你愛我還是他: 第十七章

「喂，你班男仔唔好漏左我地呀！」班上的女生都走過來
「放心，場邊啦啦隊一定唔少得你地！」男生們說
「咩啦啦隊呀，我地係隊友呀！」Kathy說
「下，Kathy bb你話咩話？！！我地係隊友？」杜杜驚問
「係囉，Kathy，係咩的一回事？」我續問
「我都唔太清楚呀，都係今朝突然收到消息，話今次比賽係混合賽，上場人數男女各三人，好似係各班打排球的人太少，尤其係男仔，所以先有咁的決定」
「咁Kathy bb我咪可以同你一齊拍住上囉」杜杜聽到消息後十分開心的黐著Kathy
「係呀，傻瓜，頭先咪講左囉」
「好耶！咁我一定要再努力啲！」
.




「仲有呀，賽會安排左一場友誼賽俾我地，係對B班既，下星期就會打」Kathy說
「B班呀？聽講佢地好多都係排球隊架喎」我們班的其中一個女生Glynis說
「哼，排球隊好勁咩！有我同Kathy bb雙劍合壁，根本無野可怕！」杜杜又露出那個自信十足的樣子
.
「呀駿，你無野呀麻，呆哂咁既？」Kathy問
「哦，無事，大家快啲繼續練波喇！」
.
B班… 那不就是她所屬的班別嗎？那麼，我們要在球場上對決嗎？
.
「喂，你做乜呆哂呀？」芷怡問我




這件事，我由中午想到放學…
.
「無呀，你係咪要打班排呀？」我問她
「係呀，我報左名喇」
「哦…」
「做咩呀？」
「無，有啲矛盾啫」
「講黎聽下」
「身為男朋友的我當然想你贏，但係如果你贏左我就唔可以贏個金牌送俾你。而如果我要贏塊金牌送俾你，就要打敗你地，但我又唔想你唔開心喎…」
「傻瓜，你唸咁多野架」




「咁係呀麻，我唔想你唔開心」
「其實我地班有咁多個排球隊，我都未必有得打喇，所以無論如何，我淨係想見到你係場上出盡力個樣，好似上年咁」
「上年？原來你都有睇架！」我驚訝原來她一早已經有留意我
「係呀，上年係場邊睇到你搏到盡，好型呀！你今年都要為左我去搏盡！」
「知道！」
.
不過，要打敗以全排球隊成員為正選的B班又談何容易。我們今年比上年更加拉雜成軍，男生還好，有唯一屬於排球隊的賢仔，我和杜杜。但女生方面，就只有Kathy比較突出，其餘都是識打但不強的。而最令我擔心的是我們的後備，雖然排球比賽較少需要換人，但若六個正選有任何問題，我們的後備也沒有一人是可以令人安心的。
.
為今之計，除了多加練習，就是祈求我們正選六人無傷無病，一直捱到尾。
.
Facebook：微言
Instagram：smallpotatosay