總在寂夜裡想起妳: last
佢離開咗餐廳，唔知點解個刻反而輕鬆咗。雖然最後並無開花結果，但走到路途嘅終點，起碼算係解脫咗呢半年嘅心結。
諗番起同佢相處嘅一點一滴，時間唔長但充滿回憶，足以令我每次諗起都會心微笑。
掙脫咗心中嘅枷鎖，撥開咗頭頂嘅陰霾，成個人舒服咗好多。
「行啦仆街仔，今晚不醉無歸呀。」我逕自走出餐廳，一個人步行返hall。
入黑之後校園只剩下微微發黃嘅街燈，光源嘅盡頭總係帶著一點點神秘感。冷風吹拂著臉上嘅每一個神經細胞，唔知點解，又諗起咗妳。
成程路唔係好長，但我冇急住行完。相反我故意放慢腳步，享受呢一丁點嘅寂靜，同時陶醉於逝去嘅時光。
不過更長嘅路，都總有走到盡頭嘅一刻。
四層樓高嘅hall矗立係我眼前，我朋友住喺三樓，但佢未返我都冇鎖匙入去，所以我決定去天台吹下風，冷卻一下複雜嘅情緒。
之前來過幾次呢個天台，我特別喜歡佢嘅景色，可以一覽無遺整個學校後山，同時亦有無敵大海景，實係一個舒暢情緒嘅好地方。
甫一踏出天台，一陣寒風撲面而至，雙眼都睜唔開，只係見到天台角落嗰度有一纖瘦嘅背影，唔通眼花？
定睛一看真係有個長髮飄飄嘅身形，第一刻個諗法係諗係咪撞鬼
雖然隔咗十多步嘅距離，一陣淡香仍然隨風飄至，否定咗我腦海中荒誕嘅諗法。
呢淡淡幽香裡，我嗅到嘅唔止係少女嘅氣息，仲有一股難以言明嘅感情。一絲憂傷，一點寂寞，還夾雜著一陣失落。
佢嘅氣息觸發我心中嘅鬱悶，之前既輕鬆之情原來係自欺欺人，呢一刻我最需要嘅，只係讓情感跟隨眼淚流逝。
寧靜嘅黑夜冇俾我喘息嘅空間，前面嘅長髮女子聽到聲擰轉咗面，伴隨著嘅係「撲哧」一聲發自內心深處嘅笑聲。
「你跟蹤我啊？」佢維持住面轉身不轉嘅甫士，柔風輕撫著佢嘅黑髮，遮掩住半邊可愛嘅臉蛋。
「大小姐，邊估到去邊都撞到你先得架。」我行咗埋去佢隔離，挨著欄杆為佢擋住刺骨嘅寒風。
「我成日都覺得係你跟蹤我囉。」佢嘟起個嘴，望向那無邊際的海平線。
「大把厹公跟著你啦，排隊都未輪到我啦。」我苦笑著咁講，我何嘗又唔係其中一個？
「上到嚟就唔好講呢啲嘢啦，好好地咁享受眼前呢個咁美麗嘅景色，用心去感受身邊嘅人事物。」佢托住頭，曉有味道咁講。
「唔…」我欲言又止。
「有咩就講啦，我都唔知未來仲有幾多次撞到你嘅機會架啦。」佢望住我，雙眼中閃過異樣嘅神采，呢四目交投嘅一刻，我都唔知邊度嚟咗股勇氣。
「我好喜歡你。」呢句最真誠嘅話打破一直以來嘅隔閡，佢呆一呆，笑咗笑。
「攬住我。」佢擰返轉面，拋低呢三個足夠震撼我思想嘅字。
我微一猶疑，但望住佢凍得發抖嘅身軀，我於心不忍由得佢孤伶伶一個。
我從後攬住咗佢，雙手環抱佢腰間，感受佢身體傳來嘅溫暖。
佢成個人震咗一震，之後好似無哂力咁挨咗落我身上，將自己依偎咗係我胸膛之中。
「我都鍾意你。」聲線低到幾不可聞，但轉來嘅意思我一直未能忘懷。
係呢一刻，望住懷抱中嘅少艾，一股憐愛之感油然而生，守護佢一生一世彷彿變成我天生嘅責任。
雙手不其然抱得佢更加緊，我唔想失去，即使代價係拋棄一切所有。
可惜美夢總係有睡醒嘅一刻，佢掙脫咗我嘅懷抱，擰轉身面對面望住我。
「我哋冇好結果㗎。」佢笑得好苦，「你有女朋友，我本來亦有意中人。」
我感覺到佢內心嘅掙扎，我又何嘗唔係？
