[純愛]將星夜還給你: 14.

14.
 
        比起一個月前的Bbq大會，天氣又變得更清涼了。
 
        慵懶的我躺在床上，在溫暖的床鋪內翻滾。
 
        陽光從窗外照射進來，橘黃色的光線射滿一地。
 
        唔…黃昏了嗎？星期六的黃昏，總感覺我忘掉了些甚麼。
 


        我拿起手機一看，「你有10條新訊息，3個未接來電」
 
        我的心猛烈地震盪，難不成…
 
        我打開了訊息，「喂，去咗邊呀？」「我唔等你㗎！」「嗱再唔聽我嬲㗎！」「哼！」
 
        糟糕了，昨晚電玩打太晚了，都忘了每個星期都會跟雨殷出去溫習。
 
        「走咗？」我立刻發訊息給她。
 


        「唔知喎，走咗掛」不過一分鐘，收到雨殷的回應。
 
        「我即刻過嚟，如果你仲喺度，唔好走開。」唔…感覺雨殷怒火正盛，但不去看看又不放心。
 
        我立刻替換衣服，趕往固定的地點。
 
        ……
 
        走到那個地方，看到雨殷仍在。
 


        她抱著雙手，目無表情。
 
        以往即使吵架，也多止於訊息裡爭執。
 
        這樣說起來，我還是第一次看她生氣的模樣。
 
        「點呀？好嬲？」我走到雨殷的背後，搭上她的雙肩。
 
        「哼。」這招明知故問，好像對雨殷沒甚麼效果。
 
        「唔好嬲啦，我請你食雪糕喇。」若果是平時，可能她已興奮得大叫。
 
        「我冇嬲喎。」可是，今天卻非「平時」。
 
        「Sorry呀，琴晚夜咗訓，一時起唔到身。」


 
        「哼，成日淨係識打機，你打機得喇，嚟搵我做咩？」雨殷的說話正中紅心，被說中的我開始惱羞，但還是強忍著發怒的衝動。
 
        「唔好咁喇，最多我陪你多啲喇。」
 
        「陪陪陪，淨係識講，你次次都係咁嘅，你知唔知我幾想晚晚同你一齊傾電話，但你就淨係識打機，就算同我傾都淨係喺度咦咦哦哦，點解你唔可以理吓我呀？我對你嚟講到底係乜野呀？」雨殷加重了說話的語氣，聲音也漸漸放大，惹來四周的各種目光。
 
        如果是四年後的我，可能會忍得住不回嘴。
 
        但年少氣盛的盧繼言，只要進入了吵架模式，就必定要吵贏對方。
 
        「咁你明知我係咁㗎喇，你識我之前已經係晚晚打機㗎喇，一齊嗰陣又唔見你出聲？」被惹怒的我，放開雙手，開始構築出反駁的話。「仲有呀，我地個個禮拜出嚟其實都冇約定，你又真係唔驚㗎喎，出門口前又唔問吓我㗎喎？」
 
        「你痴線㗎你，宜家明明係你遲到呀！講到你冇錯咁！」雨殷怒瞪我。
 


        「係呀我係有錯，但唔係完全錯晒囉，我宜家就係話畀你聽你都有錯！」
 
        一旦一對情侶吵起來，無論說著甚麼，在對方眼中，都只是歪理。
 
        不論你說的多麼合理，抑或真的是歪理，都通通是歪理。
 
        「根本我喺你心目中就係可有可無！」雨殷說不過我的歪理，放下狠話後，徑自離去。
 
        我阻止亦不是，不阻止也不是，眼白白看著她消失在我的視線。