

都真係已經好熟手~

“吼!吼~~~吼!!吼~~~”

由初初只敢一二波咁行,到而家三四波咁去。(已經好快!時速成百幾二百公里架喇!)

我已經可以好好咁操控~得心應手~

“吼~~~吼!!吼…吼…”

好快上到黎山頂~

“吼!吼…吼!!吼…吼…”

泊好架法拉利就開始拉下筋~

左擰擰~右扭扭~

「早晨~」差唔多每朝都會喺道遇到,同我一樣想黎跑步既靚女同我打下招呼~

『早丫~』

壓下腿又拉下腳仔~

「早晨丫後生女~」每朝都會上黎晨運耍下太極耍下劍既公公婆婆又同我打下招呼~

『早晨丫公公婆婆~耍完去飲茶喇?』

「係丫係丫~唔阻你喇~」

再雙手向後拉~挺起對小饅頭~

「Hi~我地又見面喇~」當然就唔少得俾仔聊下…

『哦…』當然我就唔會Show佢地…

算唔算係修心養性左?

可以咁講掛…

定係我已經玩到厭晒…攰晒…就連俾人聊都不感興趣?

呢個可能性更大…

無錯…我真係覺得有D攰…

遇到呢D一見到靚女就要聊既仆街覺得心很累…

你都係鳩痕想搵窿抽插下出出火姐…去搵下D入世未深又以為自己看破紅塵既𡃁妹仔玩啦…咪撚搞住老娘喇…

拉多幾下筋,又等下D仆街仔跑遠D…

『好~跑丫~』我就開始跑~

慢慢跑~喺全宇宙最貴既跑步徑慢慢跑~

望下D草~望下D樹~望下D綠色既植物~

又望下D雀仔~又望下蝴蝶~望下呢個大自然~

再望遠D…望下中環同金鐘既高樓大廈…

燕尾蝶…疲倦了…在偉大佈景下…

這地球…若果有樂園…會像這般嗎…

本來好好既大自然…點解要搞到烏煙瘴氣呢?

郊野公園…都要用黎開發做住宅…

乜真係無更好既辦法?

乜D樓真係要賣得咁貴咩?