終於放暑假拉,先得閒返啲作文,萬分抱歉
-------------------------------------------------------------------------
「你吾好以為你靚就大曬!」個3個女仔大聲甘講。

 
「咩啊,我做錯左啲咩?」個女仔手震住咁講。

 
佢身高唔高,大約155cm左右,中分梳住一條馬尾,冇戴眼鏡,好清純,就好似一個細路女甘。



 
「你以為你扮清純扮乖就冇事啊?你以為依家真係傳說中嘅天真爛漫咩?」其中一個女仔講。

 
三個女人一個墟,依家仲要圍埋蝦一個女仔?我唔幫個女仔我仲係男人嚟㗎咩?

 
「喂,三個女仔恰一個女仔好咩?」我行過去講。

 


「關你咩事啊?唔關你事就死開啦。」其中一個女仔話。

 
「原本就唔關我事嘅,但係佢係我女朋友咁就關我事啦。」

 
我講完呢句之後就行去過女仔度,拖住佢隻手喺佢耳邊講:「你想冇事就配合我做場戲。」個女仔點點頭。

 
「佢冇你地想像中咁cheap,佢淨係中意我一個,邊似得你地呢種姣西啊」



 
我講完呢句之後,個女仔擘大個口好驚訝咁望住我,但係避免穿煲,我都係捉實佢隻手。

 
嗰三個女仔畀我講到口窒窒,知難而退咁走左。

 
 「唔該你啊頭先。」佢見到嗰三個女仔走左之後,即刻鬆開我隻手,同我講。

 
「係呢,你叫咩名啊?我叫何芷晴。」佢問我。

 
「阿朗。」我講。



 
「其實我唔明佢地話我啲咩」佢問我。

 
「你唔洗理佢地,總知以後佢地再搞你就同我講。」我答佢。

 
「咁我點先揾到你啊?」佢問我。

 
「xxxxxxxx,我電話號碼。」我答。

 
「好啦,咁我番課室食飯先啦。」佢講完呢句之後走左,我就出去食野啦。



 
  就係咁,今日嘅校園生活就完左。然後去到夜晚,有一個未知嘅電話號碼whatsapp我

 
「多謝你今日幫左我啊。」係今日個女仔,我望佢個icon,係一幅無任何filter嘅自拍。反正依家追唔到女神,同佢傾下計都好啊。


仲有記得FOLLOW我IG:heart_with_eagle
 
已有 0 人追稿