我明明係殺手，搞乜鬼掉返轉保護個目標？: 3

窗外不斷傳嚟經滅聲器消音嘅火藥聲，將屋入面嘅傢俬射到變晒蜜蜂竇。 

「駛唔駛咁多人嚟殺我啊！」689喺枱下面嚇到縮埋一舊，我都唔得閒理佢，而家自保要緊。 

一輪炮火之後，敵人應該都發覺自己係有幾on9，將啲子彈射晒落張梳化度。 

「而家見步行步啦。唉我頂，明明係屋企打緊BF4，邊撚個話好少嘢架！」我烏前少少，執返把手槍，「喂，你屋企有冇鏡呀？」 

「屌你望下我塊面。」689指著自己，「成面暗瘡，拎住塊鏡照自己個柒樣咩。」 





「吖你又啱喎。」屌，咁點睇清楚出面點呀！ 

「你要鏡做咩呀？」 

「照吓出面，睇下邊條契弟射我菊花囉。」 

「早講啦，拎部電話出嚟自拍咪得囉。」 

「好橋喎！」我拎咗部唉瘋出嚟，用自拍mode影下枱出面嘅情景。 





係螢幕上面，雖然出面好黑，但隱約見到對面樓天台有兩個狙擊手。 

當我正係度沉思緊點甩身嘅時候，走廊盡頭傳嚟密集嘅腳步聲！