我明明係殺手，搞乜鬼掉返轉保護個目標？: 10

拳風隨聲而至。 
小巷狹窄，唔容許我左右閃避，本能反應即刻向前亞太區有一天成為亞太區。 

「受死啦！」背心同時吃痛，硬生生咁接咗阿婆一拳。 

受痛之際，我借力向前一躍，同阿婆拉開返幾步嘅距離。 

689同絲襪佬失去咗我嘅攙扶而跌咗係地下，竟然可以阻住阿婆嘅去勢，我即刻借呢個機會調節自己混亂嘅呼吸，同時運氣睇下呢一掌打得有幾傷。 

「阿婆你都好奸茅啫！」氣一時運轉唔到，呢掌所受嘅傷確實唔輕，唯有先用言語拖住阿婆，再想辦法。 





「Hi Hi仔，啱先你咪又係咁玩阿婆！」阿婆踩係絲襪佬上面，對腳仲係咁捽佢下…咳咳… 

「咁當打和無數，下次再打過好冇？」我笑笑口，慢慢向後退。 

「有咩留返拜山先講！」阿婆終於按奈不住，佢雙腳用力一踩，整個人好似大雁咁跳起，直往我身上撲！ 

到咗呢個地步，講多無謂，走佬最實際！我擰轉身用盡畢生嘅氣力衝去轉角，我唔信唔夠個阿婆跑！ 

可惜我算漏咗我傷勢嘅嚴重性，個人一跑動心口即刻比股氣卡實咗，氣息換轉唔到上嚟，雙腿一軟，跪咗係度 





「傻仔，你中咗我七步氣絕掌，仲諗住走！」阿婆慢慢咁行埋嚟，就好似獵人望住被陷阱夾住咗嘅獵物咁。 

「我都未跑夠七步！」 

「死剩把口，不過見你咁後生，比你簡你嘅死法啦。」阿婆踎咗係我身前，好似可憐緊個乞兒咁。

「欸…我想比蒼井空強姦姦死！」 

「我強姦你就得。」 





「欸…我想中六合彩頭獎開心到死！」 

「我而家打爆你個頭咪中頭獎。」 

「欸…我想死得痛快！你拎個邊把槍一槍打死我啦！」 

「好，我就成全你！」阿婆拎起咗地下把槍，槍管貼住我額頭。 

「啊，等陣！我呢把係古惑的槍嚟架！你要槍口對住自己開先會打中我架！」 

「你當阿婆傻的嗎？」 

「唔使當啦下話…」 





「有冇遺言呀？」 

「有啊，我唔想死呀！我仲未爆BF4架！」我驚到對腳震晒，近睇冰冷嘅槍管原來係咁得人驚。 

「再見啦小朋友…」 

「你老細搵你，你老細搵你…」 

臨死之前都要聽到呢個咁可惡嘅鈴聲！ 

我仲以為係我電話響嘅時候，阿婆竟然拎出咗部同我一模一樣嘅唉瘋，仲接聽咗個電話！ 

「做咩阻住阿婆殺人呀…係呀佢而家跪咗係到架啦…咩話？唔殺佢住？…哦…哦…你話點就點啦。」 

聽到個內容我大慨知咩事，成個人即刻放鬆返晒！ 





「你好命水呀你，今日未到你死期。我會再返嚟攞你命，哈哈哈哈！」阿婆施施然企返起身，離開現場。 

「喂，咁你個七步氣絕掌點解救呀！」 

「Hi 你都傻的嗎，咁都信！」阿婆走返入唐樓。 

小巷又再得返不省人事嘅689，絲襪佬同埋滿腦子疑問嘅帥哥。