你愛我還是他: 第四十五章

重新和芷怡一起後，我感覺到我的世界好像重新塗上色彩，不再是黑白灰死氣沉沉。
.
「司徒駿！」
「做咩呀杜杜，嬲爆爆咁既？」
「你同番個女人一齊咩？！！」
「咩女人呀，佢好明顯仲係女仔黎架喎」
「即係一齊番喇」
「做咩啫？」
「杜杜，唔好衝動呀！」這時Kathy跑來
「我無眼睇你喇！」杜杜說完就氣沖沖的走開




「喂，做咩啫？」
「呀駿你由佢喇」
「Kathy，佢做咩啫，一番黎就關公加張飛上身，又黑口黑面，又嬲爆爆」
「佢都係擔心你啫」
「擔心我？」
「總之你自己小心啲喇，同埋，其實你值得更好的」
.
更好的？怎麼他兩公婆今天都那麼怪？
.
「傻鴨！」芷怡坐在小食部向我揮手




「早晨呀傻豬！」
「無事嗎？」
「唔知呀，應該無事既，唔好理咁多，我整左早餐呀！」
「早餐！係咪芝腿飛碟呀？！！」她馬上變成心心眼
「係呀！不過我今日都整左新口味」
「唔要！我淨係要食芝士火腿！我要食！我要食！」
「得喇，俾你食喇低能妹」
「咩喎，咁係好食麻！」
看著她食得津津有味，我都非常開心。
.




不過開心過後，就要面對殘酷的現實。第一個星期所考的中英文和通識科，成績都尚算不錯，有七字頭。但去到第二個星期的數學科，經濟科和企業管理科，表現都不算太好，三科都只有六十多科。而數學竟然成為我最低分的科目，收卷後，我都不禁露出十分失望的表現。
.
「有時候，努力未必會有同樣的回報，但希望同學唔好灰心，繼續努力！今日時候亦差唔多，落堂」
朱老師的這番話，我清楚知道他是跟我說的。可是，成績就是一切，無論你努力了多久，結果才是大部份人著重的…
.
放學的時候，芷怡來了我班房門口。這個時候，杜杜走了出去跟芷怡說了幾句，然後就走了。
.
「傻豬，做乜呆左企係度呀？杜杜頭先同你講咩？」
「下，無呀，等你咋麻，走喇」
「你無事嗎？好似怪怪地咁既？」
「無呀，可能今日上堂好攰啫」
「係呀，我今日要去覆診，陪你唔到呀」
「哦，唔緊要，我自己番去就得」
「對唔住呀，我番到屋企搵你呀」
.




和芷怡道別後，我就前往旺角覆診。
「咦，呀駿，今日好似精神左喎」陳醫生一見到我就說
「係咩？可能心態有改變掛」
「咁咪好囉」
.
之後，我如常報告我的情況，包括我在試場遇上的病發。
「睇黎你開始有進展，至於你身體不適方面，我會開一隻藥俾你，你有需要先食，應該會有助你抒緩你的問題」
.
但願真的能幫到自己，因為每次病發都愈來愈辛苦。而每次覆診後結帳時，雖然錢是爸爸的，但總會感到心痛，好像被割了一片肉般，很想快點康復不需要再浪費錢。
.
Facebook：微言
Instagram：smallpotatosay