1.6

「TRANS AM?」小優驚訝道


「呢招係我細個睇高達00而改既名」彌生停於南條信既眼前:「南唔知乜鬼...呢個就係你同我既差距啦」


身中多拳既南條信吐住血



「咳..估唔到你仲有呢一招..」南條信雙手裝上鐵蓮花,衝向彌生


「去死啦!!!!」

彌生又再度消失,避開南條信既招式


「雖然TRANS AM係好撚勁,但係一日只可以用三分鐘,所以都係速戰速決啦..」



彌生從後以勾拳作攻

但今次,南條信卻成功格住彌生既攻擊


「我早就估到你會出現響我既後面啦!」南條信乘機拔出槍:「睇下你係咪子彈都避到!!」


「砰!!」



子彈冇打中彌生,反而佢就再度出現於南條信後方


「丫你真係聰明啦!你點知我子彈都避到架」

彌生用槍指住南條信既心臟位置:「響頭先跑黎跑去既同時,我一早已經執起支槍啦」

「食屎啦你」


「砰!!」

槍聲下,南條信應聲倒地




彌生扭住手槍:「呼..突然逼到我出TRANS AM,你都真係犀利啦...」說罷就失平衡跌倒

「彌生!!!」小優衝去扶住彌生:「你..無野丫嘛..」


「無事..次次用完TRANS AM都係咁架..」彌生面帶疲態道

小優扁住嘴道:「多..多謝你又救左我..」

「保護女朋友係應份架嘛...不過可唔可以錫啖獎勵下我先?嘻嘻」


「...嗯」小優害羞地吻了彌生一下:「嗱,淨係一下啦」

「小優你真係好可愛呀..」彌生又忍唔住錫左小優面頰一下



「喂,你咁無賴架!」小優生氣道:「不過...」


「點解呢個殺手冇好似今日下晝果個咁變血水既?」


彌生望住南條信既屍體,心知不妙

「滴答,滴答,滴答,滴答,滴答,滴答,滴答」


「仆街,佢裝左自爆程式!!」彌生攬住小優,跑出露台:「小優,小心啦!」





「轟呀呀呀呀呀呀呀呀呀呀呀呀呀呀呀呀呀!!!!!」

一下大爆炸,將整間大宅炸得稀巴爛,仿如恐怖襲擊一樣


彌生響千鈞一髮之際,抱住小優跳入大宅外既水塘,成功避過致命一擊



「嘎..嘎..」小優浮出水面,發現失去彌生既蹤影:「彌生..彌生...!」

「彌生你唔好嚇我呀!你去左邊呀!!你唔可以死架...嗚」




「嘻嘻,小優bb豬好擔心我喎」

彌生忽然從小優背後出現


「你...你嚇死我呀!!你知唔知..我幾驚你死呀!」小優哭住笑道

彌生伸舌道:「放心啦..我係不死身,點會有事呀」


「不過,今次迪拉斯班仆街居然連我間祖屋都炸埋,我咁反擊都唔得啦!」

小優不惑,問:「點..點反擊呀?」

「去日本搵我大哥,收哂佢地皮」


「大哥!?你有阿哥既咩?!」小優誇張地問

「嗯,好出奇咩?」彌生接住道:「聽日我地就出發搵佢,殺撚哂班仆街!不過...」


彌生一手抓住小優豐滿的雙乳,另一手除住小優既短褲

「我地響度鴛鴦戲水先啦,嘻嘻!」

「喂呀!衰人彌生!咪玩啦!」小優不停掙紮






「彌生,你果個阿哥係點既人黎架?」小優拎住小型行李,行進禁區

「佢呀..悶蛋一個囉」彌生舉頭思量:「唔打機唔飲酒唔食煙,仲鐘意飲茶同整野食,成個女人咁!」


「咁都幾好呀,呢d先叫好男人架!」小優對彌生做出鬼臉

「佢呢d木頭都叫好男人,咪玩啦」彌生抓住小優既胸部:「我呢d先叫好男人呀,嘻嘻」

小優拉開彌生既手:「你呢d叫咸濕呀!不過我係想問...佢係咪..都係同你一樣..係賞金獵人黎架?」


「嗯,以前殺親人,最後都係佢落手既」彌生飲住可樂:「不過,兩個月前佢錯手殺左個細路仔之後,佢就次次都斬唔到要害啦,所以..佢先去左日本抖下」

「細個果陣,我果個老豆都係鐘意佢多d,又教佢好多刀法,又比佢去日本讀書...我就唔同啦..」


「你唔同?」

「我細個好百厭架,又成日打爛老豆d古董,哈哈,所以我老豆佢淨係會打鳩我..我d槍法呀..都係自己學返黎架咋」



「咁講既話...佢都係個好人黎既...」小優道

「不過,佢唔走,我都未必遇到你啦小優bb豬!」彌生攬住小優

「縮..縮開手先啦咁多人!」


「還掂仲未夠鐘上機..」彌生以公主抱抱起小優:「我地入殘廁,執返劑先啦,嘻嘻」

「你..你痴線架彌生,放返我落黎呀!」
已有 0 人追稿