我每星期都會去摩星嶺同佢啪啪啪: 十二

【上文提及】
聽到媽子把聲，我突然間醒左。之後佢同我講返，我先知原來自己已經瞓左成日，而且仲叫極都唔醒。因為咁樣，屋企人就同我去左醫院檢查，得出嘅結論就喺我睡眠不足。當我自己一個喺病房嘅時候，我睇返啲what$app record，更肯定摩星嶺嘅事只係我嘅夢境。於是，我諗住終於可以安全心休息，點知就俾我喺褲袋度揾到兩盒藥膏同埋寫住「from Alex」嘅字條。

【我每星期都會去摩星嶺同佢啪啪啪 - 十二】
「妖，咁即係點L樣呀？」望住嗰兩盒嘢同張紙，我真係躁左。本來睇完個what$app group都幾sure摩星嶺單野係流嘅，但係而家……我都唔知咁即係算點--除左有證據證證明我冇去過摩星嶺，同時又有證據證明我去過摩星嶺--呢句嘢如果真係講出嚟嘅話連我都會覺得自己on9啦！我瞓喺床上面，對眼就望住部電話，雙耳就用對耳機塞住。無論係睇睇下IG個mon自己熄左，定係以為自己聽緊歌但係根本就未插對耳機入部電話度，呢啲小事根本就阻止唔到我個腦諗住同一個問題--究竟摩星嶺單嘢係堅定流？

係喎！我唔sure姐，可以問下Kenson同傻仔西㗎嗎！我已經心急到想即刻知個答案，所以直接打俾佢地……
「你打嘅電話暫時未能接通……」
又會咁啱佢兩個嘅電話都打到，再睇下what$app，又冇online喎！明明平時佢兩條友應該仲喺度打緊機，都唔知今晚做乜鬼潛曬水咁。冇辨法啦，而家揾唔到佢地唯有what$app住佢地先，再等佢地覆啦！
[12:22am]文：有啲嘢想傾下


[12:22am]文：星期日晚ig pier?
我一路望住個mon，等佢地覆。可能我真係好攰，等等下，我唔覺意瞓左……

第二朝瞓醒，我已經見到Dr. Ho同屋企人喺房入面。
Dr. Ho：「幫你check過，健康狀況唔錯，返到屋企早啲瞓抖多啲！」
咁嘅話，我應該只係平時唔夠瞓太攰先會搞到尋日咁。趁屋企人去左搞啲出院手續，我換完衫之後拎返褲袋嗰兩盒嘢同張紙出嚟，一野抌左入垃圾筒。返屋企途中，我㩒㩒下機先見到原來Kenson同傻仔西已經覆左我，但係佢地兩個夜晚都唔得閒。於是，我就約左佢地兩個星期一朝早返學前去ig pier吹水。雖然我自己就傾向唔相信摩星嶺嘅事，但係我都好想將喺廢堡扑野嘅事話俾佢地知，睇下佢地會有咩反應。

到左星期一朝早，我7點幾去到ig pier入口已經見到佢地。
文：「sor遲左。」
文：「嘩！乜你兩個個樣咁殘嘅？尋晚撞鬼呀？」


西：「妖，都唔知呢排做乜L野，明明晚晚都係好似之前咁點幾就瞓但係第二朝好似冇瞓過咁。」
Ken：「咪係囉！最L激氣就係呢幾晚老母都唔知係咪食錯藥，問我做乜晚晚都三點幾四點先返……」
西：「我都係！明明呢幾晚我地都冇online早左瞓㗎啦，都痴9線嘅！」
講下講下，我地越行越近海邊。我見到前面疊左幾塊木板，於是就望住佢兩個諗住問下佢地坐嗰度好唔好。
Ken：「你坐啦啊文，我地兩個……唔坐啦！」
文：「下……做乜呀？」
西：「我地……唉！十個男人九個痔呀！」
文：「九個字？邊九個字？」
Ken：「妖！你係咪聾㗎？唔係字呀頂你……」
文：「哦……明啦！嘩，你地夾埋㗎，呢啲嘢都一齊……」


西：「唉……總之就黑仔。明明禮拜五都冇嘢㗎，點知第二日一起身就覺得個窿好痛，睇左醫生咁多日都好似冇好過咁……」
Ken：「妖，我都係呀，痛到死，啲藥膏搽極都冇L用……」
西：「係喎！阿文你寄俾我嘅藥膏我今朝收到啦！」
Ken：「呀！講開呢樣我都收到。不過其實係咩嚟㗎？你又冇寫喎……」
文：「下？咩藥膏呀？我都冇寄野俾你地……」
西：「點會呀？個信封入面仲有你字跡同署名㗎！」

痔瘡…… ？
醫生…… ？
藥膏……？
文：「係呢，禮拜五嗰晚我地咪上左摩星嶺嘅……」
Ken：「咩呀？咩摩星嶺呀？」
西：「我地禮拜五都冇出嚟……咪扯開話題啦，盒藥膏咩料呀？」
我開始越嚟越懷疑成件事係咪真係有發生過，Alex講嘅野都真係好中，而且我明明抌左左盒藥膏，更加唔好講我寄左兩盒藥膏俾佢地。我決定趁朝早上一次摩星嶺睇下。
文：「sor ar啱啱醒起漏左野喺屋企，你地返去先啦！」


Ken：「下，你又話有野傾？同埋而家返第一堂都未開始上喎……」
文：「sor ar sor ar！一陣lunch再講。」
西：「好啦！咁我同Kenson落老銅食個早餐先啦！」

揾左個籍口走之後，我行返出去截左架車。
文：「摩星嶺唔該。」
一日唔搞清楚件事，我始終都唔放心。