「我都知冇好結果。」我耷低頭，迴避佢嘅目光，「但呢半年，我只知我係每一分每一秒諗住你，我只係想陪伴你嘅身邊。」
「即使放棄你而家擁有嘅感情？」嚴厲嘅質問，換來嘅係無言以對。
「對唔住。」到頭來，我都只係一個三心兩意嘅懦夫，唔敢放開手中所握有嘅，又貪心地想抓住更多。
佢行前咗步，手指尖托住咗我下巴，目光注視著我嘅雙眼深處，好似想睇清楚我嘅靈魂一樣。
然後，佢行前多咗一步，佢柔軟嘅雙唇輕輕地親咗落嚟，蜻蜓點水式嘅親吻卻留下滿腔嘅情感。
個種情感好難解釋。充滿愛意，但亦懷著失望同憂傷。
佢望多我一次之後，就快步離開咗天台，亦真真正正離開咗我嘅人生。
我留咗係天台，期望著佢會回心轉意上返嚟，但等咗成晚，都只係得缺月陪伴著我。
個日之後，我哋彼此間冇聯絡，亦冇再撞到過。
妳變成咗我人生中嘅其中一個過路客，但妳帶俾我嘅回憶，我永世難忘。
「你跟蹤我啊？」佢維持住面轉身不轉嘅甫士，柔風輕撫著佢嘅黑髮，遮掩住半邊可愛嘅臉蛋。
「大小姐，邊估到去邊都撞到你先得架。」我行咗埋去佢隔離，挨著欄杆為佢擋住刺骨嘅寒風。
「我成日都覺得係你跟蹤我囉。」佢嘟起個嘴，望向那無邊際的海平線。
「大把厹公跟著你啦，排隊都未輪到我啦。」我苦笑著咁講，我何嘗又唔係其中一個？
「上到嚟就唔好講呢啲嘢啦，好好地咁享受眼前呢個咁美麗嘅景色，用心去感受身邊嘅人事物。」佢托住頭，曉有味道咁講。
「唔…」我欲言又止。
「有咩就講啦，我都唔知未來仲有幾多次撞到你嘅機會架啦。」佢望住我，雙眼中閃過異樣嘅神采，呢四目交投嘅一刻，我都唔知邊度嚟咗股勇氣。
「我好喜歡你。」呢句最真誠嘅話打破一直以來嘅隔閡，佢呆一呆，笑咗笑。
「攬住我。」佢擰返轉面，拋低呢三個足夠震撼我思想嘅字。
我微一猶疑，但望住佢凍得發抖嘅身軀，我於心不忍由得佢孤伶伶一個。
我從後攬住咗佢，雙手環抱佢腰間，感受佢身體傳來嘅溫暖。
佢成個人震咗一震，之後好似無哂力咁挨咗落我身上，將自己依偎咗係我胸膛之中。
「我都鍾意你。」聲線低到幾不可聞，但轉來嘅意思我一直未能忘懷。
係呢一刻，望住懷抱中嘅少艾，一股憐愛之感油然而生，守護佢一生一世彷彿變成我天生嘅責任。
雙手不其然抱得佢更加緊，我唔想失去，即使代價係拋棄一切所有。
可惜美夢總係有睡醒嘅一刻，佢掙脫咗我嘅懷抱，擰轉身面對面望住我。
「我哋冇好結果㗎。」佢笑得好苦，「你有女朋友，我本來亦有意中人。」
我感覺到佢內心嘅掙扎，我又何嘗唔係？
「我都知冇好結果。」我耷低頭，迴避佢嘅目光，「但呢半年，我只知我係每一分每一秒諗住你，我只係想陪伴你嘅身邊。」
「即使放棄你而家擁有嘅感情？」嚴厲嘅質問，換來嘅係無言以對。
「對唔住。」到頭來，我都只係一個三心兩意嘅懦夫，唔敢放開手中所握有嘅，又貪心地想抓住更多。
佢行前咗步，手指尖托住咗我下巴，目光注視著我嘅雙眼深處，好似想睇清楚我嘅靈魂一樣。
然後，佢行前多咗一步，佢柔軟嘅雙唇輕輕地親咗落嚟，蜻蜓點水式嘅親吻卻留下滿腔嘅情感。
個種情感好難解釋。充滿愛意，但亦懷著失望同憂傷。
佢望多我一次之後，就快步離開咗天台，亦真真正正離開咗我嘅人生。
我留咗係天台，期望著佢會回心轉意上返嚟，但等咗成晚，都只係得缺月陪伴著我。
個日之後，我哋彼此間冇聯絡，亦冇再撞到過。
妳變成咗我人生中嘅其中一個過路客，但妳帶俾我嘅回憶，我永世難忘。