走下走下,就坐下來看著一望無際的大海,聽著海水聲,暫時忘卻腦中的煩惱。
「做咩咁唔合群,一個人走出黎呀?」
「你又會知道我係度既朱sir?」
「係大隊見你唔到,就估到你會走過黎另一邊喇」
「果然係朱sir,世事都逃唔過你法眼」
朱老師也陪我一起坐在沙灘上
「點呀,仲掛住佢呀?」
「如果話無感覺就假既」
.
「早排,佢寄左封信俾我」




「係?佢同你講咩?」
「佢叫我唔好自暴自棄」
「咁你唔好令佢失望喇」
「唔會喇,唔會再自暴自棄喇,唔想再令任何人擔心我」
「咁樣唸就啱喇,不過唔好俾咁大壓力自己呀!」
「希望喇,最近總係怪怪地」
「點怪?」
「自從上次暈左之後,一直都有覺得頭暈,心跳加速,甚至有時抖唔到氣」
「點解你無同老師講既?」
「無呀,唸住好少事所以無講」




「咁你自己小心啲,有咩事就黎搵朱sir傾喇」
「多謝你朱sir」
「好喇,坐多陣好番大隊喇」
.
看著天空和大海,不知不覺時間也過得很快,今個旅行也快將完結。雖然沒有之前的精彩,但今次得到的平靜卻是現在我最需要的。
.
去完旅行後,又是繼續努力追進度的時候。最近我的表現也稍算不錯,一眾老師也漸感滿意。
不過,還是有時候會有放棄的念頭,每每努力一大輪後,身體就會開始感到疲倦,然後就不想繼續溫下去。有時候嚴重的話,還會發脾氣把書本亂擲。
.
時間瞬眼間來到了十二月,又是聖誕節的時候。如無意外,今年應該是要找陳奕迅陪我過聖誕吧… 至於另一邊廂的杜杜和Kathy,則繼續打得火熱,愛得纏綿。其實相信很多人一開始也猜不到,他們可以維持到這麼久,還要一日比一日甜蜜。而愛情的魔力亦徹底改變了杜杜,現在的他再也不是以前的那般吊兒郎當,而是更有責任感,思想更成熟,可以讓人倚靠的好男人。還記得有一次和杜杜的對話,令我深深感受到他的改變。




.
「其實Kathy做左啲咩令你改變咁多?」我問他
「乜都無」
「下?!!」
「就係以前成日要佢擔心我,因為我的唔成熟,令到佢要一個人面對好多野。我唔想要佢再擔心我,我要成為佢最安心的依靠」
「睇黎真係認定左喇喎」
「非她不娶!」
「真係幸福…」
「咁你呢,仲掛住人呀?」
「掛又點呀,人都走左,無架喇」
「咁唸咪好囉,你前面仲有成個森林」
「森咩林呀,草都唔多係呀」
「你唔搵啫」
「你估買菜咩,週街都有」
「咁你又錯喇,可能你身邊的,就係你的Mrs Right」




「你幾時變左性架?點解我唔知既?」
「你去死喇!認真呀,身為兄弟既,都想你搵番個人陪下你」
「睇下點先喇」
.
撫心自問,我真的已經放下了她嗎?我真的準備好開始一段新的戀情?這個問題,我真的暫時答不到…
.
Facebook:微言
Instagram:smallpotatosay

已有 0 人追稿