我每星期都會去摩星嶺同佢啪啪啪: 十八

【上文提及】
Alex生前嘅女友Aurona喺餐廳度同我解釋摩星嶺嘅事，佢話呢一切都同近幾年嘅學生自殺事件同埋一個叫Dream Zone嘅虛擬世界有關……

【我每星期都會去摩星嶺同佢啪啪啪 - 十八】
Aurona：「Alex查左一輪之後發現應該有係有個組織喺背後控制住呢啲靈魂。呢個組織喺摩星嶺山頭整左個叫Dream Zone嘅虛擬空間，入面同真實嘅摩星嶺山基本上喺一模一樣。佢地一方面用Dream Zone嚟困住啲靈魂，另一方面透過Dream Zone擴闊自己嘅勢力範圍。」
文：「擴闊勢力範圍？即係點？」
Aurona：「係咁嘅，一般人如果行入摩星嶺山路嘅話就會入左Dream Zone，之後就會好似俾人落左迷藥咁，冇左判斷能力，記憶會變得模糊或者扭曲。佢地就係利用呢個特點，散播各種謠言吸引學生入去之後就幫佢地打針，直接控制佢地嘅意識同修改記憶。」
文：「咁即係……我之前見到佢地喺廢堡二樓搞嘅嘢其實就係……」
Aurona：「冇錯！跟住重點就嚟啦！根據Alex嘅觀察，打針嘅目的就係要控制住啲學生，令佢地每晚都不由自主咁返去Dream Zone……」
文：「返去Dream Zone……咁跟住呢？」



講到呢度，Aurona突然間停左，佢嗰個欲言又止尷尷尬尬嘅樣真係越睇越可愛。
Aurona：「其實咁樣講可能會有啲怪，不過我同Alex通常都會話佢地係返去屌鬼……」
雖然冇講出口，但係我第一個反應就係……What the fuck?認真呢？跟住我真係唔識點應佢。
文：「er…...屌鬼？咁……即係點？你可唔可以講得er……稍為具體小小？」
Shit！我究竟喺度講緊乜呀？具體小小？點具體呀？人地女仔嚟㗎！唔通同你講--啲男人除褲然後將碌棍插入啲鬼西度--咁呀？
文：「哈哈……其實我意思係er……佢地點解要咁做？」
Aurona：「我都明淨係講屌鬼呢兩隻字你未必會知係發生咩事，所以……如果你唔介意嘅話……我儘量試下詳細啲咁解釋俾你聽。」
我點一點頭，心諗：唔介意，點會介意呀？最好你示範埋俾我睇咁我就一定明白啦！
Aurona：「係咁嘅，因為一般人只要同Dream Zone入面嘅所有靈體都發生過性關係之後就會徹底咁受Dream Zone嘅磁場影響，完全失去自控能力，最後自殺。所以所謂嘅屌鬼唔一定係指男人插女鬼，而係泛指所有人鬼性交。」


文：「咪住先咪住先！如果真係好似你啱啱所講咁樣……咁即係……」
Aurona突然間成個樣認真左。
Aurona：「Alex應該俾你睇左嗰幾隻女鬼幫你兩個friend打針嘅情況，之後你應該都有留意到佢地嘅異樣。」
文：「係呀！Kenson同傻仔西呢排晚晚都唔知去左邊。」
Aurona：「佢地就係去左摩星嶺屌鬼……」
文：「咁即係……佢地最終嘅下場就係……自殺？」
……