你愛我還是他: 第七十二章

努力去完成考試後，終於可以好好再次去休息一下，迎來暑假的悠長假期。不過，當下第一件事要做的，當然就是要去找那隻等待我已久的豬。
.
為了考試，我已經足足一個星期沒有見過她…
「喂傻豬，等左好耐喇？」
「傻鴨考完喇？但點解你早左半個鐘既？」
「咁我掛住你麻，咪一做完份卷就舉手走囉」
「下，咁你有無覆卷？」
「都有既…」
「乜你咁架！考試梗係要認真架喇」
「咁我掛住你麻，成個星期都無見你！」




「傻鴨，下次唔好喇，都係半個鐘咋麻」
.
接下來，我們就拍住拖四周逛逛。雖然我們已經差不多走遍整個銅鑼灣，但是其實只要身邊有她，去哪裏也沒有所謂。
.
現在的我們，愈來愈像一對老夫老妻，因為我們最喜歡逛的地方，真的十分特別。
大家不如又猜猜看？戲院？商場？書店？
.
我們最近最常逛的，是超級市場。銅鑼灣的超級市場大多都較大，可以逛一段時間，而且跟一般百佳惠康賣的貨品又有些分別。我們除了會在懷緬過去，還會幻想將來，一起往後的生活該是怎樣。
.
不過，有時候世事總不是盡如人意，上天總愛考驗一下情侶間的感情，給他們一點挑戰。




.
期待已久的暑假，終於可以好好去玩，有機會好好拍拖，而不是每次只見一萬個小時，吃一餐飯。
.
本來，我已經計劃好暑假的行程，要等芷怡去哪裏玩去哪裏覓食，我都有全盤的打算。
可是，當我大概說出我的計劃後，芷怡卻給了我一個意想不到的回覆。
.
「對唔住呀駿，我暑假一至五都要番工呀…」
細問之下，原來她一至五朝九晚六都要上班賺錢，星期六下午還要教補習，星期日就要留家。
那就是說，我的計劃有她，但她的計劃並沒有我…甚至說，暑假我們見的時間，很大可能比要上學的時間更短更少…
.




「對唔住呀…但你都知我屋企喇，我都係被我呀媽逼番工搵錢，仲要被佢扣起啲人工」
「算喇…你都唔想既…咁我可以搵你食夜晚接你收工，夜晚拍拖都得架」
「但係…我同呀媽同一間公司，基本上番工放工都會同佢一齊…」
「即係我唔使見你喇」我忍不住說
「咁又唔係…星期六朝早呀，我試下早啲出門口」
「再算吧喇…我唔想再講呢個話題住」
.
悉心安排的計劃，一句要上班就推倒所有，還說一星期只有一個早上的見面機會，那麼我跟單身有甚麼分別？
.
為此，在那天後，我足足有四十八個小時沒有找她…因為…我真的很失望…
.
Facebook：微言
Instagram：smallpotatosay